უკან

უახლესი ამბები

დღის კალენდარი

ანონსები

არქივი

საზოგადოება

25 ივნისი, 2019 22:49
font-size

ძალიან მიყვარხართ, მეამაყებით, თქვენთან ერთად ვარ და თქვენთან ერთად ვიდგები გამარჯვებამდე - გიორგი მარგველაშვილი

საქართველოს მეოთხე პრეზიდენტი გიორგი მარგველაშვილი პარლამენტის წინ, საპროტესტო აქციაზე მივიდა და შეკრებილებს მიმართა.

„საქართველოს ისტორია იწერება ყველაზე ამაყი ფრაზით: „ჩვენ, საქართველოს მოქალაქენი“ აი, ასე იწერება ეს ისტორია, რომელიც იქნება ძალიან კარგი. ძალიან მტკივნეულია, რომ ეს ისტორია იწერება სისხლით.

ჩემი ერთი მეგობარი გარდაიცვალა ცოტა ხნის წინ. ის აქ იქნებოდა და მისი ერთ-ერთი საყვარელი ფრაზა იყო, რომელიც ცოტა მაშინებდა ყოველთვის, მაგრამ ძალიან ძლიერი ფრაზაა, რომ თავისუფლების ხე დროდადრო უნდა იყოს მორწყული პატრიოტთა სისხლით. და ეს სისხლი აქ დაიღვარა, ეს სისხლი დღეს საწინდარია იმისა, რომ თქვენ იქნებით გაერთიანებულები, არ შეგეშინდებათ, რომ ამით შედუღაბებულები ხართ ერთმანეთთან და მომავლის წინაშე.

30 წლის წინ ძალიან მტკივნეულად, მაშინაც აქ დაიღვარა სისხლი, უმანკო ბავშვების და ამ სისხლმა, მისმა მისტიკამ დაანგრია უდიდესი იმპერია.

ამიტომ, აი ასე ძლიერად გაერთიანებული იმ გმირობით, რომელიც აქ შედგა სულ რამდენიმე დღის წინ, მე მჯერა, რომ ძალიან ნათელი და ძალიან წმინდა მომავალი დაიწერება“, - აღნიშნა მარგველაშვილმა.

მისივე თქმით, იმ ხალხს, ვინც აქციის მონაწილეებს დაუპირისპირდა, „ძალიან სუსტი ილეთები და ხრიკები აქვს“.
„მმართველ გუნდს დღეს დარჩა ერთი მხრივ, ძალიან მდარე და ერთის მხრივ უკვე გაქარწყლებული პიარი და ჭორაობის დონის ბოტები, და მეორეს მხრივ, რაღაცნაირი „კრახაბორული“ ვაჭრობა, რომელიც ვერ შედგება. და იმიტომ ვერ შედგება, რომ აქ არის სიმართლე, ძალა და ჭეშმარიტი სურვილი საქარველოს მომავლისა!

ამიტომ დღეს მინდა, კიდევ ერთ რამეს გავუსვა ხაზი: სიმტკიცე და ჩვენ მიერ დაშვებული შეცდომების არდაშვება, რაც ჩვენმა თაობამ დაუშვა, როდესაც ერთმანეთს გადავეკიდეთ და დავუპირისპირდით. ვხედავთ, თუნდაც, როგორ მიდის ეს მიტინგი, ეს ნათელი ხედვა, ის, რომ არ იცვლება მოთხოვნები, რომელბიც ძალიან მტკიცეა და ამას არაფერი ტეხავს. ჩვენ ვუშვებდით შეცდომებს, დღეს ერთ რამეს ვიტყოდით, მეორე დღეს - მეორეს და ვიბნეოდით ხოლმე. დღეს მე სიმტკიცე დავინახე, რასაც მხოლოდ გამარჯვებები ექნება მომავალში. ამიტომ, ცოტა იუმორით რომ მოგმართოთ: კობახიძე - „ეტა რაზ“, გახარია - „ეტა დვა“!

დაბოლოს, მივმართავ საერთაშორისო პარტნიორებს, რომლებიც ხშირად გულდაწყვეტილები არიან, როდესაც ამბობენ, რომ რუსეთი იგებს იდეოლოგიურ ბრძოლას, საქართველოში კი არა, მათ ქვეყნებში. თავიდანვე ვეუბნებოდი მათ, რომ ცივი ომი ჩვენ აქ ვიომეთ, ცხლად, რუსის ბეტეერებს ვეომეთ ცხლად ამ ადგილას. მაშინ ჩვენი სისხლი დაიღვარა და მათ გამარჯვებებში ჩვენი ძალაც იყო და ჩვენი წარმატებაც. დღეს მათვე მინდა ვუთხრა, რომ მოვიდნენ და დააკვირდნენ ახალ საქართველოს, რათა იპოვონ აქ პასუხები იმაზე, როგორ უნდა ებრძოლონ რუსეთის რბილ ძალას - აქ, ქართველმა ხალხმა მათ კიდევ ერთი ბრძოლის შედეგად აჩვენა, რომ რუსეთი ვერ გაიმარჯვებს. ნახონ და ისწავლონ, როგორ შეგვიძლია ჩვენ ჩვენი სიამაყისა და ჩვენი ეროვნულობის დაცვა! ძალიან მიყვარხართ, მეამაყებით, თქვენთან ერთად ვარ და თქვენთან ერთად ვიდგები გამარჯვებამდე!“ - განაცხადა მარგველაშვილმა.

`ამას რუსეთი არ აკეთებს` - კრემლის ღია პროპაგანდა და ანტისახელმწიფოებრივი გზავნილები

21 ოქტომბერი, 2019 , 21:57

კრემლის ღია პროპაგანდა - კრემლთან დაახლოებულმა ბიზნესმენმა საქართველოში ჩამოსვლა, პრორუსული ორგანიზაციის დაფუძნება და ანტისახელმწიფოებრივი გზავნილების გაჟღერება ხელისშემშლელი ფაქტორების გარეშე შეძლო. კერძოდ, ვლადიმერ ხომ

კაზინო “ბეთლაივში“ ხუთი ადამიანი გაზით მოიწამლა

21 ოქტომბერი, 2019 , 21:14

კაზინო ”ბეთლაივში”, რომელიც გლდანში მდებარეობს, გაზის გაჟონვის შედეგად, 5 ადამიანი მოიწამლა. ხუთივე პირი საავადმყოფოში გადაიყვანეს. გლდანში გაზსადენის დაზიანების გამო 350 აბონენტს გაზმომარაგება შეუწყდა, &ndas

კობა გვენეტაძეს Global Finance-ის ჯილდო მეორედ გადაეცა

21 ოქტომბერი, 2019 , 19:41

19 ოქტომბერს, ვაშინგტონში, საერთაშორისო სავალუტო ფონდისა და მსოფლიო ბანკის წლიური შეხვედრების ფარგლებში, საერთაშორისო ავტორიტეტული ფინანსური გამოცემის Global Finance-ის მიერ გამოვლენილი საუკეთესო ცენტრალური ბანკირების და

პაშა ბანკის ახალი სათავო ოფისი აქსის თაუერსში

21 ოქტომბერი, 2019 , 19:26

პაშა ბანკის სათავო ოფისმა ახალ მისამართზე - აქსის თაუერსში, ილია ჭავჭავაძის გამზ. 37მ-ში გადაინაცვლა. „პაშა ბანკის პასუხისმგებლობები საქართველოს წინაშე გრძელვადიან შედეგებზეა გათვლილი. ახლად შექმნილმა საცალო საბანკ

მიენიჭოს დავით გარეჯს დაცული ტერიტორიის სტატუსი - ანა დოლიძე

21 ოქტომბერი, 2019 , 17:10

ანა დოლიძე დავით გარეჯისთვის კულტურული მემკვიდრეობის ძეგლის სტატუსის მინიჭების აუცილებლობაზე საუბრობს. იუსტიციის უმაღლესი საბჭოს წევრი ამბობს, რომ ამ საკითხზე უკვე წლებია სპეციალისტები მუშაობენ და არსებობს კონკრეტული გეგ

მეტროსადგურ „გოცირიძის“ მიმდებარე ტერიტორიაზე, მოზარდს მატარებელი დაეჯახა

21 ოქტომბერი, 2019 , 17:10

მეტროსადგურ „გოცირიძის“ მიმდებარე ტერიტორიაზე, არასრულწლოვან ბიჭს მატარებელი დაეჯახა. შემთხვევის შედეგად დაშავებული მოზარდი საავადმყოფოშია მოთავსებული, მას სხვადასხვა სახის დაზიანებები აღენიშნება. შინაგან საქ