უახლესი ამბები
- 29.03.2024 14:52მთავრობის მიზანია, შევინარჩუნოთ მაღალი ეკონომიკური ზრდის მაჩვენებელი და ეკონომიკური ზრდა გავხადოთ უფრო მეტად ინკლუზიური - ვახტანგ ცინცაძე
- 29.03.2024 14:05„ჯორჯიან ეარვეისი“ გერმანიაში, ევრო-2024-ზე ეროვნული ნაკრების თამაშებზე დასწრების მსურველებისთვის სპეციალურ პირდაპირ ფრენებს შეასრულებს
- 29.03.2024 13:54ატმოსფერულ ჰაერში ფიქსირდება მყარი ნაწილაკების შემცველობის მატება - გარემოს ეროვნული სააგენტო
- 29.03.2024 13:40საქართველოს ტერიტორიაზე უახლოეს დღეებში ტემპერატურა 26 გრადუსამდე მოიმატებს - გარემოს ეროვნული სააგენტო
- 29.03.2024 12:02მუნიციპალური ტრანსპორტის ხუთ მარშრუტს 30 მარტიდან ავტობუსები დაემატება და მოცდის ინტერვალი შემცირდება
- 29.03.2024 11:41თებერვალში საქართველოს ეკონომიკა 9.5 პროცენტით გაიზარდა - საქსტატი
- 29.03.2024 11:41თებერვალში საქართველოს ეკონომიკა 9.5 პროცენტით გაიზარდა - საქსტატი
არქივი
პოლიტიკა
ჯანი ბუკიკიო პარლამენტში ,,პატრიოტთა ალიანსისა’’ და ,,ევროპული საქართველოს’’ წევრებს შეხვდა
საქართველოში ვიზიტად მყოფი ვენეციის კომისიის დელეგაცია კომისიის პრეზიდენტის ჯანი ბუკიკიოს მეთაურობით პარლამენტში ფრაქცია ,,საქართველოს პატრიოტებს’’ შეხვდა.
როგორც შეხვედრის შემდეგ ჟურნალისტებს პატრიოტთა ალიანსის წევრმა, გიორგი ლომიამ განუცხადა, საუბარი ძირითადად შეეხო საარჩევნო კანონმდებლობაში შესატან ცვლილებებს.
,,ძირითადად, ვისაუბრეთ იმ კანონპროექტზე, რომელიც მაშინ გაერთიანებულმა ოპოზიციამ შეიტანა პარლამენტში. პირველი მოსმენით იყო გასული და კენჭსაყრელ ნუსხაში იყო შეტანილი მაჟორიტარული სისტემის გაუქმებასთან დაკავშირებით. თუ კენჭისყრაზე არ იყო საკითხი გასული, ამ შემთხვევაში შეეძლო ვთქვათ კომისიას განეხილა, მაგრამ კენჭსაყრელთა ნუსხაში იყო ეს საკითხი შეტანილი, ამიტომ პარლამენტმა უნდა განიხილოს. თუ არ მოხდა კენჭისყრა, იმის შემდეგ უნდა გადაეცეს კომისიას და რაღაც შესწორებები უნდა შევიდეს ცვლილებებში.
ვენეციის კომისია გარანტორად გამოდის, რომ იურიდიული მხარე ამ მხრივ დაცული იყოს. ის ყოველთვის ოპოზიციას გვერდში ედგა და უდგას’’, - განაცხადა გიორგი ლომიამ.
ვენეციის კომისიის დელეგაცია პარლამენტში ფრაქცია ,,ევროპული საქართველოს’’ წარმომადგენლებსაც შეხვდა.
როგორც შეხვედრის ერთ-ერთმა მონაწილემ ,,ევროპული საქართველოს’’ წევრმა, ზურაბ ჭიაბერაშვილმა აღნიშნა, შეხვედრაზე ყურადღება გამახვილდა საკონსტიტუციო კომისიის საქმიანობაზე.
,,საკონსტიტუციო კომისიაში ყველაზე მწვავე და აქტუალური საკითხები იქნება საარჩევნო სისტემის ცვლილება, რომ ეს მანკიერი პრაქტიკა როცა მაჟორიტარული სისტემის მეშვეობით ახდენს მმართველი უმრავლესობა იმაზე მეტი მანდატის მიღებას, ვიდრე ამომრჩეველთა ხმები მიიღოს, ეს პრაქტიკა უნდა მოიშალოს. მეორე ეს იქნება - პრეზიდენტის პირდაპირი წესით არჩევა. ჩვენ ვფიქრობთ, რომ აქ ეს წესი უცვლელად უნდა დარჩეს’’, - განაცხადა ზურაბ ჭიაბერაშვილმა.
ნინო ექვთიმიშვილი