უახლესი ამბები
- 18.04.2024 19:05ღრმად იმედგაცრუებულები ვართ საქართველოს პარლამენტის გადაწყვეტილებით კრემლის მიერ შთაგონებული კანონპროექტის დაინიცირების გამო - მეთიუ მილერი
- 18.04.2024 18:29“ვაცხადებთ სრულ კოორდინაციასა და მობილიზაციას კანონის მეორე მოსმენით განხილვის დღისთვის” - ექვსი ოპოზიციური პარტია ერთობლივ განცხადებას ავრცელებს
- 18.04.2024 14:47პაატა კვიჟინაძე ოპოზიციას - ერთ პიროვნებაზე იძახდით, გარბის საქართველოდან, გაფრინდაო, ახლა ამბობთ, შემოდის და აქ აბანდებსო, გაერკვიეთ, რა გინდათ
- 18.04.2024 13:57ივანიშვილი იღებს ზომებს, სანქციების შემთხვევაში ფული საქართველოში გადაიტანოს - ევროპარლამენტარი
- 18.04.2024 13:06კარგი გულიანი ნაცემი ვარ - ალეკო ელისაშვილი
- 18.04.2024 12:41გენდერული კვოტირების გაუქმებას პრეზიდენტმა ვეტო დაადო და პარლამენტს უკვე მიმართა
- 18.04.2024 11:40ირაკლი კობახიძე საქართველოში ევროკავშირის სადამკვირვებლო მისიის ხელმძღვანელს შეხვდა
არქივი
პოლიტიკა
,,ძალა ერთობაშია“ ახალქალაქში გიორგი ვაშაძის მხარდამჭერების ცემის საქმეზე საკუთარი გამოძიების შედეგებს ასაჯაროვებს
გაერთიანებული ოპოზიცია ,,ძალა ერთობაშია“ ახალქალაქში საპრეზიდენტო კანდიდატ გიორგი ვაშაძის შტაბის წევრებზე ცემის საქმეზე საკუთარი გამოძიების შედეგებს ასაჯაროვებს.
როგორც გაერთიანებულ ოპოზიციაში აცხადებენ, თავდასხმიდან უკვე 24 საათი გავიდა, თუმცა პოლიციას არავინ დაუკავებია. გაერთიანებულმა ოპოზიციამ კი ამ დროში საკუთარი ძალებით, ექსპერტების, იურისტებისა და გამომძიებლების მონაწილეობით დამოუკიდებელი გამოძიება ჩაატარა.
დამოუკიდებელი გამოძიების პირველადი შედეგები გაერთიანებული ოპოზიციის საარჩევნო შტაბის უფროსმა გიორგი ვაშაძემ გაასაჯაროვა.
„სამწუხაროდ სამართალდამცველი ორგანოები, სათანადო მოქმედებებს არ ატარებენ. მთელი ღამე ვადგენდით რა მოხდა ახალქალაქში და რას ჰქონდა ადგილი.
თავდასხმა დაიწყო 23:00-დან 00:00 საათამდე შუალედში, როცა მიშა აღაბალიანს მიჰქონდა საჩივარი საოლქო კომისიაში. გზაში მას თავს დაესხა 20-მდე ადამიანი და ენზელ მკოიანი. თვითონ მან პერსონალურად მიაყენა მძიმე ფიზიკური დაზიანებები მიშა აღაბალიანს. ცემა გრძელდებოდა 10-15 წუთის მანძილზე და უმძიმეს მდგომაროებაში დატოვეს ქუჩაში. ის ცდილობდა მანქანაში ჩაჯდომას, რა დროსაც კიდევ ერთხელ დაესხა თავს ენზელ მკოიანი,“-ამბობს ვაშაძე.
მისივე თქმით, ამის შემდეგ, აღნიშნული ჯგუფი, გრიგოლ ვაშაძის შტაბთან მიიჭრნენ, სადაც იმყოფებოდნენ აბრამ აბრაჰამიანი და ტიგრან აბრაჰამიანი. მათაც სასტიკად გაუსწორდნენ. ვაშაძის თქმით, ამ თავდასხმაში უშუალოდ არტურ მკონიანი, ენზელ მკოიანის ძმა მონაწილეობდა.
„შემდეგ უკვე აშოტ რაისიანი ჩამოვიდა შტაბის ხელმძღვანელი სიტუაციის განსატვირთად და ისიც სასტიკად არის ნაცემი. ჩვენს მიერ ამოღებულია ნივთმტკიცებები, ეს არის პირადობის მოწმობა ენზელ მკოიანის ძმის, რომელსაც საფულე დაუვარდა. არსებობს ვიდეოგადაღება დეტალური,“- ამბობს გიორგი ვაშაძე.
ვაშაძე ამბობს, რომ ეს იყო ჯგუფური თავდასხმა, თუმცა სამართალდამცველები ამ დრომდე ადექვატურად არ რეაგირებენ.
გაერთიანებული ოპოზიცია ითხოვს, რომ მაჟორიტარ დეპუტატს ენზელ მკოიანს შეუწყდეს დეპუტატის უფლებამოსილება. ოპოზიცია ასევე ითხოვს ჰასმიკ მარაგოზიანის დასჯას, რომელიც ახალქალაქში საარჩევნო კომისიის თავმჯდომარეა.
გარდა ამისა, გაერთიანებული ოპოზიცია საექიმო საქმიანობის მიმართულებით გამოძიების დაწყებასაც ითხოვს, რადგან ვაშაძის თქმით, ახალქალაქის საავადმყოფოდან ექიმებმა მძიმე დაზიანებების მქონე პაციენტები საავადმყოფოდან იმიტომ გაწერეს, რომ მათ ცემაში დეპუტატი ფიგურირებდა.