უახლესი ამბები
- 24.04.2024 15:01სასამართლომ ირაკლი კუპრაძეს 2 500-ლარიანი ჯარიმა დააკისრა
- 24.04.2024 14:53სამედიცინო დაწესებულებების მონიტორინგის დროს გამოვლინდა ინფექციის პრევენციისა და კონტროლისთვის საჭირო ინფრასტრუქტურის ფუნქციონირების და პროცესის დარღვევების შემთხვევები - ომბუდსმენი
- 24.04.2024 14:41დღეს რუსთაველებმა ნათლად დაინახეს „ქართული ოცნების“ და „ნაციონალური მოძრაობის“ ღია თანამშრომლობის თვალსაჩინო მაგალითი - პარტია „გახარია საქართველოსთვის“
- 24.04.2024 14:16იდენტიფიცირებული იქნებიან ის პირები, რომლებიც, ხალხის რაოდენობის სიმცირის მიუხედავად, აქციის მონაწილეებს გზების პარალიზებისკენ მოუწოდებენ - შსს
- 24.04.2024 13:01საქართველოს ბანკის მხარდაჭერით გლდანი მოლი ფართოვდება
- 24.04.2024 12:38მესტიის მერი მეორე წელია დეკლარაციაში არ უთითებს ხელფასსა და 7 უძრავ ქონებას - `საერთაშორისო გამჭვირვალობა-საქართველოს`
- 24.04.2024 11:57ახალგაზრდების სოციალური მეწარმეობის პროექტების ხელშეწყობის პროგრამაზე რეგისტრაცია განახლებული პირობებით დღეს დაიწყება
- 24.04.2024 11:30შურისძიების მოტივით ჩადენილი მკვლელობის ფაქტზე ბრალდებულს 12 წლით თავისუფლების აღკვეთა მიესაჯა
- 24.04.2024 11:19პარტია „საქართველოსთვის“ წევრი ნოდარ შეროზია რუსთავის საკრებულოს თავმჯდომარეობიდან გადააყენეს
არქივი
ეკონომიკა
ძიანგსის პროვინცია საქართველოს უმნიშვნელოვანესი პარტნიორი ხდება - დავით საგანელიძე
საჰაერო მიმოსვლა, ტექსტილის ბიზნესი და ტურიზმის სფეროში თანამშრომლობა. ეს არის ერთობლივი პროექტები, რომლებიც „საპარტნიორო ფონდის“ აღმასრულებელმა დირექტორმა დავით საგანელიძემ აჭარაში ვიზიტით მყოფ ძიანგსის პროვინციის დედაქალაქ ნანჩანგის ვიცე-მერთან ციუ სიანძუნსთან შეხვედრისას განიხილა.
ჩინეთის სახალხო რესპუბლიკის ძიანგსის პროვინციის დედაქალაქ ნანჩანგის ოფიციალურ დელეგაციას საქართველოსა და ჩინეთის სახალხო რესპუბლიკას შორის მრავალწლიანი თანამშრომლობის ფარგლებში აჭარის მთავრობის თავმჯდომარე ზურაბ პატარაძე მასპინძლობს.
ბათუმში გამართულ შეხვედრაზე დავით საგანელიძემ ნანჩანგის ვიცე-მერ ციუ სიანძუნსთან ყურადღება გაამახვილა საქართველო-ძიანგსის პროვინციას შირის ტურიზმისა და სავაჭრო-ეკონომიკური კონტაქტების გაღრმავების მიზნით პირდაპირი საჰაერო მიმოსავლისა და ტექსტილის სფეროში ერთობლივი პროექტების განხორციელების საკითხებზე. საუბარია ნანჩანგი-შანხაი-თბილისს შორის პირდაპირი ავიარეისების დანიშვნასთან დაკავშირებით და საქართველოში ძიანგსის პროვინციაში არსებული ე.წ. დუტი ქურთუკების საწარმოს ანალოგის შექნაზე, რაც დიდ საექსპორტო პოტენციალს შექმნის და ხელს შეუწყობს დასაქმებას.
ერთობლივი პროექტების განხოხორციელების შესახებ მოლაპარაკებები ძიანგსის პროვინციაში დავით საგანელიძის ხელმძღვანელობით „საპარტნიორო ფონდის“ დელეგაციის ოფიციალური ვიზიტის დროს დაიწყო. დღეს ძინაგსის პროვინციასა და საქართველოს შორის ურთიერთთანამშრომლობა ახალ ეტაპზე გადადის. დაწყებულია ერთობლივ პროექტების იმპლემენტაცია. ძიანგსის პროვინციის გუბერნატორს მზად აქვს ხელმოწერილი დოკუმენტი ერთობლივი პროექტების განხორციელების შესახებ.
ბათუმში გამართულ შეხვედრაზე სამომავლოდ, ძიანსის პროვინციის გუბერნატორისა და გენერალური მდივნის ვიზიტის ფარგლებში საქართველო-ძიანსის პროვინციის ინვესტიციების ხელშემწყობი კონფერენცია დაიგეგმა. ჩინური მხარის ინფორმაციით კონფერენციაში 150-ზე მეტი ჩინური კომპანია მიიღებს მონაწილეობას. აღნიშნული კონფერენცია „საპარტნიორო ფონდის“ ინიციატივით თბილისში უკვე ორჯერ ჩატარდა. 2018 წლის სესიას კი შესაძლოა ბათუმმა უმასპინძლოს.
შეხვედრაზე მხარეებმა ქართული ჩაის აღოძინებისა და საექსპორტო პოტენციალის ზრდის შესახებ გააკეთეს აქცენტები. და ამ მიმართულებით სამომავლო პერსპექტივების შესახებ ისაუბრეს. აქცენტები გაკეთდა ტურიზის სფეროში თანამშრომლობაზე, ასევე საუკუნის პროექტ „ერთი გზა - ერთი სარტყელის“ ინიციატივის ფარგლებში ერთობლივი პროექტებისა და ამ პროექტში ჩვენი ქვეყნის მნიშვნელოვანი როლიდან გამომდინარე საქართველოსთან თანამშრომლობის განვითარების შესახებ.
ბათუმში გამართულ შეხვედრას აჭარის ა/რ სოფლის მეურნეობის მინისტრი ავთანდილ მესხიძე და ადგილობრივი ხელისუფლების წარმომადგენლები ესწრებოდნენ.