უკან

უახლესი ამბები

დღის კალენდარი

ანონსები

არქივი

საზოგადოება

27 მარტი, 2019 14:55
font-size

ებრაული მემკვიდრეობის თემაზე თბილისში გენერალური ასამბლეა ჩატარდება

28-29 მარტს საქართველო პირველად უმასპინძლებს ევროსაბჭოსთან არსებული ებრაული კულტურული მემკვიდრეობის დაცვისა და ხელშეწყობის ევროპული ასოციაციის (AEPJ) გენერალური ასამბლეის სხდომას. ამასთან დაკავშირებით, თბილისს AEPJ-სა და კულტურული მარშრუტების ევროპული ინსტიტუტის 30-მდე წარმომადგენელი და ისრაელის ქნესეთის ვიცე-სპიკერი ხილიკ ბარი ეწვევიან.

სხდომის გახსნას დაესწრებიან საქართველოს პარლამენტის თავმჯდომარის პირველი მოადგილე თამარ ჩუგოშვილი და განათლების, მეცნიერების, კულტურისა და სპორტის მინისტრის მოადგილე ლევან ხარატიშვილი.

სხდომა განათლების, მეცნიერების, კულტურისა და სპორტის სამინისტროში (სანაპიროს ქ.4) 28 მარტს 10.00 საათზე გაიხსნება.

საქართველოს განათლების, მეცნიერების, კულტურისა და სპორტის სამინისტროს წარდგინებით, საქართველოში ებრაულ მარშრუტს კოორდინაციას უწევს ორგანიზაცია „ისრაელის სახლი“, რომელიც სამინისტროსა და ისრაელის ქნესეთის მხარდაჭერით, აქტიურადაა ჩართული ებრაული კულტურული მემკვიდრეობის დაცვისა და ხელშეწყობის ევროპული ასოციაციის (AEPJ) ღონისძიებებში, რომლებიც ლუქსემბურგში, მადრიდში და ევროპის სხვა ქალაქებში ტარდება.

„ისრაელის სახლი“ ისრაელის პარლამენტის (ქნესეთი) მხარდაჭერით მუშაობს ჰასბარას (ისრაელის წარმოდგენა), საქართველო-ისრაელისა და საქართველო-მსოფლიო ებრაელობის ურთიერთობების გაღრმავების მიმართულებით, ებრაული კულტურული მემკვიდრეობის მარშრუტს კი ორგანიზაცია განიხილავს, როგორც საქართველოს სიმდიდრეს და ეფექტიან ინსტრუმენტს ქვეყნის ებრაულ სამყაროსთან კავშირებში.

„ისრაელის სახლის“ ხელმძღვანელის იციკ მოშეს აზრით, ებრაული კულტურული მემკვიდრეობის მარშრუტი შეიძლება გაფართოვდეს და მან კავკასიის რეგიონი მოიცვას. „ისრაელის სახლი“ აპირებს, ეს იდეა ებრაული კულტურული მემკვიდრეობის დაცვისა და ხელშეწყობის ევროპული ასოციაციას (AEPJ) გააცნოს.

AEPJ-სა და კულტურული მარშრუტების ევროპული ინსტიტუტის წარმომადგენლებისა და ისრაელის დელეგაციის წევრებისთვის, „ისრაელის სახლის“ მონაწილეობით, 29 მარტს საქართველოს პარლამენტში, პარლამენტის თავმჯდომარის პირველი მოადგილის, თამარ ჩუგოშვილის სახელით, მიღება გაიმართება. სტუმრები ეწვევიან, აგრეთვე, მცხეთას, ეროვნულ მუზეუმს, ეროვნულ ბიბლიოთეკში „ისრაელის სახლის“ თაოსნობით შექმნილ ებრაულ ბიბლიოთეკას, მარჯანიშვილის სახელობის თეატრში დაესწრებიან ებრაულ თემატიკაზე დადგმულ წარმოდგენას.

ასამბლეას ფარგლებში, იციკ მოშე მიმართავს AEPJ-ის, რომ დაარეგისტრირონ ებრაული კულტურული მემკვიდრეობის კიდევ ორი მარშრუტი: 1. ებრაული მემკვიდრეობის კავკასიური გზა, რომელიც დაიწყება იერუსალიმიდან, საქართველოს გავლით, დასრულდება ქუბაში (აზერბაიჯანი) და მეორე, საქართველო შევიდეს ქაშერი ღვინის მარშრუტში, რომელიც დღეს მოიცავს ესპანეთს, იტალიას და საფრანგეთს.

„ისრაელის სახლის“ ხელმძღვანელის, იციკ მოშეს შეფასებით, ებრაული კულტურული მემკვიდრეობის მარშრუტს, ის ერთი მხრივ, ხელს უწყობს ევროპაში საქართველოს პოპულარიზაციას, ხოლო მეორე მხრივ, საქართველოს აძლევს საშუალებას, ტურისტად რაც შეიძლება მეტი ისრაელელი და მსოფლიო ებრაელობის წარმომადგენელი მოიზიდოს. იციკ მოშეს სჯერა, რომ მხოლოდ ისრაელიდან 2020 წელს საქართველოს 200 ათასი ტურისტი ეწვევა, რაც 200 მლნ დოლარია ქართული ეკონომიკისთვის.

საქართველოში ამ ეტაპზე ინფიცირების მიმდინარე აქტიური 21 655 შემთხვევა არის

3 დეკემბერი, 2020 , 11:55

ბოლო 24 საათის განმავლობაში გამოვლენილია ვირუსით ინფიცირების 4 260 ახალი დადასტურებული შემთხვევა, – ამის შესახებ უწყებათაშორის საკოორდინაციო საბჭოსთან არსებული საოპერაციო შტაბის უფროსის მოადგილემ, ბერდია სიჭინავამ,

საქართველოში წლიურმა ინფლაციის დონემ 3.8 პროცენტი შეადგინა - საქსტატი

3 დეკემბერი, 2020 , 11:55

სტატისტიკის ეროვნული სამსახურის ინფორმაციით, 2020 წლის ნოემბერში წინა თვესთან შედარებით ინფლაციის დონემ საქართველოში 0.9 პროცენტი, ხოლო წლიური ინფლაციის დონემ 3.8 პროცენტი შეადგინა. რაც შეეხება საბაზო ინფლაციას, აღნიშნულ

საქართველოში ბოლო 24 საათში კორონავირუსით 45 ადამიანი გარდაიცვალა

3 დეკემბერი, 2020 , 11:25

საქართველოში ბოლო 24 საათის განმავლობაში კორონავირუსით 45 ადამიანი გარდაიცვალა. ამის შესახებ უწყებათაშორის საკოორდინაციო საბჭოსთან არსებული საოპერაციო შტაბის უფროსის მოადგილემ, ბერდია სიჭინავამ, მთავრობის ადმინისტრაციაში

საქართველოში კორონავირუსის 4 260 ახალი შემთხვევა გამოვლინდა

3 დეკემბერი, 2020 , 11:25

საქართველოში კორონავირუსის 4 260 ახალი შემთხვევა გამოვლინდა, – ამის შესახებ უწყებათაშორის საკოორდინაციო საბჭოსთან არსებული საოპერაციო შტაბის უფროსის მოადგილემ, ბერდია სიჭინავამ მთავრობის ადმინისტრაციაში გამართულ ბრ

ერთჯერადი 300 ლარიანი კომპენსაციის მისაღებად ელექტრონული განაცხადების მიღება დღეიდან იწყება

3 დეკემბერი, 2020 , 10:45

300-ლარიანი კომპენსაციის მისაღებად ელექტრონული განაცხადების მიღება დღეიდან იწყება, - ინფორმციას შემოსავლების სამსახური ავრცელებს და მოუწოდებს თითოეულ მოქალაქესა და კომპანიას, პასუხისმგებლობით მოეკიდოს მთავრობის მიერ წარდ

ერთჯერადი 300 ლარიანი კომპენსაციის მისაღებად ელექტრონული განაცხადების მიღება ხვალიდან იწყება

2 დეკემბერი, 2020 , 19:50

300-ლარიანი კომპენსაციის მისაღებად ელექტრონული განაცხადების მიღება ხვალიდან იწყება, - ინფორმციას შემოსავლების სამსახური ავრცელებს და მოუწოდებს თითოეულ მოქალაქესა და კომპანიას, პასუხისმგებლობით მოეკიდოს მთავრობის მიერ წარ