უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
- 23.04.2024 15:47ჩემი აზრით, ის ხალხი, რომელიც ჩამოდის აქციაზე, ყველაზე საცოდავი ხალხია – იაგო ხვიჩია
- 23.04.2024 15:39საქართველოს ბანკის მხარდაჭერით, საქართველოში KIABI – ს პირველი ფილიალი გაიხსნა
- 23.04.2024 10:37ავტომანქანის ყალბი მართვის მოწმობების დამზადება-გასაღების ფაქტზე ოთხი პირი დააკავეს
- 23.04.2024 08:21აშშ-ის სახელმწიფო დეპარტამენტმა საქართველოში ადამიანის უფლებების შესახებ 2023 წლის ანგარიში გამოაქვეყნა
არქივი
საზოგადოება
დირექტორი ბრალდებულ მოსწავლეზე: ბავშვი 6 გაკვეთილი სკოლაში იყო და აღელვების ნიშნები არ ეტყობოდა
პირველი ექსპერიმენტული სკოლის დირექტორი, ხათუნა ბარბაქაძე ამბობს, რომ 1-ელ დეკემბერს, ხორავას ქუჩაზე მომხდარ მკვლელობაში ბრალდებული ორივე მოზარდი მისი სკოლის მოსწავლეა.
მისი თქმით, 51-ე სკოლის ორი მოსწავლის მკვლელობაში ბრალდებულებს, არ ჰქონდათ ფსიქიკური პრობლემები და არ გამოირჩეოდნენ აგრესიით.
რაც შეეხება კითხვას, შეიძლებოდა თუ არა სკოლის ტერიტორიაზე მოსწავლე დანით შესულიყო, დირექტორმა უპასუხა, რომ „ამას ვერ გამორიცხავს“.
„ადამიანის დახასიათება, რომელიც ასეთ არადამიანურ ქმედებას ჩაიდენს, არ შეიძლება. ჩვენ არაერთხელ ჩაგვიტარებია ჩხრეკა სკოლაში, ოღონდ დადასტურებული ეჭვის შემთხვევაში. ჩხრეკას სისტემატიურად ვაწარმოებთ, არიან რისკის ჯგუფის ბავშვები, რომლებთანაც მეტ ყურადღებას ვიჩენთ. ხოლო ის, რაც მოხდა, არის კატასტროფა“, - განაცხადა დირექტორმა.
მისი ინფორმაციით, დაკავებული მოზარდი მკვლელობის დღეს გაკვეთილებს დაესწრო.
,, მოსწავლე, რომელიც დაკავებულია, სკოლაში იყო. მე-6 გაკვეთილზე, ფიზიკის გაკვეთილზე იჯდა; ეს დამრიგებელმა გადაამოწმა. ბავშვი 6 გაკვეთილი სკოლაში იყო და აღელვების ნიშნები არ ეტყობოდა. დასრულდა თუ არა გაკვეთილი, რაღაც შეტყობინება შემოუვიდათ და გავიდნენ“, - ამბობს ხათუნა ბარბაქაძე.
რაც შეეხება მეორე მოსწავლეს, რომელიც ძებნაშია, დირექტორის ინფორმაციით, ის სკოლაში 1 დეკემბერს არ იმყოფებოდა.
,,არ იყო ეს ბავშვი სკოლაში. ბუნებრივია, დამრიგებელმა გადაამოწმა მშობელთან და მშობელმა უთხრა, რომ სახლში იყო“, - აღნიშნა დირექტორმა.
ნინო ექვთიმიშვილი