პოლიტიკა

ელემენტარულ ჭეშმარიტებას ვითხოვთ, რომ არის ძალადობის ფაქტი, კონკრეტულ მაღალჩინოსანზე არის ზეწოლა და მოხდეს გამოძიება - ომბუდსმენი თორდია-ფარცხალაძის საქმეზე

სახალხო დამცველის, უჩა ნანუაშვილის განცხადებით, კლუბ ელ ცენტროში აუდიტის სამსახურის ხელმძღვანელ ლაშა თორდიასა და ყოფილ მთავარ პროკურორ ოთარ ფარცხალაძეს შორის მომხდარ ინციდენტზე ობიექტური გამოძიება არ მიმდინარეობს.

„რეალურად, როცა არ ხდება გამოძიება, სწორედ ეს არის პრობლემა. მთელი თვის განმავლობაში ჩვენ არაერთხელ ვიმეორებთ, რომ ობიექტური გამოძიება უნდა ჩატარებულიყო. დღემდე ბევრ კითხვაზე პასუხი არ არის გაცემული და ეს პრობლემაა ამ სახელმწიფოში”, - განაცხადა ნანუაშვილმა.

ომბუდსმენმა მოითხოვა, გამოიძიოს კონკრეტულ მაღალჩინოსანზე ძალადობის ფაქტი.

„ელემენტარულ ჭეშმარიტებას ვითხოვთ, რომ არის ძალადობის ფაქტი, კონკრეტულ მაღალჩინოსანზე არის ზეწოლა და მოხდეს გამოძიება“, - განაცხადა ნანუაშვილმა.

შეგახსენებთ, რამდენიმე კვირის წინ აუდიტის სამსხურის ხელმძღვანელს ლაშა თორდიას თავს დაესხნენ. თორდიას მტკიცებით, მას ფიზიკური შეურაცხყოფა ყოფილმა მთავარმა პროკურორმა ოთარ ფარცხალაძემ მიაყენა.

ანა მებურიშვილი