უკან

უახლესი ამბები

დღის კალენდარი

ანონსები

არქივი

საზოგადოება

29 იანვარი, 2018 19:18
font-size

ეკონომია ბავშვების ხარჯზე - შეცვლილი კვების რაციონი ბაღებში საზოგადოების უკმაყოფილების მიზეზი ხდება

თბილისის ყოფილი მერის, დავით ნარმანიას მთავრობის ერთ-ერთი ყველაზე წარმატებული მიმართულება - საბავშვო ბაღები, ახალი ხელმძღვანელობის მოსვლის დღიდან, სკანდალებისა და აჟიოტაჟის მიზეზი გახდა. „მედიანიუსი“ ჯერ კიდევ ნოემბერში იუწყებოდა, რომ ბაღების სააგენტოს მაშინდელ უფროსს, თემურ თორდინავას კალაძე თავის მთავრობაში არ გააჩერებდა, რადგან საბავშვო ბაღებში კვების ხარისხის შენარჩუნებისათვის თორდინავა მთელი ზაფხული იბრძოდა და მიაღწია კიდეც შედეგს -ზაფხულში გამოცხადებული ტენდერი, ორჯერ იძულებით ჩაშლის მიუხედავად, მესამედ თორდინავამ აღარ ჩაშალა და ბაღებში კვების მანამდე არსებული დონე შეინარჩუნა წლის ბოლომდე.

„მედიანიუსი“ ჯერ კიდევ ნარმანიას წასვლამდე წერდა, რომ თორდინავას გვანცელაძე შეცვლიდა, რომელიც ბაღების მართვაში ხარჯების ოპტიმიზაციის დავალებით მოდიოდა, თუმცა მაშინ ამ ინფორმაციას დიდი გამოხმაურება არ მოყოლია.

ის ფაქტი, რომ კვებაში თანხის დაზოგვა ახალი ხელმძღვანელობის მთავარი მიზანი იყო, ჯერ კიდევ გასული წლის ბოლოს დადასტურდა - ჩვენი ვარაუდი ჯერ კიდევ დეკემბრის ბოლოს გამართლდა, როდესაც ვაი-ვაგლახით გამოცხადებული ტენდერის ჩატარების დღეს პროკურატურა კომპანია „ელფში“ შევიდა და ყველაფერი დაუყადაღა. მიუხედავად იმისა, რომ „ელფმა“ ტენდერში მონაწილეობა მაინც შეძლო, ტენდერში ჩაშლილად გამოცხადდა - მისი კონკურენტები კი არაერთხელ დაჯარიმებული „ფუდსერვისი“ და „ნილი“ აღმოჩნდნენ. მერიამ არჩევანი კომპანია „ნილზე“ შეაჩერა, რომელმაც დაუყოვნებლივ ითანამშრომლა „ფუდსერვისთან“ და ბაღების მომარაგება 15 იანვრიდან დაიწყო და ამავე დღეს დაიწყო პრობლემებიც - დაგვიანებები ბაღების საკვებით მომარაგებაში, უხარისხო ხორცი, ფხიანი თევზი, არასაკმარისი პური. ახალი მენიუ მშობლების მასობრივი უკმაყოფილების მიზეზი გახდა. სოციალური ქსელი, შეიძლება ითქვას, „აფეთქდა“ „დამშეული ბავშვების“, უმარილო საკვების, მშრალი კვების და სხვა მსგავს საკითხებზე მშობლების საყვედურებით.

არ დააყოვნა ოპოზიციამაც - აღელვებდათ თუ არ აღელვდებდათ, „მშიერი ბავშვების“ საკითხი დაუყოვნელივ მთავარი თემა აღმოჩნდა პოლიტიკოსებისათვის. ოპოზიცია ამტკიცებს, რომ ბავშვებს უგემურ საკვებს, თანაც მინიმალური კალორაჟით აწვდიან, თუმცა ამას ემატება ისიც, რომ ეს საკვებიც ვერ მიდის სრულყოფილად ბავშვებამდე, რადგან დღის განმავლობაში ბაღებში ხან ყველი არ შედის და უყველო ხაჭაპურებს აცხობენ, ხან ხორცი აგვიანებს და უხორცო გუფთას ხარშავენ ან კიდევ მასწავლებლები თავად ყიდულობენ პურს, რომ მისი შემცირებული ულუფაც აუნაზღაურონ ბავშვებს და თავიდან აირიდონ მათი ტირილი. გვანცელაძე კი აცხადებს, რომ მენიუ, რომელიც ბაღებში მოქმედებს, მთავრობის მიერ დადგენილი სტანდარტის შესაბამისად შემუშავდა, რომელიც თავის მხრივ გაეროს ბავშვთა ფონდის რეკომენდაციების საფუძველზე მომზადდა, რადგან მანამდე არსებული მენიუ სხვადასხვა დაავადებებს იწვევდა.

როგორც ჩანს, ბაღების კვებაში სიახლეებს 16 თებერვლამდე არ უნდა ველოდოთ, რადგან ერთჯერადი ერთთვიანი ხელშეკრულება კომპანია „ნილთან“ სწორედ ამ დრომდე რჩება ძალაში.

მერიამ ახალი ტენდერი უკვე გამოაცხადა. გაითვალისწინებს თუ არა ქალაქის მთავრობა ბაღების კვებაში წარმოქმნილ ხარვეზებს, ამას რამდენიმე კვირაში გავიგებთ, მანამდე კი ბავშვებს არსებულ მენიუსთან შეგუება მოუწევთ.

საკვანძო სიტყვები:

კონკურენციის სააგენტომ თბილისის გარე სარეკლამო ბაზარზე მოკვლევა დაიწყო

22 აპრილი, 2019 , 14:22

საქართველოს კონკურენციის სააგენტომ თბილისის გარე სარეკლამო ბაზარზე მოკვლევა დაიწყო. სააგენტოს მიერ გავრცელებული ინფორმაციით, მოკვლევის დაწყების მიზეზი „აუთდორ.ჯის“ წინააღმდეგ შპს „ჯევერს დეველოპმენტის&l

ელმავალმშენებლის თანამშრომლების პროტესტი გრძელდება

22 აპრილი, 2019 , 14:05

ელმავალმშენებლის თანამშრომლების პროტესტი გრძელდება. მუშების თქმით, მართალია სახელფასო დავალიანება დაიფარა, მაგრამ დეკემბრის შემდეგ წარმოება გაჩერებულია და შესაბამისად, საწარმოს თანამშრომლები საარსებო წყაროს გარეშე არიან

მაშველებმა ხევში ჩარჩენილი 2 მოქალაქე უვნებლად ამოიყვანეს

22 აპრილი, 2019 , 11:31

შინაგან საქმეთა სამინისტროს საგანგებო სიტუაციების მართვის სამსახურის მეხანძრე-მაშველებმა დაბა წყნეთში, შოთა რუსთაველის ქუჩის მიმდებარე ტერიტორიაზე არსებულ ხევში ჩარჩენილი ორი მოქალაქე უვნებლად ამოიყვანეს. საგანგებო სიტუა

მთავრობის ადმინისტრაციასთან ბათუმის ბულვარში ელექტრომობილების გამოყენების აკრძალვას აპროტესტებენ

22 აპრილი, 2019 , 11:08

მთავრობის ადმინისტრაციასთან 100-მდე ელექტრომობილის მეპატრონე აქციას მართავს. ისინი ბათუმიდან სპეციალურად ჩამოვიდნენ და პრემიერ-მინისტრთან შეხვედრას ითხოვენ. აქციის მონაწილეები ბათუმის საკრებულოს 5 მარტის დადგენილებას აპრ

თბილისის რამდენიმე რაიონში აბონენტების ნაწილს ელექტრომომარაგება დროებით შეეზღუდება

22 აპრილი, 2019 , 10:13

კომპანია „თელასის“ ინფორმაციით, გეგმურ-პროფილაქტიკური სამუშაოების გამო, თბილისის რამდენიმე რაიონში აბონენტების ნაწილს დღეს ელექტრომომარაგება დროებით შეეზღუდება. დიდუბის რაიონი – 10:00 საათიდან 17:00 საა

მოვითხოვთ პარლამენტმა დაუყონებლივ აკრძალოს გვამებით ვაჭრობა და დაჩქარებული წესით მიიღოს ჩვენი კანონპროექტი - ლაშა ჩხარტიშვილი

20 აპრილი, 2019 , 16:45

დღეს, „ლეიბორისტული პარტიის“ ერთ–ერთმა ლიდერმა ლაშა ჩხარტიშვილმა, პარლამენტში „შრომის უსაფრთხოების შესახებ“ კანონში ცვლილებების შეტანის შესახებ, მის მიერ მომზადებული კანონპროექტი გამაფრთხილე

ვიდეო გალერეა

ნატო ჩხეიძე ინგა გრიგოლიასთან `რეაქციაში` - 07.03.2019