უახლესი ამბები
- 18.03.2024 18:24იენს სტოლტენბერგი სალომე ზურაბიშვილს შეხვდა
- 18.03.2024 18:15საქართველოს ბანკის SME ბიზნეს მიმართულებას ახალი ხელმძღვანელი ჰყავს
- 18.03.2024 17:13პარლამენტი მიმდინარე კვირას პრეზიდენტის მიერ წარდგენილ მოტივირებულ შენიშვნებზე იმსჯელებს
- 18.03.2024 17:04იურიდიულ საკითხთა კომიტეტმა „საარჩევნო კოდექსში“ განხორციელებულ ცვლილებასთან დაკავშირებით პრეზიდენტის მოტივირებულ შენიშვნებს მხარი არ დაუჭირა
არქივი
კომენტარი
ექვსი წლის განმავლობაში ამ პარტიის თავმჯდომარემ ვერ მონახა დრო, რომ ერთხელ მაინც რომელიმე საჯარო სივრცეში წარმოეთქვა სიტყვა ,,ნატო“ - სოსო ცისკარიშვილი
ყველაზე ინფორმაციული საზოგადოებისათვის რუსთავი 2-ის გაჩენილი თემები გახლავთ. ჩვენი მართლმსაჯულება, რასაკვირველია, მის უკან ,,მიჩანჩალებს“ და მხოლოდ პასუხებით ცდილობს რამე დამაჯერებლის მიწოდებას, მაგრამ ერთ დღესაც რუსთავი 2-ის დირექციამ რომ გადაწყვიტოს , ,,მოდით, დღეს ნურაფერს ნუ ვიტყვით,“ აუცილებლად დამუნჯდება საკმაოზე მეტი სივრცე, რომელსაც ,,ქართული ოცნებაც“ ფლობს, - აცხადებს პოლიტოლოგი სოსო ცისკარიშვილი გაზეთ ,,რეზონანსთან“ ინტერვიუში პროკურატურის მიერ 2016 წელს მოპოვებულ ფარულ ჩანაწერებზე საუბრისას, რომელის თანახმადაც, ბადრი პატარკაციშვილის მკვლელობის მომზადება იგეგმებოდა.
კითხვაზე, შესაძლოა თუ არა ახალი ჩანაწერები ,,ომეგა ჯგუფის“ ირგვლივ ატეხილი აჟიოტაჟის გადაფარვის მცდელობა იყოს, პოლიტილოგი დადებითად პასუხობს.
,,რასაკვირველია. როდესაც იწყება საუბარი იმაზე, რომელი უნდა იყოს ჩვენ მიერ შერჩეული პრეზიდენტი, შესაძლოა, გვიპოვონ სუსტი ადგილები, რომლებმაც შეიძლება გადაგვადგმევინოს ნაბიჯი.
არსებობს ძალები, რომელთაც მხოლოდ გაუხარდებათ, თუ ჩვენ არც ევროკავშირში და არც ნატო-ში არ მიგვიღებენ, თუმცა ამ საკუთარ განცდებს ასეთები მალავენ.
ყველაზე მაღალმა ,,მეოცნებემ“ , ვინც შექმნა პარტია, ვინც დააკომპლექტა და სრული პრივატიზაცია მოახდინა ადამიანებისა, ექვსი წლის განმავლობაში ამ პარტიის თავმჯდომარემ ვერ მონახა დრო, რომ ერთხელ მაინც რომელიმე საჯარო სივრცეში წარმოეთქვა სიტყვა ,,ნატო“. თუ ვინმე უკრძალავს ამ თემაზე საუბარს, მაშინ იქნებ ვუშველოთ ,,მეოცნებეთა“ თავკაცს.
როდესაც მინისტრებიც კი არ არიან ისეთი თავისუფალნი თავიანთ საქმეში და მხოლოდ მოლოდინში არიან, რას ეტყვის ჩვენი აზრთა გამრიგე, რომელსაც სრულიად თვალსაჩინოა, დუმილი ურჩევნია საკუთარ გამონათქვამებს, ეს ძალიან ცუდია“, - აცხადებს ცისკარიშვილი.