უკან

ეკონომიკა

23 მაისი, 2017 13:25
font-size

დიმიტრი ქუმსიშვილმა თურქეთის საბაჟო და ვაჭრობის მინისტრთან ორმხრივი თანამშრომლობის შესაძლებლობები განიხილა

საქართველოს პირველი ვიცე-პრემიერი, ფინანსთა მინისტრი დიმიტრი ქუმსიშვილი თურქეთის საბაჟო და ვაჭრობის მინისტრს ბიულენთ თუფენქჩის შეხვდა. შეხვედრა თურქეთის პრემიერ-მინისტრის საქართველოში სამუშაო ვიზიტის ფარგლებში გაიმართა, რომლის დროსაც ქვეყნებს შორის მაღალი დონის თანამშრომლობის საბჭოს სხდომა ჩატარდა.

ფინანსთა სამინისტროს ინფორმაციით, შეხვედრაზე მხარეებმა ისაუბრეს საქართველოსა და თურქეთს შორის ურთიერთობაზე საბაჟო და ორმხრივი ვაჭრობის სფეროებში. აღინიშნა, რომ თანამშრომლობის ხარისხი ქვეყნებს შორის ამ მიმართულებით არის სანიმუშო და ორიენტირებულია შემდგომი დინამიური განვითარებისკენ. ითქვა, რომ ყოველი კონკრეტული პროექტი მიმართულია საქართველოს და თურქეთის გავლით სატრანზიტო შესაძლებლობების გაზრდისკენ.

საქართველოს პირველი ვიცე-პრემიერის დიმიტრი ქუმსიშვილის განცხადებით, საქართველო და თურქეთი, გეოგრაფიული ადგილმდებარეობის უნიკალურობის შედეგად, ბუნებრივი მოკავშირეები არიან ტრანზიტული მარშრუტების განვითარებისკენ მიმართულ ნებისმიერი პროექტის იმპლემენტაციისას. მისი თქმით, საქართველო სრულ მხარდაჭერას უცხადებს ინიციატივას აბრემუშის უძველესი გზის აღდგენასთან დაკავშირებით.

დიმიტრი ქუმსიშვილის განცხადებით, საქართველოს მთავრობის ოთხ პუნქტიანი გეგმის ერთ-ერთი მთავარი პრიორიტეტია სატრანსპორტო დერეფნის ინფრასტრუქტურაში მნიშვნელოვანი ინვესტიციების განხორციელება, რაც სატრანზიტო პოტენციალს საგრძნობლად გაზრდის.

მხარეებმა ასევე ისაუბრეს სატრანსპორტო პროექტებზე, რომლებიც გაზრდიან არა მხოლოდ საქართველოსა და თურქეთის, არამედ რეგიონის სარტრანზიტო შესაძლებლობებს. ერთ-ერთ ასეთ პროექტად დასახელდა ბაქო-თბილისი-ყარსის როგორც ფინანსთა სამინისტროში აცხადებენ, რკინიგზა, რომლის მშენებლობაც დასასრულს უახლოვდება. ასევე დასრულდება სარფის გამშვები პუნქტის რეკონსტრუქცია თურქეთის მხარეს და დაგეგმილია ვალეს გამშვები პუნქტის განახლება.

აღინიშნა, რომ საქართველოში მოქმედებს წარმატებული პრაქტიკა საბაჟოსა და რკინიგზას შორის ინფორმაციის ელექტრონულ რეჟიმში გაცვლის თაობაზე. შეხვედრაზე ყურადღება გამახვილდა აღნიშნული პრაქტიკის რეგიონალურ დონეზე გაფართოებას შეეწყოს ხელი.

მხარეებმა ისაუბრეს საქართველოს, თურქეთისა და აზერბაიჯანის საბაჟო ადმინისტრაციების ჩართულობით ერთობლივი შეხვედრის ჩატარების შესაძლებლობებაზე, რომლის დროსაც განხილული იქნება ქვეყნებს შორის თანამშრომლობის საკითხები.

შეხვედრაზე მხარეებმა დადებითად შეაფასეს საქართველოსა და თურქეთს შორის არსებული თავისუფალი ვაჭრობის შეთანხმების გაფართოების პროცესი, რომელიც მიმდინარეობს ორი ქვეყნის თანამედროვე ურთიერთობებისა და შესაძლებლობების გათვალისწინებით. ამ მიზნით, დაისვა წინადადება, რომ ქვეყნებს შორის არსებული საბაჟო-გამშვებ პუნქტებს დაემატოს დამატებითი სერვისები, მათ შორის, კარწახის გამშვებ პუნქტზე - ფიტოსატინარიული შემოწმების მიმართულებით.

გარდა ამისა, მხარეებმა ასევე განიხილეს თანამშრომლობა უფლებამოსილი ეკონომიკური ოპერატორის პროგრამის ფარგლებში. აღინიშნა, რომ მნიშვნელოვანია საქართველოს ფინანსთა სამინისტროს სსიპ შემოსავლების სამსახურსა და თურქეთის რესპუბლიკის საბაჟო საკითხთა და ვაჭრობის სამინისტროს შორის უფლებამოსილი ეკონომიკური ოპერატორების ურთიერთაღიარების პროგრამის სამოქმედო გეგმის მიხედვით მუშაობის გააქტიურება, რომლის შედეგად ორივე ქვეყნის შესაბამისი ბიზნეს სექტორის წარმომადგენლებს გაუმარტივდებათ ორმხრივი ვაჭრობის პროცედურები და შემცირდება საბაჟო კონტროლის პროცედურები და ისინი ისარგებლებენ გამარტივებული საბაჟო პროცედურებით.

შეხვედრაზე ასევე დადებითად შეფასდა საქართველოსა და თურქეთის საბაჟო სამსახურების თანამშრომლობა კონტრაბანდის წინააღმდეგ ბრძოლის კუთხით. აღინიშნა, რომ ამ მხრივ მიმდინარეობს აქტიური კოოპერაცია ზრდის ქვეყნებს შორის ეკონომიკური საზღვრების დაცულობის ხარისხის.

შეხვედრის დასასრულს, პირველმა ვიცე-პრემიერმა დიმიტრი ქუმსიშვილმა თურქეთის საბაჟო და ვაჭრობის მინისტრი მოიწვია საქართველოში 7 - 9 ივნისს მსოფლიო საბაჟო ორგანიზაციის საინფორმაციო ტექნოლოგიების კონფერენცია - გამოფენაში მონაწილეობის მისაღებად.

ევროკომისია მზად არის დაგვეხმაროს საგზაო უსაფრთხოების დონის ამაღლებაში - გიორგი ქობულია

21 სექტემბერი, 2018 , 10:35

ბრიუსელში ვიზიტის ფარგლებში საქართველოს ეკონომიკისა და მდგრადი განვითარების მინისტრმა, გიორგი ქობულიამ ევროკომისართან ტრანსპორტის საკითხებში ვიოლეტა ბულცთან შეხვედრა გამართა, სადაც ტრანსპორტის სფეროსთან დაკავშირებული მნი

ევრორეგულაციების დანერგვა საქართველოს დიდ სარგებელს მოუტანს - ევროკომისარი ტრანსპორტის საკითხებში ვიოლეტა ბულცი

21 სექტემბერი, 2018 , 10:35

„დღევანდელი შეხვედრა მართლაც კონსტრუქციული იყო. ვისაუბრეთ ყველა მნიშვნელოვან საკითხზე და შევთანხმდით, რომ ჩვენს თანამშრომლობას მყარი საფუძველი აქვს“ - ამის შესახებ ევროკომისარმა ტრანსპორტის საკითხებში ვიოლეტა

გიორგი ქობულიამ და ვაჭრობის საკითხებში ევროკომისარმა სესილია მალმსტრომმა საქართველო-ევროკავშირს შორის ორმხრივი სავაჭრო ურთიერთობები განიხილეს

20 სექტემბერი, 2018 , 14:10

ეკონომიკისა და მდგრადი განვითარების მინისტრი გიორგი ქობულია ბრიუსელში DCFTA (ღრმა და ყოვლისმომცველი თავისუფალი ვაჭრობის შეთანხმება)-ის პირველ არაფორმალურ მინისტერიალში მონაწილეობს, რომელიც ვაჭრობის საკითხებში ევროკომისრი

1 აშშ დოლარის ოფიციალური ღირებულება 2.6179 ლარი გახდა

20 სექტემბერი, 2018 , 09:00

ეროვნული ბანკის მიერ გამოქვეყნებული მონაცემების თანახმად, 20 სექტემბერს ერთი ამერიკული დოლარის ღირებულება 2.6179 იქნება. 19 სექტემბერს ერთი დოლარის ფასი 2.6188 ლარი იყო. 1 ევროს ოფიციალური ღირებულება 3.0606 ლარი გახდა.

1 აშშ დოლარის ოფიციალური ღირებულება 2.6179 ლარი გახდა

19 სექტემბერი, 2018 , 17:50

ეროვნული ბანკის მიერ გამოქვეყნებული მონაცემების თანახმად, 20 სექტემბერს ერთი ამერიკული დოლარის ღირებულება 2.6179 იქნება. 19 სექტემბერს ერთი დოლარის ფასი 2.6188 ლარი იყო. 1 ევროს ოფიციალური ღირებულება 3.0606 ლარი გახდა.

საქართველოს ეროვნული ბანკი სავალუტო აუქციონის შედეგს აქვეყნებს

19 სექტემბერი, 2018 , 17:10

საქართველოს ეროვნული ბანკის ცნობით, 2018 წლის 19 სექტემბერს გამართულ საქართველოს ეროვნული ბანკის სავალუტო აუქციონზე სებ-მა 10 000 000 აშშ დოლარი შეისყიდა. საშუალო შეწონილმა გაცვლითმა კურსმა 2.6188 შეადგინა.

ვიდეო გალერეა

შეტევა ტელეკომპანია `იბერიასა` და `ომეგა ჯგუფზე`