უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
- 23.04.2024 15:47ჩემი აზრით, ის ხალხი, რომელიც ჩამოდის აქციაზე, ყველაზე საცოდავი ხალხია – იაგო ხვიჩია
- 23.04.2024 15:39საქართველოს ბანკის მხარდაჭერით, საქართველოში KIABI – ს პირველი ფილიალი გაიხსნა
არქივი
ეკონომიკა
ეკატერინე მიქაბაძემ აღმოსავლეთ პარტნიორობის კონფერენციაზე ბიზნესგარემოს ინკლუზიური განვითარების საკითხებზე ისაუბრა
„ძლიერი ეკონომიკა ძლიერი საზოგადოებისთვის - ინვესტირება საზოგადოებაში მდგრადი განვითარებისთვის“, - ასეთია აღმოსავლეთ პარტნიორობის ყოველწლიური კონფერენციის მთავარი თემა, რომელშიც ეკონომიკისა და მდგრადი განვითარების მინისტრის მოადგილე ეკატერინე მიქაბაძე მონაწილეობს. კონფერენცია ავსტრიის დედაქალაქ ვენაში მიმდინარეობს და მას აღმოსავლეთ პარტნიორობის ქვეყნების სამთავრობო დელეგაციები ესწრებიან.
ეკონომიკის სამინისტროს ინფორმაციით, კონფერენციის ერთ-ერთი დისკუსია ბიზნესგარემოს ინკლუზიურად სრულყოფის საკითხებს მიეძღვნა, სადაც საქართველოს ეკონომიკისა და მდგრადი განვითარების მინისტრის მოადგილემ ეკატერინე მიქაბაძემ საქართველოს ეკონომიკის ტენდენციებზე, მიმდინარე რეფორმებსა და ინკლუზიური ზრდის მისაღწევად დაგეგმილ გადაწყვეტილებებზე ისაუბრა.
თავის გამოსვლაში, ეკატერინე მიქაბაძემ განსაკუთრებული აქცენტი გააკეთა განათლებულ და კვალიფიციურ მუშახელზე, როგორც ქვეყნის მდგრადი ეკონომიკური ზრდის წინაპირობაზე. მისი თქმით, აუცილებელია შრომის ბაზარზე არსებული პრობლემების სტრუქტურული გადაწყვეტა, რომელთა მოსაგვარებლადაც საქართველოს მთავრობა, საერთაშორისო საფინანსო ორგანიზაციებთან ერთად, განათლების კომპლექსური რეფორმის შემუშავების პროცესშია. ეკატერინე მიქაბაძის განცხადებით, განათლების რეფორმის განხორციელებას მწარმოებლურობის ამაღლებისა და შრომის ბაზრის მოთხოვნებთან შესაბამისი უნარების ადაპტაციისთვის უდიდესი მნიშვნელობა ენიჭება. ეკონომიკისა და მდგრადი განვითარების მინისტრის მოადგილემ ასევე ისაუბრა პროფესიული გადამზადების მოკლე და გრძელვადიან პროგრამებზე, რომლებიც მოამზადებს მუშახელს შრომის ბაზარზე დღეს არსებული და სამომავლოდ დაგეგმილი პროფესიური უნარების ასათვისებლად. მისი თქმით, სამუშაო ძალის გადამზადების პროგრამა მნიშვნელოვნად შეამცირებს თვითდასაქმებულთა რიცხვს.
დისკუსიაში ასევე მონაწილეობდნენ ევროკავშირის სამეზობლო პოლიტიკისა და გაფართოების საკითხებში გენერალური დირექტორატის ხელმძღვანელის მოადგილე კატერინა მატერნოვა, ლიეტუვას ეკონომიკის ვიცე-მინისტრი მარიუს სკუოდისი, უკრაინის ეკონომიკური განვითარებისა და ვაჭრობის მინისტრის მოადგილე მიჰაილო ტიტარჩუკი და სხვ.