ქრისტიან-დემოკრატიული მოძრაობის წევრი, თბილისის საკრებულოს დეპუტატი ჯაბა სამუშია დღეს სტიქიის შედეგად დაზარალებულ სოფელ აგარაკების მოსახლეობას შეხვდა.

აგარაკები თბილისს, ვაკე-საბურთალოს რაიონს ეკუთვნის და როგორც ადგილობრივები აცხადებენ, სოფელში გაზი და წყალი არ არის. სოფელი სტიქიის შედეგად სერიოზულად დაზარალდა და ფაქტობრივად, აღარ არსებობს სოფლამდე მისასვლელი გზაც.

ადგილობრივმა მოსახლეობამ შესაბამის სამსახურებს რამდენჯერმე მიმართა, თუმცა მათთვის დახმარება ამ დრომდე არავის აღმოუჩენია.

,,ამ ადამიანების უნდათ მხარში დგომა და შველა და ამიტომაც არის, რომ ჩვენ რამდენჯერმე მივმართეთ ქალაქის მერიას, რომ მაქსიმალურად მხარში დაუდგნენ ამ ხალხს, ვინაიდან 80 კომლი არის დარჩენილი წყლის, გაზის და უკვე გზის გარეშეც”, _ განაცხადა ჯაბა სამუშიამ.