უახლესი ამბები
- 29.03.2024 16:43იუსტიციის სახლები შეფერხებით მუშაობენ
- 29.03.2024 16:06ძალადობის, მუქარისა და იძულების ფაქტებზე დაკავებულია სპეციალური პენიტენციური სამსახურის უფროსი ინსპექტორი
- 29.03.2024 15:41არ არის საკმარისი, მხოლოდ ვამაყობდეთ ჩვენი დიასპორით, საჭიროა დროზე მივცეთ მათ ის საშუალება, რაც ეკუთვნით - საარჩევნო უფლება - პრეზიდენტი
- 29.03.2024 15:10ჰოსპიტალიზაცია წინასწარ შეთანხმებულ კლინიკებში, დიდი ოდენობით ქრთამის აღება - 3 პირი დააკავეს, 2-ს ბრალდება წარედგინა
- 29.03.2024 14:52მთავრობის მიზანია, შევინარჩუნოთ მაღალი ეკონომიკური ზრდის მაჩვენებელი და ეკონომიკური ზრდა გავხადოთ უფრო მეტად ინკლუზიური - ვახტანგ ცინცაძე
- 29.03.2024 14:05„ჯორჯიან ეარვეისი“ გერმანიაში, ევრო-2024-ზე ეროვნული ნაკრების თამაშებზე დასწრების მსურველებისთვის სპეციალურ პირდაპირ ფრენებს შეასრულებს
- 29.03.2024 13:54ატმოსფერულ ჰაერში ფიქსირდება მყარი ნაწილაკების შემცველობის მატება - გარემოს ეროვნული სააგენტო
- 29.03.2024 13:40საქართველოს ტერიტორიაზე უახლოეს დღეებში ტემპერატურა 26 გრადუსამდე მოიმატებს - გარემოს ეროვნული სააგენტო
- 29.03.2024 12:02მუნიციპალური ტრანსპორტის ხუთ მარშრუტს 30 მარტიდან ავტობუსები დაემატება და მოცდის ინტერვალი შემცირდება
- 29.03.2024 11:46თავდაცვის მინისტრი საქართველოში ესტონეთის ელჩს შეხვდა
არქივი
საზოგადოება
ეკლესიის მიმდებარე ტერიტორიაზე გარევაჭრობის წინააღმდეგი ვარ - მამა კონსტანტინე
„ეკლესიის მიმდებარე ტერიტორიაზე კატეგორიულად წინააღმდეგი ვარ“, – ეს განცხადება ჯვრის მონასტრის წინამძღვარმა, მამა კონსტანტინე ჭინჭარაულმა, მონასტრის მიმდებარედ გარევაჭრობასთან დაკავშირებით გააკეთა.
მისი თქმით, ტერიტორიაზე დიდი პროექტის მოწყობა იგეგმება, შესაბამისად, გარემოვაჭრეებს ტერიტორიის დატოვება მაინც მოუწევდათ. ინფორმაციას “კურიერი” ავრცელებს.
„ეკლესიის მიმდებარე ტერიტორიაზე კატეგორიულად წინააღმდეგი ვარ, არ უნდა ხდებოდეს გარევაჭრობა იმ ფორმით და იმ სახით, როგორიც ხდებოდა ჩვენი მონასტრის წინ. მუნიციპალიტეტის განვითარების ფონდი, მსოფლიო ბანკისერთობლივი ფონდი აპირებს, რომ იქ გაკეთდეს დიდი პროექტი, უნდა მოწესრიგდეს ტაძრის შიდა ეზო, ინფრასტრუქტურა, რკინების საკითხი. ამ პროექტს იწყებენ სულ მალე და ამიტომ მაინც მოხდებოდა მათი გაყვანა,“ – განაცხადა მამა კონსტანტინე ჭინჭარაულმა.
მცხეთის მუნიციპალიტეტის მერი, გიორგი კაპანაძე, აცხადებს, რომ ჯვრის მონასტრის მიმდებარე ტერიტორია მერიას არ ეკუთვნის, შესაბამისად, გარევაჭრობის ნებართვის გაცემის უფლება მუნიციპალიტეტს არა აქვს.
„მათ მიეცათ სამდღიანი ვადა. მაგრამ მე მინდა, მოგახსენოთ ისიც, რომ ეს ჩვენგან აკრძალვა, როგორც ასეთი, არ არის, უბრალოდ, ტერიტორია, რომელზეც დღეს გარევაჭრობა მიმდინარეობს, არ ეკუთვნის მცხეთის მუნიციპალიტეტს. აქედან გამომდინარე, მცხეთის მუნიციპალიტეტი ამ ტერიტორიაზე ვაჭრობის ნებართვას ვერ გასცემს. რადგან მე ნებართვას ვერ გავცემ, ამიტომ არის ის აკრძალვა,“ – განაცხადა გიორგი კაპანაძემ.
მერიის ზედამხედველობის სამსახურმა მოვაჭრეებს სამდღიანი ვადა მისცა და მათ ამ დროის განმავლობაში მოსთხოვა ტერიტორიის დატოვება, წინააღმდეგ შემთხვევაში, აპირებენ იძულების წესით მოხდეს მოვაჭრეების ტერიტორიიდან გაყვანა.
გადაწყვეტილების მიღებამდე მათ მოლაპარაკებები აწარმოეს ჯვრის მონასტრის წინამძღვართან. შეხვედრას ზედამხედველობის სამსახურის გარდა, სამხარეო პოლიციის ხელმძღვანელის მოადგილე ესწრებოდა.
მერია ტაძრის წინამძღვარს ალტერნატიული დახლების დადგმას სთავაზობდა ტერიტორიაზე, თუმცა, წინამძღვარი გარევაჭრობის წინააღმდეგია. სასულიერო პირებს შორის შეთანხმება ვერ შედგა.