კომენტარი

იცით, რაც ევროპაში ხდება – სანქციებმა არ გაამართლა, ევროკავშირის ეკონომიკა ჩამოიშალა - ირაკლი ზარქუა

კოლექტიური „ნაცბანდა“ ჩაიშალა, ახლა ცალ-ცალკე დაეწყვნენ და ჰგონიათ, რომ ცალკეულ პლატფორმებს შექმნიან,-ამის შესახებ „ქართული ოცნების“ წევრმა, ირაკლი ზარქუამ განაცხადა.

“დღემდე პრეზენტაციას იმიტომ ვერ აკეთებენ, რომ ზუსტად იციან, რომ ბარიერის გადალახვის პრობლემა აქვთ, ხოლო თუ გადალახავენ, სიაში ვინ უნდა ჩაწერონ ამაზე ვერ თანხმდებიან – საქართველოს ინტერესები ფეხებზე ჰკიდიათ. ეს სწორედ ის ხალხია, ვინც მეორე ფრონტის გახსნისკენ მოგვიწოდებდნენ და საქართველოსთვის სანქციების დაწესებას ითხოვდნენ. იცით, რაც ევროპაში ხდება – სანქციებმა არ გაამართლა, ევროკავშირის ეკონომიკა ჩამოიშალა და ამ სანქციების მიუხედავად, ყველა ვაჭრობს რუსეთთან. ნახეთ ევროკავშირის ვაჭრობა რუსეთთან – ყველაზე მეტი შემოსავალი პუტინის რუსეთმა მიიღო. საუბარია ნახევარ ტრილიონზე, მაშინ როდესაც ომამდე ის 150 მილიარდს იღებდა ნავთობის გაყიდვიდან. ეს არის რეალობა, ეს არის ორმაგი სტანდარტი და ამისკენ მოგვიწოდებდნენ ხელმოცარულები“, – განაცხადა ზარქუამ.