უკან
საზოგადოება
21 აგვისტო, 2017 18:00
ძლიერი ქარის გამო ბორჯომის ხეობაში ხანძარი გაძლიერდა
ბორჯომის სოფელ დაბაში ძლიერი ქარის გამო ტყის ხანძარი გაძლიერდა და გაიზარდა დაკვამლიანება.
ეროვნული სატყეო სამსახურის უფროსის ინფორმაციით, ამ დროისთვის 5 ჰექტრამდე ტერიტორია იწვის.
„ხანძარი თითქმის ლოკალიზებული იყო, უბრალოდ, ახლა ხელს ქარი გვიშლის. ვერტმფრენი აგრძელებს მუშაობას. იწვის 2008 წლის აგვისტოს ომის ხანძრის დროს განადგურებული ხმელი ხეები. ჩვენი მთავარი მიზანი იყო ტყის მასივზე არ გადასულიყო ხანძარი. ამ დროისთვის, იგივე ტერიტორიაზე ხდება ხანძრის გააქტიურება“,-განაცხადა თორნიკე გვაზავამ.
ხანძართან საბრძოლველად მობილიზებულია რეგიონისა და მეზობელი რაიონების სახანძრო-სამაშველო სამსახურები.
სოფელ დაბასთან ხანძარი გუშინ დღისით გაჩნდა.