საზოგადოება

ენმ-ის წევრებმა აჭარის მთავრობის გადადგომის მოთხოვნით აქცია გამართეს

ბათუმში, აჭარის მთავრობის ადმინისტრაციასთან „ერთიანი ნაციონალური მოძრაობის“ ადგილობრივმა წარმომადგენლებმა აქცია გამართეს. მათ აჭარის მთავრობის გადადგომა მოითხოვეს.

ზურაბ პატარაძისა და მინისტრთა კაბინეტის გადადგომის მიზეზად ენმ-ის წევრებმა მძიმე სოციალური ფონი და ეკოსისტემის განადგურება დაასახელეს. აქციის მონაწილეების თქმით, მთავრობა არსებული პრობლემების მოგვარების ნაცვლად ხეების გადარგვითაა დაკავებული.

აქციის მონაწილეები ხეების გადარგვის პროცესის ამსახველი ფოტოებით მივიდნენ, რომლებიც მთავრობის შენობის წინ მაგნოლიის ხეზე ჩამოკიდეს.

ანა მებურიშვილი