უკან

უახლესი ამბები

დღის კალენდარი

ანონსები

არქივი

ეკონომიკა

22 იანვარი, 2018 13:10
font-size

ეროვნული ბანკი ზედამხედველობასთან დაკავშირებული ნორმატიული აქტების პროექტების გამოქვეყნებას იწყებს

საქართველოს ეროვნული ბანკი საფინანსო სექტორის ზედამხედველობის გამჭვირვალობის გაზრდის მიზნით, ზედამხედველობასთან დაკავშირებული ნორმატიული აქტების პროექტების გამოქვეყნებას იწყებს.

როგორც ეროვნულ ბანკში განმარტავენ, აღნიშნული ინიციატივა დაინტერესებულ მხარეებს საშუალებას მისცემს, დამტკიცებამდე გაეცნონ ნორმატიული აქტების პროექტებს და მათთან დაკავშირებული მოსაზრებები და კომენტარები მიაწოდონ ეროვნულ ბანკს.

,,ეროვნული ბანკის აღნიშნული უფლებამოსილება "საქართველოს ეროვნული ბანკის შესახებ" საქართველოს ორგანულ კანონში ბოლო დროს განხორციელებული ცვლილებებით განისაზღვრა, რომლის თანახმადაც ეროვნული ბანკი უფლებამოსილია, საფინანსო სექტორთან დაკავშირებული ეროვნული ბანკის ნორმატიული აქტის პროექტი მის დამტკიცებამდე გამოაქვეყნოს დაინტერესებული მხარეებისაგან კომენტარების მიღების მიზნით (იხ. ბმული).


ხსენებული საკანონმდებლო ცვლილების მიზანი საფინანსო სექტორის ზედამხედველობის გამჭვირვალობისა და დაინტერესებული მხარეების საზედამხედველო პოლიტიკის განვითარების პროცესში ჩართულობის გაზრდაა. აღნიშნული საუკეთესო საერთაშორისო პრაქტიკას წარმოადგენს და მას საერთაშორისო სავალუტო ფონდიც უჭერს მხარს.

ამ ინიციატივის ფარგლებში, ეროვნულმა ბანკმა უკვე გამოაქვეყნა პირველი ნორმატიული აქტის პროექტი. კერძოდ, ეთიკის პრინციპებისა და პროფესიული ქცევის სტანდარტების კოდექსის პროექტი კომერციული ბანკებისთვის, რომლის მიზანი საბანკო სექტორში ეთიკისა და საბანკო პროფესიის საერთაშორისოდ აღიარებული სტანდარტების დამკვიდრებაა, რაც ხელს შეუწყობს საბანკო სექტორისა და ბანკირის პროფესიის მიმართ საზოგადოების, მათ შორის, ინვესტორთა ნდობის ამაღლებასა და საბანკო სექტორის სტაბილურ და ეფექტიან ფუნქციონირებას. აღნიშნული ნორმატიული აქტის პროექტთან დაკავშირებით დაინტერესებული პირებისგან შემოთავაზებების, შენიშვნებისა და კითხვების გამოგზავნა შესაძლებელი იქნება 2018 წლის 10 თებერვლის ჩათვლით შემდეგ ელექტრონულ მისამართზე: ethics@nbg.gov.ge

ამასთან, სამომავლოდ, ინიციატივის ფარგლებში გამოქვეყნებული ნორმატიული აქტების პროექტების გაცნობა შესაძლებელი იქნება შემდეგ მისამართზე: სამართლებრივი აქტების პროექტები“, - ნათქვამია ეროვნული ბანკის მიერ გავრცელებულ ინფორმაციაში.

არ მჯერა იმის, რომ ჩვენ შეიძლება დავაძალოთ ვინმეს თანამშრომლობა - ეკონომიკის მინისტრი Vivus-ის უარზე

20 ნოემბერი, 2018 , 13:15

„ვვარაუდობ, Vivus-ის უარის მიზეზი პორტფელის გამოსყიდვის ფასთან დაკავშირებული მოლაპარაკებაა“, – ასე გამოეხმაურა საქართველოს ეკონომიკისა და მდგრადი განვითარების მინისტრი გიორგი ქობულია მიკროსაფინანსო ორგა

სადაზღვევო კომპანიების მოგება 20 %-ით გაიზარდა

20 ნოემბერი, 2018 , 12:25

სადაზღვევო კომპანიებმა მიმდინარე წლის 9 თვის მონაცემებით, 417,2 მილიონი ლარის პრემია მოიზიდეს, რაც 2017 წლის ანალოგიურ პერიოდთან შედარებით, 20%-ით მეტია.  ინფორმაციას ამის შესახებ ,,ბიემჯი“ ავრცელებს. გამოცემი

რა შემთხვევებში გაუნულდება შავ სიაში მყოფ პირს საბანკო დავალიანება - საქართველოს საბანკო ასოციაციის განმარტება

19 ნოემბერი, 2018 , 17:40

საქართველოს საბანკო ასოციაცია 600 000 მოქალაქისთვის საბანკო დავალიანების განულების საკითხზე განცხადებას ავრცელებს და განმარტავს, კონკრეტულად ვის შეეხება მთავრობის ინიციატივა. გარდა ამისა, ასოციაცია ხაზს უსვამს, რომ კომერ

ავეჯის მწარმოებელი კომპანიების ხელშეწყობისთვის კადრების გადამზადების ცენტრის შექმნა იგეგმება

19 ნოემბერი, 2018 , 17:15

ერთ-ერთი მნიშვნელოვანი საკითხი, რომელიც გიორგი ქობულიასა და ავეჯის მწარმოებელი კომპანიების ხელმძღვანელებთან შეხვედრაზე აქტიურად განიხილეს, სექტორში კვალიფიციური კადრების ზრდის ხელშეწყობა და ამისთვის სპეციალური პროგრამები

უმუშევრობის დონე 2018 წლს მესამე კვარტალში წინა კვარტალთან შედარებით, 0.1 პროცენტული პუნქტით გაიზარდა და 12.2 % შეადგინა - საქსტატი

19 ნოემბერი, 2018 , 12:50

სტატისტიკის ეროვნული სამსახურის აღმასრულებელი დირექტორის, გოგიტა თოდრაძის ინფორმაციით, მესამე კვარტალში საქართველოში უმუშევრობის დონე წინა კვარტალთან შედარებით, 0.1 პროცენტული პუნქტით გაიზარდა და 12.2% შეადგინა. დღევანდე

უცხოური ვალუტის ოფიციალური კურსი

17 ნოემბერი, 2018 , 09:00

16 ნოემბერის ვაჭრობის შედეგად აშშ დოლარი გაუფასურდა და 2.6727 ლარი შეადგინა. კურსი, რომელიც გუშინ მოქმედებდა, 2.6818 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.91 თეთრი შეადგინა. გაუფასურდა

ვიდეო გალერეა

შეტევა ტელეკომპანია `იბერიასა` და `ომეგა ჯგუფზე`