კომენტარი
ენა ჩაიგდეთ! იურა მეჩითოვი კი ჩვენი მემატიანეა! - ქეთი დოლიძე
რეჟისორი ქეთი დოლიძე 9 აპრილთან დაკავშირებით ფოტოგრაფ იური მეჩითოვის მიერ 9 აპრილთან დაკავშირებით გაკეთებულ განცხადებას ეხმიანება, სადაც ეს უკანასკნელი ამბობს, რომ 20 ქალი ასფიქსიით გარდაიცვალა და განზრახ არავის მოუკლავს.
დოლიძე იური მეჩითოვის განცხადებას ეთანხმება და ამბობს, რომ 1989 წლის 9 აპრილის აქციის ორგანიზატორებმა ხალხი მიატოვეს და გაწირეს.
ამის შესახებ ქეთი დოლიძე იური მეჩითოვის ფეიბსუკგვერდზე გამოქვეყნებული ფოტოს კომენტარებში წერს.
„იურა, ისინი ყვირიან და ხავიან, ვინც ყველაზე კარგად იცის, რაც და როგორ მოხდა 9 აპრილს! ის ახსნან, ირაკლი ბათიაშვილის გარდა, ყველა უვნებელი რომ გამოძვრა!!!
სამარცხვინოდ: 22 ქალი და ორი მილიციელი!
ხომ დაირტყით უკანალზე ფეხები და შეატოვეთ ეს ქალები და შეწირეთ მსხვერპლად! ენა ჩაიგდეთ! იურა მეჩითოვი კი ჩვენი მემატიანეა! გარეწარი, მკვლელი გვარამია რომ ამდენს "ბლატაობს", ეს არ ეპატიება "ოცნებას"!“- წერს ქეთი დოლიძე.
ამასთან, რეჟისორი იური მეჩითოვთან დაკავშირებით პოსტს ფეისბუქის პირად გვერდზეც აქვეყნებს:
,,ყველა, ვინც გვარამიას გასახარად აგინებთ იური მეჩიტოვს, ხართ ნაცები ან მათი მხარდამჭერები!
მისი მეათედი გააკეთეთ საქართველოსთვის!
იურა -9 აპრილის მემატიანე
იურა - საქართველოში და თბილისში შეყვარებული ხელოვანი!
იურა- საოცარი ალბომის შემქმნელი სერგო ფარაჯანოვზე, როგორც ძირძველ თბილისელზე და გენიალურ რეჟისორზე
იურა- უნიკალური ფოტოხელოვანი, რომელმაც ჩვენი გამოჩენილი თანამემამულეების პორტრეტები შექმნა!
თუმანიშვილისა და მისი თეატრის ისტორიის მემატიანე!
იურასავით გიყვარდეთ და გულშემატკივრობდეთ თქვენ საქართველოს!
90ანების სიძულვილის სუნი დგას, როცა პირველად გაიხლიჩა საქართველო და ურა პატრიოტების ხელში ჩავარდა!!!!
"ქელეხების და ქეიფების ხალხოოოოოო!"
ხელები შორს იურა მეჩიტოვისგან!
ვნახავ ერთი, რამდენი ვინმე გაიზიარებს!!!!
იურა! ბრწყინვალე ხელოვანი ხარ!!!!!“ - დაწერა ქეთი დოლიძემ.