საზოგადოება

ძლიერი ქარის გამო კოხტას მთაზე უკვე ჩამქრალი ცეცხლის კერები ხელახლა აალდა - კახეთის გუბერნატორი

კახეთის გუბერნატორის, ირაკლი ქადაგიშვილის ინფრომაციით, ართანის ტყეში, კოხტას მთაზე ძლიერი ქარის გამო ცეცხლის კერები ისევ გაღვივდა.

„ქარი არის ყველაზე ცუდი, რაც შეიძლებოდა დღეს მომხდარიყო. ქარმა გამოიწვია ის, რომ უკვე ჩამქრალი, ლოკალიზებული კერების ხელახლა გაღვივება მოხდა. ამიტომ ჩვენს მაშველებსა და მეხანძრეებს ხელახლა უწევთ იმ სამუშაოს კეთება, რაც გუშინ ფაქტობრივად დამთავრებული იყო, როცა მხოლოდ ერთი აქტიური კერა გვქონდა დარჩენილი“, -თქვა გუბერნატორმა.

ქადაგიშვილის განმარტებით, ძლიერმა ქარმა გამოიწვია დაკვამლიანების მომატება ადგილზე.

მისი თქმით, ცეცხლი არ გავრცელდება და მოსახლეობას საფრთხე არ ემუქრება.

კოხტას მთაზე უკვე მეექვსე დღეა, ცეცხლს აქრობენ.

ანა მებურიშვილი