უკან
კომენტარი
17 მარტი, 2017 15:40
ეკა ბესელია - დავით უსუფაშვილზე: არ შევხედავდი სერიოზულად იმ ადამიანს, ვინც საზოგადოებას აწვდის ასეთ ინფორმაციას
იმ ადამიანს არ შევხედავდი სერიოზულად, ვინც საზოგადოებას აწვდის ინფორმაციას, რომ ხელისუფლების შიგნით დაიგეგმა ბათუმის მოვლენები, - ასე გამოეხმაურა პარლამენტის იურიდიულ საკითხთა კომიტეტის თავმჯდომარე ეკა ბესელია პარლამენტის ყოფილი თავმჯდომარის, დავით უსუფაშვილის მოსაზრებას, იმასთან დაკავშირებით, რომ ბათუმის ინციდენტი ხელისუფლების შიდაკლანური დაპირისპირება იყო.
"როგორც ჩანს, მავანი ცდილობს, სერიოზული ფონი შეუქმნას ამ სრულიად გაუგებარ ვერსიას. მე არ ვუყურებ სერიოზულად ამ ვერსიას და არც იმ ადამიანს შევხედავდი სერიოზულად, ვინც ასეთ რამეს საზოგადოებას აწვდის, რომ ხელისუფლების შიგნით დაიგეგმა ბათუმის მოვლენები. ამაზე სერიოზული დისკუსიის წარმართვა უბრალოდ წარმოუდგენელია”, - განაცხადა ბესელიამ.
ნინო ექვთიმიშვილი