უკან

უახლესი ამბები

დღის კალენდარი

ანონსები

არქივი

ეკონომიკა

24 მაისი, 2018 15:15
font-size

ძლიერმა რეგიონალურმა და საერთაშორისო სავაჭრო ურთიერთობებმა საქართველო ახალი სავაჭრო - საინვესტიციო შესაძლებლობების წინაშე დააყენა - დიმიტრი ქუმსიშვილი

პირველმა ვიცე-პრემიერმა, ეკონომიკისა და მდგრადი განვითარების მინისტრმა დიმიტრი ქუმსიშვილმა მოხსენება გააკეთა აშშ-საქართველოს სტრატეგიული პარტნიორობის მეორე ყოველწლიურ კონფერენციაზე "პირველი რესპუბლიკის დაარსებიდან 100 წელი".

კონფერენციის მეორე ნაწილი სავაჭრო-ეკონომიკურ საკითხებს მიეძღვნა, რომლის დროსაც განხილული იყო საქართველოს, როგორც სტრატეგიული მდებარეობის მქონე ქვეყნის შესაძლებლობები რეგიონალური ეკონომიკური თანაშრომლობის განვითარებისთვის. ასევე გამახვილებული იყო ყურადღება საქართველოს ორმხრივ ურთიერთობებზე აშშ-სა და ევროკავშირთან.

თავის გამოსვლაში, საქართველოს პირველმა ვიცე-პრემიერმა დიმიტრი ქუმსიშვილმა განსაკუთრებულად გაუსვა ხაზი აშშ-ის მხარდაჭერას საქართველოს სუვერენიტეტისა და ტერიტორიული მთლიანობის, აგრეთვე ევროპული და ევროატლანტიკური მისწრაფებების მიმართ. მისი თქმით, საქართველოში განხორციელებულმა ბიზნესისადმი მეგობრულმა პოლიტიკამ, ძლიერმა რეგიონალურმა და საერთაშორისო სავაჭრო ურთიერთობებმა და გეოპოლიტიკურმა ლოკაციამ, ქვეყანა ახალი სავაჭრო და საინვესტიციო შესაძლებლობების წინაშე დააყენა.

დიმიტრი ქუმსიშვილმა განსაკუთრებული აქცენტი გააკეთა არა მხოლოდ საქართველოს საუკეთესო გეოგრაფიულ მდებარეობაზე, რომელიც ერთერთი უმოკლესი და ხელსაყრელი გზაა ევროპასა და აზიას შორის სატრანზიტო ტვირთების გადასატანად, არამედ ბიზნეს - მეგობრულ საგადასახადო რეჟიმზე, მსოფლიოს უდიდეს ბაზრებთან (ევროკავშირი, ჩინეთი, დსთ და სხვ) არსებულ თავისუფალი ვაჭრობის რეჟიმებზე, სატრანზიტო - ლოგისტიკურ ინფრასტრუქტურაზე და სხვა მოცემულობებზე, რაც საქართველოში სხვადასხვა მიმართულებით რეგიონალური ჰაბის ჩამოყალიბების შესაძლებლობას იძლევა.

საქართველოს პირველმა ვიცე-პრემიერმა განსაკუთრებით გაუსვა ხაზი აშშ-სთან თავისუფალი ვაჭრობის შეთანხმების გაფორმების საკითხს. მისი თქმით, აშშ-სა და საქართველოს შორის თავისუფალი ვაჭრობის არსებობა მნიშვნელოვნად შეუწყობდა ხელს ქვეყნებს შორის სავაჭრო-ეკონომიკური კავშირების განვითარებას, გარდა ამისა, ის დადებით სტიმულს მისცემდა ამერიკულ კაპიტალს, რათა მათ ინვესტიციები საქართველოს ეკონომიკაში განეხორციელებინათ გამომდინარე იმ შესაძლებლობებიდან, რაც ჩვენს ქვეყანას გააჩნია.

დიმიტრი ქუმსიშვილის განცხადებით, საქართველოსა და აშშ-ს შორის თავისუფალი ვაჭრობის შეთანხმების გაფორმება პოლიტიკური და ეკონომიკური ინტერესებიდან გამომდინარეობს. მისი თქმით, ეს გახდებოდა მკაფიო სიგნალი რეგიონში აშშ-ის ეკონომიკური ინტერესების გაზრდის, ასევე საქართველოს ევროატლანტიკურ სტრუქტურებში ინტეგრაციის მისწრაფებების მხარდაჭერის მიმართულებით.

პირველმა ვიცე-პრემიერმა კონფერენციის მონაწილეებს გააცნო საქართველოს ეკონომიკური ტენდენციები, მიმდინარე და დაგეგმილი რეფორმები, რომელთა მიზანიც ქვეყნის ინკლუზიური განვითარებაა. ასევე ყურადღება გამახვილდა საქართველოს სატრანსპორტო - ლოგისტიკურ შესაძლებლობებზე და იმ მარშრუტებზე, რომელთაც შეუძლია საქართველოზე გამავალ ტრანსკასპიურ სატრანზიტო კორიდორში ტვირთბრუნვის მნიშვნელოვანი გაზრდა.

მოხსენების შემდეგ, საქართველოს პირველმა ვიცე-პრემიერმა დიმიტრი ქუმსიშვილმა კონფერენციის მონაწილეთა შეკითხვებს უპასუხა.

უცხოური ვალუტის ოფიციალური კურსი

20 ოქტომბერი, 2018 , 09:00

19 ოქტომბერის ვაჭრობის შედეგად აშშ დოლარი გაუფასურდა და 2.6972 ლარი შეადგინა. კურსი, რომელიც გუშინ მოქმედებდა, 2.7026 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0054 თეთრი შეადგინა. გაუფასუ

უცხოური ვალუტის ოფიციალური კურსი

19 ოქტომბერი, 2018 , 17:50

19 ოქტომბერის ვაჭრობის შედეგად აშშ დოლარი გაუფასურდა და 2.6972 ლარი შეადგინა. კურსი, რომელიც დღეს მოქმედებდა, 2.7026 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0054 თეთრი შეადგინა.  გა

საჯარო კომპანიების უმრავლესობა ვერ აკმაყოფილებს ვერც ადგილობრივი და ვერც საერთაშორისო სტანდარტებით განსაზღვრულ მოთხოვნებს - ეროვნული ბანკი

19 ოქტომბერი, 2018 , 17:10

კაპიტალის ბაზრის განვითარება საქართველოს მთავრობისა და ეროვნული ბანკის მიერ დასახული ერთ-ერთი პრიორიტეტია, რისთვისაც, ეკონომიკის ზრდასთან ერთად, მნიშვნელოვანია საერთაშორისო პრაქტიკის შესაბამისი და განვითარებაზე ორიენტირე

საქართველოს ბანკის მხარდაჭერით ვაჭრობის დაფინანსების მიმართულებით ევროპის რეკონსტრუქციისა და განვითარების ბანკის (EBRD) ყოველწლიური ფორუმი გაიმართა

19 ოქტომბერი, 2018 , 15:55

მთელი საქართველოს ბანკის, ქვეყნის წამყვანი ბანკის, მხარდაჭერით ვაჭრობის დაფინანსების მიმართულებით, ევროპის რეკონსტრუქციისა და განვითარების ბანკის (EBRD) მეშვიდე, ყოველწლიური ფორუმი გაიმართა. შეხვედრაზე განხილვის ძირითადი

ჩვენს ლარს სჭირს ერთი დიდი და ქრონიკული დაავადება - რომან კაკულია

19 ოქტომბერი, 2018 , 14:50

პარლამენტის დარგობრივი ეკონომიკისა და ეკონომიკური პოლიტიკის კომიტეტის თავმჯდომარემ რომან კაკულიამ ლარის კურსის გაუფასურებაზე საუბრისას აღნიშნა, რომ ეკონომიკურმა გუნდმა აუცილებლად უნდა შეიმუშაოს გრძელვადიანი გეგმა ამ პრობ

ლარი გაუფასურებას განაგრძობს

19 ოქტომბერი, 2018 , 14:05

ლარის გაუფასურება გრძელდება. ეროვნული ბანკის მონაცემების მიხედვით, 1 დოლარის შესაძენად 2.7026 ლარია საჭირო. ეკონომისტმა გიორგი პაპავამ ლარის გაუფასურების სამი მიზეზი დაასახელა. ესენია თურქული ლირის ფაქტორი, საქართველოში

ვიდეო გალერეა

შეტევა ტელეკომპანია `იბერიასა` და `ომეგა ჯგუფზე`