კომენტარი

ძალიან გამოკვეთილი ტენდენციის სახე მიიღო ყველაფრის გადაბრალებამ საქართველოს პრეზიდენტზე - გიორგი აბაშიშვილი

პოლიტიკურ თვითიზოლაციას ახასიათებს ერთი მნიშვნელოვანი მომენტი, მიდრეკილება შეთქმულების თეორიებისკენ, - ასე ეხმაურება პრეზიდენტის ადმინისტრაციის უფროსი, პარლამენტის თავმჯდომარის, ირაკლი კობახიძის დღევანდელ განცხადებას.

"ზოგადად, როცა ვიწრო სივრცეში ჩაკეტვა ხდება, ამ დროს აქვს ადგილი კონსპირაციებს და ეჭვიანობას. ბოლო პერიოდის განმავლობაში ძალიან გამოკვეთილი ტენდენციის სახე მიიღო ყველაფრის გადაბრალებამ საქართველოს პრეზიდენტზე. მინდა ყველას შევახსენო, რომ ბუნებაში არსებობენ ადამიანები, რომლებსაც აქვთ უნარი დამოუკიდებლად მიიღონ გადაწყვეტილებები და არა ვინმეს კარნახით. ცხადია, ასეთი ადამიანები არაინ პილიტიკაშიც და არასამთავრობო სექტორშიც", - განაცხადა გიორგი აბაშიშვილმა.

ცნობისათვის, დღეს, სახელმწიფო საკონსტიტუციო კომისიის სხდომის დასაწყისში, პარლამენტის თავმჯდომარემ ირაკლი კობახიძემ განაცხადა, რომ კომისიას სარწმუნო ინფორმაცია აქვს იმის შესახებ, რომ პრეზიდენტი ცალკეულ პარტიებსა და არასამთავრობო ორგანიზაციებთან მართავდა კონსულტაციებს მათ მიერ კომისიის დატოვებასთან დაკავშირებით.

ამ განცხადებიდან მალევე მოძრაობამ „სახელმწიფო ხალხისთვის“ სახელმწიფო საკონსტიტუციო კომისია დატოვების შესახებ განცხადება გააკეთა.

ნინო ექვთიმიშვილი