უკან
მსოფლიო
27 აგვისტო, 2018 16:46
ემანუელ მაკრონის მტკიცებით, ევროპის უსაფრთხოების საკითხების განხილვაში რუსეთიც უნდა იყოს ჩართული
საფრანგეთის პრეზიდენტის, ემანუელ მაკრონის განცხადებით, ევროპის თავდაცვისა და უსაფრთხოების საკითხის განხილვაში რუსეთი უნდა იღებდეს მონაწილეობას. ამის შესახებ საფრანგეთის პირველმა პირმა დღევანდელ პრესკონფერენციაზე განაცხადა.
მისივე თქმით, ევროკავშირი საკუთარი უსაფრთხოების უზრუნველსაყოფად უნდა იყოს დამოკიდებული არა აშშ-ზე, არამედ საკუთარ თავზე.
„დღეს ევროპის უსაფრთხოებასა და სუვერენიტეტზე პასუხისმგებლობა ჩვენ გვეკისრება. ევროპის თავდაცვისა და უსაფრთხოების არქიტექტურა გადახედვას საჭიროებს. ჩვენ უნდა წამოვიწყოთ განახლებული დიალოგი კიბერუსაფრთხოების, ქიმიური იარაღის, კლასიკური იარაღის, ტერიტორიული კონფლიქტების, კოსმოსური უსაფრთხოებისა და პოლარული ზონების დაცვის საკითხებზე, განსაკუთრებით რუსეთთან თანამშრომლობით“, - განაცხადა მაკრონმა.