უკან

უახლესი ამბები

დღის კალენდარი

ანონსები

არქივი

მსოფლიო

27 მარტი, 2018 16:40
font-size

ეჭვი არ შეგეპაროთ, ვუპასუხებთ, რადგან ასეთ უტიფრობას ვერ მოვითმენთ - სერგეი ლავროვი რუსი დიპლომატების გაძევებაზე

რუსეთის საგარეო უწყების ხელმძღვანელმა, სერგეი ლავროვმა რუსი დიპლომატების გაძევებას დასავლეთის ქვეყნებიდან „უტიფრობა“ უწოდა, რომელსაც მოსკოვი უპასუხოდ არ დატოვებს.

„ეჭვი არ შეგეპაროთ, ვუპასუხებთ, რადგან ასეთი უტიფრობის მოთმენა, რა თქმა უნდა, არავის არ სურს, არც ჩვენ არ მოვითმენთ“, - უთხრა რუსმა მინისტრმა ТАСС-ს ტაშკენტში ვიზიტის დროს.

ლავროვის თქმით, ბევრმა ქვეყანამ რუსი დიპლომატების გაძევების გადაწყვეტილება უზარმაზარი საერთაშორისო ზეწოლის გამო მიიღო.

„დასკვნა იმაში მდგომარეობს, რომ ჩვენ მართლები ვიყავით, როცა რამდენჯერმე აღვნიშნეთ, რომ თანამედროვე მსოფლიოში, თანამედროვე ევროპაში სულ უფრო ცოტა დამოუკიდებელი ქვეყანა რჩება. როცა ერთ, ორ დიპლომატს სთხოვენ, დატოვონ ესა თუ ის ქვეყანა, თან ყურში გვიჩურჩულებენ ბოდიშს, ჩვენ ზუსტად ვიცით, რომ ესაა უზარმაზარი წნეხის, უზარმაზარი შანტაჟის შედეგი, რომელიც ვაშინგტონის მთავარი იარაღია საერთაშორისო არენაზე“, - აღნიშნა ლავროვმა.

ბრიტანეთის ქალაქ სოლსბერიში რუსეთის ყოფილი ჯაშუშის, სერგეი სკრიპალისა და მისი ქალიშვილი იულიას მოწამვლის გამო, რომელშიც ლონდონი რუსეთს ადანაშაულებს, რუს დიპლომატებს მსოლიოს 23 ქვეყნიდან გააძევებენ.

აშშ-მ გუშინ მიიღო გადაწყვეტილება, რომლის მიხედვით, ქვეყანას 60 რუსი დიპლომატი დატოვებს, მას შეუერთდნენ გერმანია, უკრაინა, დანია, საფრანგეთი, ჩეხეთი, ლატვია, ესტონეთი, ლიტვა, იტალია, კანადა, ჰოლანდია, რუმინეთი, ფინეთი, ესპანეთი და ა.შ.

სკრიპალი და მისი ქალიშვილი 4 მარტს მოწამლეს. გარდა ამისა დაშავდა 20-მდე სამოქალაქო პირი და პოლიციელი. როგორც დადგინდა, სკრიპალის მოსაწამლად რუსეთში გამზადებული ნერვო-პარალეპტიკური გაზი სახელწოდებით ნოვიჩოკი გამოიყენეს.

12 მარტს დიდი ბრიტანეთის პრემიერ-მინისტრმა ტერეზა მეიმ რუსეთს 24-საათიანი ულტიმატუმი წაუყენა, რათა მოსკოვს პასუხი გაეცა, როგორ მოხვდა ეს ნივთიერება ბრიტანეთის ტერიტორიაზე. რუსეთმა ამ ულტიმატუმზე არ უპასუხა. ამის შედეგად კი ბრიტანეთმა 23 რუსი დიპლომატი გააძევა და რუსეთის უმაღლეს ხელისუფლებასთან ყველა დონის ურთიერთობა გაწყვიტა.

ჯო ბაიდენის გუნდს ხელისუფლების გადაბარების დაწყება შეუძლია

24 ნოემბერი, 2020 , 11:05

ამერიკის შეერთებული შტატების გენერალური სერვისების ადმინისტრაციამ ქვეყნის არჩეულ პრეზიდენტს, ჯო ბაიდენს აცნობა, რომ სააგენტო მას არჩევნებში გამარჯვებულად მიიჩნევს და ბაიდენის გუნდს შეუძლია, ხელისუფლების გადაბარების პროცე

სერბეთის პატრიარქი კორონოვირუსით გარდაიცვალა

20 ნოემბერი, 2020 , 13:15

სერბეთის პატრიარქი ირინეოსი კორონოვირუსით გარდაიცვალა. ამის შესახებ ინფორმაცია სერბეთის პრეზიდენტმა ალექსანდრ ვუჩიჩმა ინსტაგრამის გვერდზე გაავრცელა. „ჩემთვის პატივი იყო რომ გიცნობიდით. ისეთი ადამიანები, როგორიც თქვ

კორონავირუსის გამო სიღარიბის ზღვარს მიღმა 130 მილიონი ადამიანი აღმოჩნდება - გაერო

20 ნოემბერი, 2020 , 11:25

გაერო-ს პროგნოზით, კორონავირუსის გამო სიღარიბის ზღვარს მიღმა 130 მილიონი ადამიანი აღმოჩნდება. ამის შესახებ ნათქვამია ანგარიშში, რომელიც გაერო-ს ვაჭრობისა და განვითარების კონფერენციამ მოამზადა. დოკუმენტის მიხედვ

თურქეთი: კორონავირუსის 3 316 ახალი შემთხვევა, 94 გარდაცვლილი პაციენტი

17 ნოემბერი, 2020 , 14:20

თურქეთში გასული დღე-ღამის განმავლობაში „კოვიდ-19“-ის 3 316 ახალი შემთხვევა გამოვლინდა და ვირუსით 94 ადამიანი დაიღუპა. თურქეთის ჯანდაცვის სამინისტროს ინფორმაციით, ამ დროისთვის ქვეყნის მაშტაბით 3 610 პაციენტი კ

სომხეთი: კორონავირუსის 984 ახალი შემთხვევა, 23 გარდაცვლილი პაციენტი

17 ნოემბერი, 2020 , 13:00

გასული დღე-ღამის განმავლობაში სომხეთში „კოვიდ-19“-ის 984 ახალი შემთხვევა გამოვლინდა, კორონავირუსით გარდაიცვალა 23 ადამიანი. ამ დროისთვის ქვეყნის მაშტაბით 38 253 კოვიდინფიცირებული მკურნალობს. პანდემიის გავრცელ

რუსეთი: კორონავირუსის 22 410 ახალი შემთხვევა, 442 გარდაცვლილი პაციენტი

17 ნოემბერი, 2020 , 13:00

რუსეთში გასული 24 საათის განმავლობაში კორონავირუსის 22 410 ახალი შემთხვევა გამოვლინდა. გასულ დღე-ღამეში ვირუსს 442 ადამიანი ემსხვერპლა. ამასთან, ქვეყანაში დღეისთვის 461 ათასზე მეტი აქტიური შემთხვევაა გამოვლენილი. სულ კი