უკან

უახლესი ამბები

დღის კალენდარი

ანონსები

არქივი

საზოგადოება

14 სექტემბერი, 2017 09:00
font-size

EMC და „აუდიტორია 115“ პროფესიული კავშირების გაერთიანებაში მიმდინარე არჩევნების პროცესს ეხმაურებიან

14-15 სექტემბერს საქართველოს პროფესიული კავშირების გაერთიანება (GTUC) მართავს ყრილობას გაერთიანების ახალი თავმჯდომარის არჩევის მიზნით, რაც მნიშვნელოვანი ეტაპია პროფესიული კავშირების, როგორც დასაქმებულთა შრომითი და სოციალური უფლებებისა და სოციალური სამართლიანობისათვის ბრძოლის მნიშვნელოვანი ინსტიტუტის შემდგომი განვითარების თვალსაზრისით, - ნათქვამია EMC -სა და ,,აუდიტირია 115“-ის ერთობლივ განცხადებაში, რომლითაც ორგანიზაციები პროფესიული კავშირების გაერთიანებაში მიმდინარე არჩევნების პროცესს ეხმაურებიან.

,,არსებითად მნიშვნელოვნად მიგვაჩნია პროფესიული კავშირების გაერთიანებამ მოახერხოს სახელისუფლებო და ასევე კაპიტალის პირდაპირი გავლენებისგან დამოუკიდებელი და დასაქმებულთა მაღალი მხარდაჭერისა და ნდობის მქონე თავმჯდომარის არჩევა, რათა მოხდეს ორგანიზაციის განვითარების ახალ ეტაპზე გადაყვანა, მათ შორის, შიდა-დემოკრატიის და გამჭვირვალობის გაზრდა, საზოგადოების მხრიდან მაღალი ნდობის მოპოვება და დასაქმებულთა უფლებებისა და შრომის პოლიტიკის სისტემური გარდაქმნისთვის ეფექტიანი ბრძოლის სტრატეგიების დასახვა.

გაერთიანებაში მიმდინარე საარჩევნო პროცესისა და მისი შედეგების მიმართ განსაკუთრებულად მაღალი მოლოდინია დასაქმებულების, პირველადი პროფესიული კავშირების, დარგობრივი გაერთიანებებისა და ზოგადად საზოგადოების მხრიდან, რამდენადაც ძლიერი პროფკავშირული გაერთიანება უკიდურესად მნიშვნელოვანია ქვეყნის განვითარებისთვის, საზოგადოების სოციალური კეთილდღეობისთვის, მოსახლეობის ეკონომიკური პოტენციალის ზრდისთვის და მშრომელთა ფიზიკური და სოციალური დაცულობის უზრუნველყოფისთვის.

სახელმწიფოს მხრიდან ბიზნეს ინტერესების სასარგებლოდ დარღვეული ბალანსის, დასაქმებულთა მძიმე უფლებრივი მდგომარეობის, სახელმწიფოს თანმიმდევრული შრომითი და სოციალური პოლიტიკის არარსებობის, შრომის ადმინისტრირების სისტემის სისუსტისა და პროფესიული კავშირების მიმართ საზოგადოებრივი ნდობის დეფიციტის ფონზე, პოლიტიკურ დღის წესრიგში განსაკუთრებული სიმძაფრით დგება ძლიერი, დამოუკიდებელი და დემოკრატიული პროფკავშირული გაერთიანების არსებობა, რომელიც მშრომელთა უფლებების დაცვითა და სოციალური პოლიტიკის გაძლიერების გზით თანაბრად ჩადგება როგორც პროფესიული კავშირების წევრი, ასევე მის არაწევრი დასაქმებულების სამსახურში.

დღეს მიმდინარე პროცესები პროფესიული კავშირების გაერთიანების თავმჯდომარის არჩევასთან დაკავშირებით ბევრ კითხვის ნიშანს აჩენს. არსებული მდგომარეობა ერთის მხრივ არაჯანსაღ პროცესზე მიუთითებს, ხოლო მეორეს მხრივ მნიშვნელოვნად აზიანებს პროფესიული კავშირების იდეას და ფართო საზოგადოებაში მის მიმართ დისკრედიტაციას განაპირობებს.

წინასაარჩევნო პროცესზე დაკვირვება და კანდიდატად იმგვარი პირის პოზიციონირება რომელსაც არ გააჩნია პროფკავშირული ბრძოლის გამოცდილება და აქტიური პროფკავშირული ორგანიზაციების ნდობა აჩენს ეჭვებს პოლიტიკური ხელისუფლების ზეგავლენაზე და მაღალ ინტერესზე თავისი დაქვემდებარების ქვეშ მოაქციოს პოლიტიკური წინააღმდეგობის რესურსის მქონე ორგანიზაცია, რაც უკიდურესად დაასუსტებს პროფესიული კავშირების როლს და გაანეიტრალებს მას როგორც სოციალური სამართლიანობისათვის მებრძოლ მნიშვნელოვან აქტორს. ამასთან, პროფესიული კავშირების წევრები მიუთითებენ დელეგატებზე ზეგავლენის მოხდენის მცდელობაზე დასახელებული კანდიდატის სასარგებლოდ, რაც აძლიერებს ეჭვებს სახელისუფლებო ჯგუფების უშუალო და პირდაპირი ჩარევის შესახებ წინაასაარჩევნო პროცესში, რაც სრულიად დაუშვებელია და წინააღმდეგობაშია პროფესიული კავშირების პოლიტიკური ხელისუფლებისაგან დამოუკიდებლობის შენარჩუნების აუცილებლობის იდეასთან, რისი უზრუნველყოფაც სახელმწიფოს პასუხისმგებლობას წარმოადგენს.

მეორეს მხრივ, თავად პროფესიულ კავშირებში მიმდინარე შიდა პროცესები კრიტიკის საფუძველს აჩენს. რამდენადაც პროფესიული გაერთიანების მიმართ არსებული მწვავე და დასაბუთებული კრიტიკის პირობებში, რაც გაერთიანების მიმართ საზოგადოების დაბალ ნდობაში, გამჭვირვალობისა და შიდა-დემოკრატიულობის დეფიციტში, პროფესიული კავშირების დაბალ გავლენაში, შრომითი დავების არაეფექტიან წარმართვაში და სხვა მნიშვნელოვან პრობლემებში გამოიხატება.

პროფესიული კავშირების ამჟამინდელი გაერთიანების სამგზის არჩეული თავმჯდომარის მხრიდან თავისი კანდიდატურის მეოთხედ წამოყენებამ, დიდი უკმაყოფილება გააჩინა თავად პროფკავშირული ორგანიზაციის წიაღში, რაც საბოლოო ჯამში შიდა განხეთქილების და დაპირისპირების საფუძველი გახდა. ეს მიუთითებს იმაზე, რომ პროფკავშირების გაერთიანების არსებულმა ინსტიტუციურმა სისტემამ ვერ უზრუნველყო დასაქმებულების მაღალი მხარდაჭერის მქონე კანდიდატის წარმოქმნა და პირველად ორგანიზიაციებში არსებული მოლოდინების გამართლება, რაც თავის მხრივ შიდა დემოკრატიული პროცესის არარსებობაზე და არარეპრეზენტატიულ პოლიტიკაზე მეტყველებს, სადაც გადაწყვეტილებების მიღება და პროცესების მართვა არაინკლუზიურად მიმდინარეობს და სათანადოდ არ ხდება მშრომელთა სხვადასხვა ჯგუფების პროცესებში ინტეგრირება თუ მათი ინტერესების გათვალისწინება.

არსებულ მოცემულობაში, როდესაც განსაკუთრებულად მაღალია საქართველოს პროფესიული კავშირებში შიდა დაპირისპირების და გაერთიანების დაშლის საშიშროება, კიდევ უფრო მატულობს სახელისუფლებო ძალების მხრიდან პროცესებზე გავლენის მოხდენის საფრთხე, რამდენადაც თავჯდომარეობის პოზიციაზე წამოყენებული კანდიდატებიდან არცერთი მათგანი არ სარგებლობს მშრომელთა ფართო ჯგუფების მხარდაჭერით. ამ გარემოებას კი განსაკუთრებულ კრიზისში შეყავს მიმდინარე პროცესი და მაღალ რისკებს უქმნის პროფესიული კავშირების გაერთიანების დამოუკიდებლობას და ლეგიტიმაციას.

შექმნილ ვითარებაში მნიშვნელოვნად მიგვაჩნია პროფესიულ კავშირებში მიმდინარე საარჩევნო პროცესმა შესაძლებელი გახადოს პროფესიული კავშირების როგორც ორგანიზაციის გადარჩენა და დატოვოს მისი შემდგომი განვითარების შესაძლებლობები. ქვეყნის განვითარებისთვის უპირობოდ აუცილებელია დამოუკიდებელი, ძლიერი და მშრომელთა ინტერესების გამტარებელი პროფესიული კავშირების გაერთიანების არსებობა, რომელიც დემოკრატიულ პრინციპ ებზე დაყრდნობით, გამართული მმართველობითი სტრუქტურით და სწორად დაგეგმილი პოლიტიკით შეძლებს მშრომელთა უფლებების დაცვის უზრუნველყოფას, მათ გაძლიერებას და მხარდაჭერას.

არსებულ მოცემულობაში მოვუწოდებთ:

ხელისუფლებას უზრუნველყოს პროფესიული კავშირების გაერთიანების თავმჯდომარის არჩევის პროცესში მისი სრული ჩაურევლობა, რათა პროფესიულ კავშირებს მიეცეს საარჩევნო პროცესის დამოუკიდებლად წარმართვის შესაძლებლობა;

მოვუწოდებთ დასახელებულ კანდიდატებს გაითვალისწინონ პროფესიული კავშირების გაერთიანების როლი და მნიშვნელობა ქვეყნის პოლიტიკურ ცხოვრებაში და საარჩევნო პროცესთან დაკავშირებით ნებისმიერი გადაწყვეტილება მიიღონ პროფესიული კავშირების განვითარებისა და მისი წევრების საუკეთესო ინტერესების შესაბამისად“, - ნათქვამია განცხადებაში.

საკვანძო სიტყვები:

საქართველოს ადვოკატთა ასოციაცია იუსტიციის უმაღლეს საბჭოში ბოლოდროს მიმდინარე პროცესებთან დაკავშირებით განცხადებას ავრცელებს

21 თებერვალი, 2018 , 19:45

საქართველოს ადვოკატთა ასოციაცია მიიჩნევს, რომ იუსტიციის უმაღლეს საბჭოში ბოლოდროს მიმდინარე პროცესები მართლმსაჯულების ინტერესს აზიანებს და ამცირებს საზოგადოების ნდობას სასამართლო სისტემისადმი. საბჭოში მოსამართლე და არამოს

ერისთავის ქუჩაზე ხანძარი ლოკალიზებულია

21 თებერვალი, 2018 , 17:46

ერისთავის ქუჩაზე, კიროვის ყოფილი ქარხნის ტერიტორიაზე, ლამინატის ქარხანაში გაჩენილი ხანძარი უკვე ლოკალიზებულია. საგანგებო სიტუაციების მართვის სამსახურის ინფორმაციით, ხანძრის შედეგად არავინ დაშავებულა. ცეცხლმა, დაახლოებით,

მეტროსადგურ „დიდუბის“ მიმდებარე ტერიტორიაზე ხანძარია

21 თებერვალი, 2018 , 17:20

მეტროსადგურ „დიდუბის“ მიმდებარე ტერიტორიაზე, ერისთავის ქუჩაზე ხანძარია. ამ დროისთვის ადგილზე ძლიერი დაკვამლიანებაა. ჯერჯერობით უცნობია კონკრეტულად რომელ ობიექტზე გაჩნდა ცეცხლი.

თავდაცვის მინისტრმა პროექტის „ქალები მშვიდობა და უსაფრთხოება საქართველოს შეიარაღებულ ძალებში: ორგანიზაციული შეფასება“ ფარგლებში სამუშაო შეხვედრა გახსნა

21 თებერვალი, 2018 , 17:10

პროექტთან დაკავშირებით შეხვედრა თავდაცვის სამინისტროში გაიმართა, რომელსაც მოწვეული სტუმრის სტატუსით ნატოს გენერალური მდივნის თანაშემწის მოადგილე უსაფრთხოების ახალი გამოწვევების საკითხებში, დოქტორი ჯეიმი შეა დაესწრო. მინი

გიორგი აბაშიშვილი „ომეგა ჯგუფთან“ დაკავშირებულ საკითხებს გამოეხმაურა

21 თებერვალი, 2018 , 16:00

„ომეგა ჯგუფთან“ დაკავშირებულ პრობლემებს, პრეზიდენტის ადმინისტრაციის უფროსი გიორგი აბაშიშვილიც გამოეხმაურა. მისი თქმით, ისინი ყურადღებით აკვირდებიან მიმდინარე პროცესს. „საქართველოს პრეზიდენტისთვის მედიაგ

„ახალგაზრდა ადვოკატები“ – გზების დეპარტამენტის თავმჯდომარის მოადგილეების ტენდერებში გამარჯვებულ საწარმოებში დასაქმებით კორუფციის შესახებ კანონი დაირღვა

21 თებერვალი, 2018 , 15:00

ორგანიზაცია „ახალგაზრდა ადვოკატები“ საქართველოს მთავრობას მიმართავს და საქართველოს საავტომობილო გზების დეპარტამენტში განხორციელებულ საკადრო გადადგილებებსა და სახელმწიფო ტენდერებში შესაძლო კორუფციული გარიგებებ

ვიდეო გალერეა

ინტერვიუ ვანიჩკასთან - ნატო ჩხეიძე