უკან

უახლესი ამბები

დღის კალენდარი

ანონსები

არქივი

ეკონომიკა

12 ივლისი, 2017 16:40
font-size

ეროვნულ ბანკსა და მოსწავლე ახალგაზრდობის ეროვნულ სასახლეს შორის ურთიერთთანამშრომლობის მემორანდუმი გაფორმდა

12 ივლისს, საქართველოს ეროვნული ბანკის პრეზიდენტმა, კობა გვენეტაძემ და მოსწავლე ახალგაზრდობის ეროვნული სასახლის დირექტორმა, თინათინ რუხაძემ ხელი მოაწერეს ურთიერთთანამშრომლობის მემორანდუმს, რომლის მიზანია ეროვნულ ბანკსა და სასახლეს შორის თანამშრომლობის გაღრმავება ბავშვებსა და ახალგაზრდებში ფინანსური განათლების ამაღლების მიმართულებით.

სებ-ის ინფორმაციით, მემორანდუმის ფარგლებში, იგეგმება მოსწავლე ახალგაზრდობის სასახლეში ფინანსური განათლების პროექტის "სკოლა-ბანკი" დანერგვა და სხვადასხვა საგანმანათლებლო ღონისძიებებში, როგორიცაა "გლობალური ფულის კვირეული", აქტიური თანამშრომლობა. ამასთან, მხარეები ითანამშრომლებენ პედაგოგების შესაძლებლობების გაზრდისა და ახალი საგანმანათლებლო მიდგომების შემუშავების მიმართულებით.

პროექტის "სკოლა-ბანკი" ფარგლებში, საქართველოს ეროვნულმა ბანკმა, ბავშვების და ახალგაზრდების ფინანსური განათლების მიმართულებით მომუშავე საერთაშორისო ორგანიზაცია Child and Youth Finance International-თან (CYFI) თანამშრომლობით, 12-15 წლის მოზარდებისთვის განავითარა სახელმძღვანელო, რომელიც სახალისო და ინტერაქტიული ფორმითაა შედგენილი, და მოიცავს ახალგაზრდა თაობისთვის საინტერესო ყველა ფინანსურ საკითხს, როგორიცაა, ფინანსური სისტემა და მისი მონაწილეები, მომხმარებელთა უფლებები და პასუხისმგებლობები, ფულის დაზოგვა და გონივრულად მართვა. ეს პროექტი ბავშვებს დაეხმარება გამოიმუშაონ ცოდნა, ჩვევები და დამოკიდებულებები, რაც მათ ფინანსურ სისტემასთან თავდაჯერებით ურთიერთობასა და მომავალში, პასუხისმგებლიან მომხმარებლებად ჩამოყალიბებაში დაეხმარება.

"სკოლა-ბანკის" ფარგლებში, 2017 წლის აპრილში მოსწავლე ახალგაზრდობის ეროვნულ სასახლეში ჩატარდა პედაგოგების ტრენინგი, სწავლება კი სექტემბრიდან დაიწყება.

ამასთან, 13-14 ივლისს, საქართველოს ეროვნული ბანკი, CYFI-სთან თანამშრომლობით, აწყობს სამუშაო შეხვედრებს კომერციული ბანკებისთვის, რომლის მიზანიც ახალგაზრდა თაობის საჭიროებებზე მორგებული ფინანსური პროდუქტების განვითარებაა, რაც ახალგაზრდების ფინანსურ სისტემასთან დაახლოებას და ფინანსური განათლების პრაქტიკაში გამოყენების ხელშეწყობას ემსახურება.

"ახალგაზრდა თაობა ფინანსური განათლების ეროვნული სტრატეგიის ფარგლებში ერთ-ერთი პრიორიტეტული სამიზნე ჯგუფია. დღევანდელ ახალგაზრდებს გაცილებით მეტი და კომპლექსური ფინანსური გადაწყვეტილებების მიღება მოუწევთ დამოუკიდებლად, ვიდრე წინა თაობებს უწევდათ. სწორედ ამიტომ, მოხარული ვარ, რომ ურთიერთთანამშრომლობის მემორანდუმს ვაწერთ ხელს მოსწავლე ახალგაზრდობის ეროვნულ სასახლესთან, რომელიც ახალგაზრდა თაობის ფინანსური განათლების მიმართულებით საქართველოს ეროვნული ბანკის ერთ-ერთი უმნიშვნელოვანესი პარტნიორია", – განაცხადა საქართველოს ეროვნული ბანკის პრეზიდენტმა, კობა გვენეტაძემ.

"ეროვნული სასახლისთვის, როგორც კულტურულ-საგანმანათლებლო ცენტრისთვის, განსაკუთრებული მნიშვნელობა აქვს მოზარდებისთვის ცხოვრებისეული უნარების გამომუშავებაზე ორიენტირებული სასწავლო პროგრამების დანერგვას. მიგვაჩნია, რომ ახალგაზრდების სოციალურ-ფინანსურ განათლებას განსაკუთრებული ყურადღება უნდა დაეთმოს, ამდენად ეროვნული სასახლე 2017-2018 სასწავლო წელს ამ მხრივ მუშაობას გააძლიერებს. მოხარული ვარ, რომ ბოლო წლების განმავლობაში ფინანსური განათლების კუთხით ეროვნულ ბანკთან და CYFI-სთან ასეთი მჭიდრო თანამშრომლობა ჩამოგვიყალიბდა. სასახლის სახელით მინდა მხარდაჭერა გამოვუცხადო ეროვნული ბანკისა და ჩვენი პარტნიორი ორგანიზაციების ყველა საგანმანათლებლო ინიციატივას", - განაცხადა მოსწავლე ახალგაზრდობის ეროვნული სასახლის დირექტორმა, თინათინ რუხაძემ.

ბიზნესსექტორში დასაქმებულთა რაოდენობა საშუალოდ 40 ათასი ადამიანით იზრდება ყოველწლიურად, თუმცა ეს არაა საკმარისი სიღარიბის დასაძლევად - ფინანსთა მინისტრი

13 ნოემბერი, 2018 , 17:45

ფინანსთა მინისტრის, ივანე მაჭავარიანის განცხადებით, ყოველწლიურად ბიზნესსექტორში დასაქმებულთა რაოდენობა 40 000 ადამიანით იზრდება, თუმცა ეს არაა საკმარისი სიღარიბისა და უმუშევრობის პრობლემების დასაძლევად. ამის შესახებ მინი

ცვლილებები ვალუტის კურსთან დაკავშირებით მოლოდინებთან არის დაკავშირებული - კახა კიკნაველიძე

13 ნოემბერი, 2018 , 14:45

„საქართველოს ბანკის“ გენერალური დირექტორის, კახა კიკნაველიძის განცხადებით, ლარის კურსის მერყეობა მოლოდინებს უკავშირდება. გარდა ამისა კიკნაველიძემ ბოლო დღეებში ლარის გამყარების სავარაუდო მიზეზებზეც ისაუბრა. მი

კომერციულ ბანკებს სურთ, რომ საბანკო რეგულაციები პირველი იანვრიდან ამოქმედდეს

13 ნოემბერი, 2018 , 14:45

კომერციული ბანკები იმედოვნებენ, რომ საბანკო რეგულაციები პირველი იანვრიდან ამოქმედდება. ამის შესახებ „თიბისი ბანკისა“ და „საქართველოს ბანკის“ ხელმძღვანელებმა ჟურნალისტებს განუცხადეს. „თიბისი

სოფლის მეურნეობის სამინისტროს ლაბორატორიას ლატვიელი პარტნიორი - “BIOR”-ის დირექტორი ეწვია

13 ნოემბერი, 2018 , 14:20

სსიპ საქართველოს სოფლის მეურნეობის სამინისტროს ლაბორატორიაში (LMA) ვიზიტით ლატვიელი პარტნიორი იმყოფებოდა. სურსათის უვნებლობის, ცხოველთა ჯანმრთელობისა და გარემოს ინსტიტუტის “BIOR”-ის ლაბორატორიის დირექტორი, აი

საქართველო ფიშინგდაქვემდებარებულ მომხმარებელთა წილის მიხედვით მე-3-ე ადგილიდან მე-9-ე ადგილზე გადავიდა

13 ნოემბერი, 2018 , 13:50

საქართველოში „კასპერსკის ლაბორატორიის“  წარმომადგენლობის ინფორმაციით, 2018 წლის ივლის-სექტემბერში საქართველოში მომხმარებელთა 15,10% დაექვემდებარა ფიშინგს.  ,,ამ მაჩვენებლით  საქართველომ სოფლიო

ჩვენ დავპირდით სტარტაპებს, რომ აღმოვფხვრით ბიუროკრატიულ დაბრკოლებებს - გიორგი ქობულია

13 ნოემბერი, 2018 , 13:50

ეკონომიკა. გიორგი ქობულია, ეკონომიკისა და მდგრადი განვითარების სამინისტრო ეკონომიკისა და მდგრადი განვითარების მინისტრი გიორგი ქობულია ტექნოპარკში 30-მდე სტარტაპ კომპანიის წარმომადგენელს შეხვდა. შეხვედრაზე საუბარი წარიმარ