მსოფლიო
დონალდ ტრამპმა ქვეყანაში სირიელი ლტოლვილების მიღება მთლიანად შეაჩერა
ამერიკის პრეზიდენტმა დონალდ ტრამპმა ქვეყანაში სირიელი ლტოლვილების მიღება, გაურკვეველი ვადით შეაჩერა.
გარდა ამისა, პრეზიდენტმა შესაბამისი ბრძანებით, 120 დღით, ქვეყანაში შესვლა სხვა ქვეყნების ლტოლვილებსაც შეუზღუდა.
როგორც დონალდ ტრამპმა, ქვეყნის თავადცვის მინისტრის ჯეიმს მეტისის თანამდებობის დაკავების ცერემონიაზე აღნიშნა, მას სურს რომ ამერიკაში მხოლოდ ისეთი ხალხი შევიდეს, ვინც შეერთებულ შტატებს უჭერს მხარს.
„ჩვენ გვსურს ჩვენს ქვეყანაში შემოვუშვათ მხოლოდ ის ხალხი, ვინც მხარს უჭერს ჩვენს ქვეყანას და ჩვენი ხალხი უყვარს“,-აღნიშნა ტრამპმა.
შესაბამისი განკარგულებები შეტანილია ბრძანებაში „იმიგრანტების ექსტრემალური შერჩევის“ შესახებ, რომელიც ტრამპის თქმით, მიმართულია იმისკენ, რომ ქვეყანაში „რადიკალი მუსლიმი ტერორისტების“ შეშვება არ მოხდეს.
მონიკა დავლიანიძე