უკან
კომენტარი
12 დეკემბერი, 2016 15:55
ეროვნული ბანკის შესახებ კანონში ცვლილების შეტანის ინიციატივა პრეზიდენტის ადმინისტრაციიდან წამოვიდა - ირაკლი კობახიძე
საქართვეოს პარლამენტმა ეროვნული ბანკის შესახებ კანონში შესატანი ცვლილებების კანონპროექტი მოამზადა.
როგორც საკითხის კომენტირებისას, პარლამენტის თავმჯდომარემ განაცხადა, კანონპროექტის მომზადების ინიციატივა, რომლის მიხედვით, პრეზიდენტს ეროვნული ბანკის ვიცე-პრეზიდენტის წარდგენის უფლებამოსილება აღარ ექნება, თავად პრეზიდენტის ადმინისტრაციიდან წამოვიდა.
„ეს კანონპროექტი მომზადებულია. ინიციატივა წამოვიდა პრეზიდენტის ადმინისტრაციიდან, გამომდინარე იქიდან, რომ პრეზიდენტის შესაბამისი უფლებამოსილება არ მოდიოდა შესაბამისობაში კონსტიტუციასთან. პრეზიდენტის ადმინისტრაციამ ჩვენ გვთხოვა ამ ხარვეზის გასწორება, აქედან გამომდინარე შემუშავდა ეს კანონპროექტი“,-აღნიშნა ირაკლი კობახიძემ.
მონიკა დავლიანიძე