საზოგადოება

ძლიერმა ქარმა საქართველოს სხვადასხვა რეგიონები მნიშვნელოვნად დააზარალა

ძლიერმა ქარმა რეგიონების მასშტაბით სახლებს სახურავები ახადა, მოგლეჯილია ხეები, დაზიანებეულია ელექტროსადენები, რის გამო რიგ რაიონში ელექტროენერგიის მიწოდება შეზღუდულია.

გურიაში სოფლები ელექტროენერგიის გარეშეა დარჩენილი, 150-მდე სახლს დაზიანებული აქვს სახურავი, წაქცეული ხეების შედეგად დაზიანებულია ავტომობილები, წაქცეულია ხეები.

გურიაში სტიქიას მსხვერპლი მოჰყვა, ერთი მამაკაცი საკუთარი სახლის სახურავიდან გადმოვარდნის შედეგად გარდაიცვალა, ხოლო ერთი ადამიანი დაშავებულია. იგი საადამყოფოში მრავლობითი მოტეხილობით მოათავსეს. მამაკაცი იმ დროს დაშავდა, როდესაც ავტომობილით გადაადგილდებოდა და მას ხე დაეცა.

„20 წუთის განმავლობაში მოვიდა ისეთი გრიგალი, რომ ამოთხარა მთლიანად 100 წლოვანი ნაძვები ფესვიანად, სახურავები გადახადა“,- განაცხადა მედიასთან საუაბრში ადგილობრივმა მცხოვრებმა ციცო მარდალეიშვილმა.

ძლიერმა ქარმა ასევე, მნიშვნელოვანი ზიანი მიაყენა აჭარასაც. ხელვაჩაურში, სტიქიამ შანიძეების 4- სულიანი ოჯახის საცხოვრებელი სახლი დაანგრია.

ასევე რთულია ვითარებაა სამეგრელოში, სადაც ძლიერი ქარის შედეგად სოფელ ინგირში წაქცეულმა ხეებმა ელექტროსადენები დააზიანა, რის გამო ზუგდიდის ნაწილსა და 20-ზე მეტ სოფელს ელექტროენერგიის მიწოდება შეზღუდული აქვს.

მონიკა დავლიანიძე