უკან

უახლესი ამბები

დღის კალენდარი

ანონსები

არქივი

პოლიტიკა

14 თებერვალი, 2017 17:00
font-size

ეკა ბესელია გაეროს ადამიანის უფლებათა უმაღლესი კომისრის ოფისის უფროს მრჩეველს სამხრეთ კავკასიაში ვლადიმერ შკოლნიკოვს შეხვდა

პარლამენტის იურიდიულ საკითხთა კომიტეტსა და გაეროს ადამიანის უფლებათა უმაღლესი კომისრის ოფისს შორის თანამშრომლობის საკითხები იყო ის მთავარი თემები, რაზეც იურიდიულ საკითხთა კომიტეტის თავმჯდომარემ, ეკა ბესელიამ და გაეროს ადამიანის უფლებათა უმაღლესი კომისრის ოფისის უფროსმა მრჩეველმა სამხრეთ კავკასიაში, ვლადიმერ შკოლნიკოვმა დღევანდელ შეხვედრაზე ისაუბრეს.

საქართველოს პარლამენტის ინფირმაციით, მხარეებმა განიხილეს გაეროს საზედამხედველო ანგარიშებისა და სხვა ანგარიშების საპარლამენტო განხილვის პროცესში იურიდიულ საკითხთა კომიტეტის ჩართვის საკითხზე.

„ჩვენ, გაეროს ადამიანის უფლებათა უმაღლესი კომისრის თბილისის ოფისთან გვქონდა ძალიან კარგი თანამშრომლობა ბოლო წლებში და მათთან ერთად მოვამზადეთ ძალიან მნიშვნელოვანი ცვლილებები პარლამენტის რეგლამენტში, რომელიც 2016 წელს პარლამენტმა მიიღო. ჩვენ პირველი ქვეყანა ვართ რეგიონში, რომელმაც საპარლამენტო კონტროლის კუთხით რეგლამენტში ჩაწერა, რომ გაეროს სადამფუძნებლო ორგანოების წინაშე ანგარიშებზე ზედამხედველობას ახორციელებს პარლამენტი. პარლამენტი აწყობს სპეციალურ მოსმენებს, იხილავს ამ ანგარიშებს და იძლევა რეკომენდაციებს. პარლამენტი, ასევე, ითავსებს ევროსასამართლოს გადაწყვეტილებათა აღსრულების საზედამხედველო პროცესს. ეს არის ორი ახალი და ძალიან მნიშვნელოვანი სტანდარტი, რომელიც ჩვენ გაეროს ამ ორგანიზაციასთან ერთად მოვამზადეთ. დღევანდელი შეხვედრა შეეხებოდა ამ მიმართულებებით იურიდიულ საკითხთა კომიტეტთან თანამშრომლობას.

შევთანხმდით, რომ კომიტეტის სამოქმედო გეგმაში ასახული იქნება გაეროს საზედამხედველო ანგარიშების და სხვა ანგარიშების ერთობლივი მოსმენები იურიდიულ საკითხთა კომიტეტისა და ადამიანის უფლებათა დაცვისა და სამოქალაქო ინტეგრაციის კომიტეტის მონაწილეობით“, - განაცხადა ეკა ბესელიამ შეხვედრის დასრულების შემდეგ.

მისივე თქმით, თანამშრომლობა შედგება საკანონმდებლო პაკეტებზე პირველადი ექსპერტიზის კუთხით, კერძოდ, კი გაეროს ადამიანის უფლებათა უმაღლესი კომისრის ოფისი ადამიანის უფლებების კუთხით და გაეროს სტანდარტებიდან გამომდინარე იურიდიულ საკითხთა კომიტეტს მიაწვდის პირველად დასკვნებს, რაც კომიტეტს მუშაობაში დაეხმარება.

იურიდიულ საკითხთა კომიტეტის თავმჯდომარის განცხადებით, პარლამენტში შესაძლებელია გაიმართოს სპეციალური მოსმენები, სადაც განხილული იქნება საქართველოსთვის გაეროს მიერ მიცემული რეკომენდაციები და მათი შესრულების საკითხები.

შეხვედრისას საუბარი შეეხო დამოუკიდებელი საგამოძიებო მექანიზმის იდეას და კომიტეტის სამოქმედო გეგმაში კონკრეტული თავის ჩაწერას, სადაც განსაზღვრული იქნება კომიტეტსა და გაეროს ადამიანის უფლებათა უმაღლესი კომისრის ოფისს შორის თანამშრომლობის ახალი ფორმატი.

მხარეებმა განიხილეს, ასევე, კომიტეტის აპარატის გაძლიერებისა და ამ კუთხით სპეციალური ტრენინგების ჩატარების საკითხები. „კარგი გამოცდილება, რაც ჩვენს ჯგუფს გაეროს ოფისთან თანამშრომლობის კუთხით აქვს, გვინდა გაგრძელდეს და ჩენარჩუნდეს მომავალშიც ეს მაღალი სტანდარტი“, - განაცხადა ეკა ბესელიამ.

საკვანძო სიტყვები:

ვფიქრობ, რომ პროტესტი სპონტანური იყო - იმ მომენტამდე, სანამ ის პოლიტიზირებული გახდებოდა - სალომე ზურაბიშვილი

13 ივლისი, 2019 , 13:18

საქართველომ საბოლოოდ და ოფიციალურად უარი თქვა ძალის გამოყენებაზე - და ამაში ჩანს ჩვენი რეალისტური მიდგომა ვითარებისადმი, - ამის შესახებ საქართველოს პრეზიდენტმა სალომე ზურაბიშვილმა „დოიჩე ველესთან“ ინტერვიუში

20 ივნისს შსს-ს წარმომადგენლების მიერ შესაძლო უფლებამოსილებების გადამეტებას გენერალური პროკურატურა იძიებს -ანრი ოხანაშვილი

13 ივლისი, 2019 , 12:40

ლოგიკურია, რომ შინაგან საქმეთა სამინისტროს წარმომადგენლების მიერ შესაძლო უფლებამოსილებათა გადამეტებას, თუ სხვა ქმედებების ჩადენას, შსს ვერ გამოიძიებს იმიტომ, რომ გაჩნდება კითხვის ნიშნები. ამიტომ, საქართველოს კანონმდებლობ

კონფერენციაზე საქართველო კიდევ ერთხელ იქნა წარმოჩენილი, როგორც ლიდერი ქვეყანა - დავით ზალკალიანი

12 ივლისი, 2019 , 17:15

„ვფიქრობ, რომ ბათუმის კონფერენციამ თავის მიზანს მიაღწია და ეს იყო მართლაც უპრეცედენტო და უაღრესად მასშტაბური კონფერენცია, ჩვენ ასეთი ტიპის კონფერენცია, შეიძლება ითქვას, რომ არც გვქონია, გამომდინარე სტუმრების მაღალი

პრეზიდენტ ტუსკის სიტყვები ჩვენთვის იყო გამამხნევებელი ახალი და გაბედული ნაბიჯების გადასადგმელად - მაია ცქიტიშვილი

12 ივლისი, 2019 , 13:11

ახალგაზრდები, რომლებიც აღიზარდნენ თანამედროვე საქართველოში, თავს აღიქვამენ ევროპის ნაწილად და ჩვენს ამოცანად მიმაჩნია დავეხმაროთ მათ ამ შეგრძნების რეალიზებაში, - აღნიშნა საქართველოს ვიცე-პრემიერმა მაია ცქიტიშვილმა &bdquo

„ევროპული საქართველო“ პროპორციულ სისტემაზე გადასვლას მხარს უჭერს

11 ივლისი, 2019 , 17:21

„ევროპული საქართველო“ მხარს უჭერს პროპორციულ სისტემაზე გადასვლას და შესაბამისად, მხარს უჭერს წარმოდგენილ კანონპროექტს - ამის შესახებ პარტიის ერთ-ერთმა ლიდერმა, დავით ბაქრაძემ განაცხადა. ბაქრაძე "ქართულ ოცნება

ქართველი ხალხი ევროპისაგან მეტ მხარდაჭერას ელის - სალომე ზურაბიშვილი

11 ივლისი, 2019 , 16:00

საქართველოს პრეზიდენტის, სალომე ზურაბიშვილის განცხადებით, მაშინ როდესაც მადლობას გამოვხატავთ, იმ გადაწყვეტილების მიმართ, რომელიც ევროპამ მიიღო ჩვენს დაახლოებასთან დაკავშირებით, ქართველი ხალხის გზავნილია, რომ ისინი ასევე

ვიდეო გალერეა

ზაზა ოქუაშვილი ახალი მასშტაბური კორუფციული სქემის შესახებ საუბრობს