უკან
საზოგადოება
5 მაისი, 2018 17:30
ძიუდოს ეროვნულ ფედერაციაში რიგგარეშე ყრილობა 10 მაისს გაიმართება
საქართველოს ძიუდოს ფედერაციის რიგგარეშე ყრილობა 10 მაისს, 12:00 საათზე სასტუმრო „რედისონში“ გაიმართება. ინფორმაციას საქართველოს ძიუდოს ფედერაცია ავრცელებს.
დღის წესრიგით გათვალისწინებულია 2 საკითხის განხილვა - ფედერაციის პრეზიდენტის ანგარიში და მიმდინარე პროცესების განხილვა.
ყრილობაზე ფედერაციის პრეზიდენტი დავით ქევხიშვილი საქმიანობის ანგარიშს წარადგენს.
ცნობისთვის, ევროპის ჩემპიონატზე დაფიქსირებული სავალალო შედეგის შემდეგ, 30 აპრილს საქართველოს ძიუდოისტთა ეროვნული გუნდის სამწვრთნელო შტაბი სრული შემადგენლობით გადადგა.
გუშინ ძიუდოისტთა ეროვნული ნაკრების წევრებმა ფედერაციის პრეზიდენტის გადადგომა მოითხოვეს.
ქევხიშვილის წასვლის მოთხოვნით ძიუდოისტებმა აქცია დღესაც, ვაკის პარკში გამართეს.