პოლიტიკა

ჯონდი ბაღათურია რუსეთ-ქართული სამეკავშირეო ურთიერთობის აღდგენის მიზნით სამუშაო ჯგუფს ქმნის

„ქართული დასის“ ლიდერი ჯონდი ბაღათურია, რუსეთ-ქართული სამეკავშირეო ურთიერთობის აღდგენის მიზნით, სამუშაო ჯგუფს ქმნის.

ბაღათურია მოსკოვში გაემგზავრა, სადაც პოლიტიკოსებს, ბიზნესწრეებსა და ქართულ დიასპორის წარმომადგენლ;ებს შეხვდება.

როგორც ბაღათურიამ გამგზავრებამდე განაცხადა, სამუშაო ჯგუფში გაწევრიანება შეეძლებათ როგორც პოლიტიკოსებს, ასევე სამოქალაქო საზოგადოებას.

„უნდა შეიქმნას რუსეთ-ქართული სამუშაო ჯგუფი პოლიტიკური ლიდერებისაგან, სამოქალაქო საზოგადოებისაგან, საზოგადოებრივი აზრის ლიდერებისაგან, რომელიც დადებს პროექტს რუსეთ-საქართველოს შორის სამეკავშირეო ურთიერთობის აღდგენის შესახებ. „ქართული დასის“ მიზანია და მის ინტერესებში შედის ყველაზე დიდი, ყველაზე მრავარიცხოვანი ემიგრაციის, ყველაზე მრავალრიცხოვანი დიასპორის, ქართული დიასპორის მხარადჭერის მიღება“,-განაცხადა ბაღათურიამ.

მონიკა დავლიანიძე