პოლიტიკა
ენმ აფხაზეთის რეგიონალურ ორგანიზაციას აფუძნებს
„ნაციონალური მოძრაობა“ აფხაზეთის რეგიონალურ ორგანიზაციას აფუძნებს.
პარტიაში აცხადებენ, რომ ორგანიზაციის მთავარი მიზანი დევნილთა უფლებებზე მუშაობა, დევნილების უფლებების დაცვა და ქვეყნის ერთიანობისთვის ბრძოლა იქნება.
ორგანიზაციის სადამფუძნებლო კონფერენციაზე ამ ორგანიზაციის თავმჯდომარედ ბესო შენგელია დასახელდა.
„პარტიაში ძალიან ბევრი დევნილია გაერთიანებული სხვადასხვა კუთხიდან, რომლებიც დღეს აქ არიან წარმოდგენილნი. ცალსახად ვაცხადებთ, რომ „ერთიანი ნაციონალური მოძრაობის“ აფხაზეთის რეგიონალური ორგანიზაცია იქნება ერთ-ერთი მთავარი ძალა ივანიშვილის რეჟიმის დასასრულებლად საქართველოში. ჩვენ ვიზრუნებთ, დავიცავთ დევნილთა უფლებებს და ვაცხადებთ, რომ დამოუკიდებლობა აფხაზეთის გარეშე კოჭლია და ვიბრძოლებთ საქართველოს დამოუკიდებლობისა და მთლიანობისთვის", - განაცხადა ბესო შენგელიამ.
დღესვე დაფუძნდა ორგანიზაციის პოლიტსაბჭო. კონფერენციას ესწრებოდნენ პარტიის რეგიონული ოფისების წარმომადგენლები.
კონფერენციაზე სკაიპის საშუალებით ჩაერთო მიხეილ სააკაშვილიც, რომელმაც სიტყვით მიმართა ნაციონალური მოძრაობის წევრებს.
ნინო ექვთიმიშვილი