პოლიტიკა
ეკა ბესელიას ინიციატივით, საქართველოში კანაფის კულტივაციის საკითხზე სამუშაო ჯგუფი უნდა შეიქმნას
იურიდიულ საკითხთა საპარლამენტო კომიტეტის თავმჯდომარე, ეკა ბესელია გამოვიდა ინიციატივით, რომ საქართველოში კანაფის კულტივაციის საკითხზე სამუშაო ჯგუფი შეიქმნას.
დეპუტატის განმარტებით, საზოგადოებისთვის მეტი ინფორმაციის მიწოდების მიზნით უნდა შეიქმნას სამუშაო ჯგუფი, რომელშიც შევლენ როგორც დეპუტატები, ასევე საპატრიარქოს წარმომადგენლები და ექსპერტები.
ბესელიამ აღნიშნა, რომ მსგავსი ფორმატი იმუშავებს, რათა საზოგადოებაში არცერთი ღია კითხვა არ დარჩეს.
გუშინ, პარლამენტის თავმჯდომარე ირაკლი კობახიძემ განაცხადა, რომ მარიხუანასთან დაკავშირებით მთავრობის მიერ მომზადებული საკანონმდებლო პაკეტი ორ ნაწილად გაიყოფა.
მისი განმარტებით, საკანონმდებლო პაკეტის ერთი ნაწილის განხილვა ცალკე მოხდება, რომელიც საქართველოში მარიხუანას მოხმარებასთან დაკავშირებით საკანონმდებლო რეგულაციებს აწესებს.
კობახიძის თქმით, მარიხუანას კულტივაციასთან დაკავშირებული ცვლილებების განხილვა საჩქარო არ არის.