უახლესი ამბები
- 19.04.2024 17:25ქოცებო, თქვე ნაცებო შეწყვიტეთ ეს მორიგი უსუსური გადაწყვეტილება, რომელიც 26 ოქტომბერს საპარლამენტო არჩევნებში თქვენი მარცხის შიშს ეფუძნება - „გახარია საქართველოსთვის“
- 19.04.2024 17:15ნარკოტიკული საშუალებების გასაღებასა და უკანონო შემოსავლის ლეგალიზაციაში 3 ბრალდებულს უვადო, ხოლო 2 ბრალდებულს 19 და 18 წლით თავისუფლების აღკვეთა მიესაჯათ
არქივი
სამართალი
ეკა ბესელია - ნიკა გვარამიას ცემაზე: ვარ წინააღმდეგი, რომ მოხდეს პერსონალური შემთხვევების იმ მასშტაბში აყვანა, რომ ადამიანების დემონიზება მოხდეს
პარლამენტის იურიდიულ საკითხთა კომიტეტის თავმჯდომარის ეკა ბესელიას განცხადებით, 126-ე მუხლი, რომელიც ნიკა გვარამიას ცემისთვის რატი გაჩეჩილაძეს აქვს წარდგენილი, წინასწარ პატიმრობას არ ითვალისწინებს.
ამის შესახებ ბესელიამ საკითხის კომენტირებისას მედიას განუცხადა.
ეკა ბესელიას თქმით, ძალადობა არ არის კარგი, და არც არავის მხრიდან არის მოსაწონი ძალადობის გამოვლინება.
„მაგრამ, ასევე ვარ წინააღმდეგი, რომ მოხდეს პერსონალური შემთხვევების იმ მასშტაბში აყვანა, რომ ადამიანების დემონიზება მოხდეს. ამიტომ, საჭირო არის რომ კანონის წინაშე თანასწორობის პრინციპი დავიცვათ“,-განაცხადა ბესელიამ.
მისი თქმით, მას არ გქონია იყოს სწორი, რომ გამოძიების საქმის გადაკვალიფიცირებას უკვეთავდეს ვინმე.
ბესელიას თქმით, 126 მუხლით, რომელიც რატი გაჩეჩილაძეს აქვს წარდგენილი, წინასწარი პატიმრობა არ ხდება.
„შეკვეთები, თუ როგორი უნდა იყოს კვალიფიკაცია, არ მგონია სწორი. გამოძიება იმიტომ არის უფლებამოსილებით და პასუხისმგებლობით დატვირთული, რომ მან უნდა განსაზღვროს კვალიფიკაცია. რაც შეეხება წინასწარ პატიმრობას, მე როგორც იურისტი გეუბნებით პირდაპირ და ნათლად, ამ მუხლზე წინასწარი პატიმრობის გამოყენება არ ხდება“,-აღნიშნა ბესელიამ.
ტელეკომპანია რუსთავი 2-ის გენერალური დირექტორის ნიკა გვარამიას ცემის ფაქტზე, რატი გაჩეჩილაძეს ბრალი ოფიციალურად წარედგინა.
გამოძიება გაჩეჩილაძეს სისხლის სამართლის კოდექსის 126-ე მუხლის დარღვევაში ედავება, რაც ძალადობას გულისხმობს.
დაზარებული მხრე კი, ამ მუხლის გადაკვალიფიცირებას ითხოვს.
მონიკა დავლიანიძე