სამართალი

ელისო კილაძის შვილს ორთვიანი წინასწარი პატიმრობა შეეფარდა

თბილისის საქალაქო სასამართლომ ,,ქრონიკა პლუსის’’ რედაქტორის, ელისო კილაძის შვილს, დავით ხარშილაძეს აღკვეთის ღონისძიების სახით ორთვიანი წინასწარი პატიმრობა შეუფარდა.

დღევანდელ პროცესზე ადვოკატი დავით ხარშილაძის დაუყოვნებლივ გათავისუფლებას ითხოვდა, პროკურატურამ კი წინასწარი პატიმრობის შუამდგომლობა დააყენა.

სასამართლოს გადაწყვეტილებას ელისო კილაძე სოციალურ ქსელში გამოეხმაურა:

,,ორთვიანი პატიმრობა როგორც მოსალოდნელი იყო. ჩემი შვილი არის ბიძინა ივანიშვილის მძევალი.
დღეიდან ჩემი ყველა დღე არის თითო აგური ამ ხელისუფლების დემონტაჟის გზაზე.’’

ცნობისათვის: დავით ხარშილაძე განსაკუთრებით დიდი ოდენობით ნარკოტიკული საშუალების უკანონო შეძენა-შენახვა ედება ბრალად, თუმცა ბრალდებული დანაშულს არ აღიარებს.

ნინო ექვთიმიშვილი