უახლესი ამბები
- 25.04.2024 12:59საქართველოს პროკურატურამ საფრანგეთის, შვეიცარიის და ლიეტუვის უწყებების წარმომადგენლების ჩართულობით, ფართომასშტაბიანი ტრანსნაციონალური დანაშაული გახსნა
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
საზოგადოება
ჯანდაცვის კომიტეტი საყოველთაო დაზღვევის პროგრამაში კერძო სადაზღვევო კომპანიების ჩართულობის ინიციატივით გამოდის
პარლამენტის ჯანდაცვის კომიტეტში, საყოველთაო ჯანდაცვის პროგრამაში აღმოჩენილი ხარვეზების აღმოფხვრის გზებზე მსჯელობა გაიმართა.
შეხვედრას ჯანდაცვისა და სოციალური დაცვის კომიტეტის თავმჯდომარე აკაკი ზოიძე უძღვებოდა. გარდა ამისა, მსჯელობას სადაზღვევო ასოციაციის თავმჯდომარე, ექსპერტები და კერძო სადაზღვევო კომპანიების წარმომადგენლები ესწრებოდნენ.
როგორც შეხვედრაზე აღნიშნა, ჯანდაცვის სისტემაში გატარებული რეფორმის რაღაცა ეტაპი განვლილია და საჭიროა რეფორმების გაგრძელება.
ასეთ რეფორმად საყოველთაო ჯანდაცვის პროგრამაში კერძო სადაზღვევო კომპანიების ჩართვა დასახელდა, რომელიც გულისხმობს,რომ კლინიკების ნაცვლად სახელმწიფომ თანხები კერძო კომპანიებს უნდა გადაურიცხოს, რაც თანხების ეფექტურად ხარჯვას გამოიწვევს.
როგორც სადაზღვევო ასოციაციის თავმჯდომარემ დევი ხეჩინაშვილმა საკითხის კომენტირებისას განაცხადა, რეფორმის გაგრძელებამ უნდა მოიტანოს კერძო სექტორის მეტი ჩართულობა, როგორც დაფინანსების, ასევე აღსრულების ნაწილში.
ფრაქცია „ევროპული საქართველოს“ წევრმა ზურაბ ჭიაბერაშვილმა აღნიშნა, რომ თუ მუშაობა ამ ორი მიმართლებით წავიდა, კერძოდ, თუ მოხდება ხარჯების შეკავების ეფექტური მექანიზმის შემუშავება და განისაზღვრება მიზნობრიობა-„რომ ღარიბებმა მიიღონ უფრო მეტი, ვიდრე იღებს მდიდარი ამ პროგრამიდან, რა თქმა უნდა, ჩვენ შევეცდებით, რომ მაქსიმალურად მივიღოთ მონაწილეობა ამ სამუშაო ჯგუფში“.
საქართველოს შრომის, ჯანმრთელობის და სოციალური დაცვის მინისტრის მოადგილის, სოციალური მომსახურების სააგენტოს დირექტორის ზაზა სოფრომაძის განცხადებით კი, პროცესებთან მიმართებაში ჯანდაცვის სამინისტროს აქვს თავისი გეგმა, სისტემის განვითარებასთან მიმართებაში.
„რაც დღეს მოვისმინეთ, ძალიან ბევრი რამ თანხვედრაშია იმასთან, რასაც ჩვენ ვფიქრობთ. თუმცა, ხაზგასმით მინდა ავღნიშნო, რომ ეს გახლავთ ძალიან სენსიტიური პროცესი. ნაჩქარევი გადაწყვეტილებების მიღება სფეროს განვითარებისათვის, სისტემის განვითარებისათვის შეიძლება ითქვას, რომ შეიძლება დამღუპველიც იყოს“,-განაცხადა სოფრომაძემ.
სამუშაო ჯგუფი დოკუმენტს ორ თვეში მოამზადებს და მას ჯანდაცვის სამინისტროს განსახილველად წარუდგენს.
მონიკა დავლიანიძე