კომენტარი

ძალიან ცუდია, რომ ჩვენმა ხელისუფლებამ უარი თქვა რუსეთის ფედერაციის დახმარებაზე - ადა მარშანია

„პატრიოტთა ალიანსის“ წევრის ადა მარშანიას თქმით, ცუდია, რომ ხელისუფლებამ რუსეთის მიერ გაკეთებულ შეთავაზებაზე უარი განაცხადა.

როგორც მარშანიამ მედიასთან საუბარში აღნიშნა, ეს არ იყოს სწორი, ჭკვიანური და პატრიოტული გადაწყვეტილება.

„ძალიან ცუდია, რომ ჩვენმა ხელისუფლებამ, ყოველ შემთხევაში, ამ ეტაპზე უარი თქვა რუსეთის ფედერაციის დახმარებაზე. ნამდვილად არ არის ეს ჭკვიანური გადაწყვეტილება. არ არის ეს არც პრინციპული პოზიცია, არც პატრიოტიზმი, არც ღირსების დაცვა. მინდა შეგახსენოთ, რომ უამრავი რუსი ტურისტი და რუსეთის მოქალაქე შემოდის ქვეყანაში და ამ შემთხვევაში სად არის ჩვენი პრინციპულობა, ღირსების დაცვა და პატიროტიზმი?“,- განაცხადა ადა მარშანიამ.

22 აგვისტოს, საქართველოს პრემიერ-მინისტრმა განაცხადა, რომ ბორჯომის ხანძრის ჩაქრობაში მონაწილეობის მიღების მზაობა რუსეთმა გამოთქვა, თუმცა, გიორგი კვირიკაშვილის თქმით, არსებული დახმარების პირობებში რუსეთის დახმარება საჭირო არ არის.

მონიკა დავლიანიძე