კომენტარი

ძალიან სერიოზული დაპირისპირებაა კვირიკაშვილსა და ქუმსიშვილს შორის - გიორგი ვაშაძე

„ახალი საქართველოს“ ლიდერის გიორგი ვაშაძის ინფორმაციით, იმ ეკონომიკური ინიციატივების ავტორი, რომლითაც პრემიერი გამოვიდა, დიმიტრი ქუმსიშვილი იყო.

როგორც ვაშაძემ პრესკონფერენციაზე აღნიშნა, შექმნილ ვითარებასთან დაკავშირებით, კვირიკაშვილსა და ქუმსიშვილს შორის სერიოზული დაპირისპირებაა.

„ჩემი კულუარული ინფორმაციით, ამ ყველაფრის ავტორი იყო დიმიტრი ქუმსიშვილი. მისი დაჟინებული მოთხოვნით, გამოვიდა ახალი ინიციატივები, რომელიც სად წაიკითხა, სად ისწავლა ან ვინ ურჩია, არ ვიცი. ჩემი ინფორმაციით, სწორედ ამის ფონზე, პრემიერსა და ქუმსიშვილს შორის, სერიოზული დაპირისპირებაა. დაპირისპირებაა ასევე მათ გუნდებს შორის, რომლებიც შიდაკულუარულ განხილვებში, ერთმანეთზე გადაბრალებით არიან დაკავებულნი“,- განაცხადა ვაშაძემ.

მონიკა დავლიანიძე