უკან

უახლესი ამბები

დღის კალენდარი

ანონსები

არქივი

კომენტარი

13 ოქტომბერი, 2018 17:05
font-size

ეროვნულმა ბანკმა, გერმანული შემნახველი ბანკების ფონდმა (SBFIC) და კომპანიამ `კინგსი - საქართველო` ახალი საგანმანათლებლო პროექტი წარადგინეს

"ფინანსური განათლების წლის" ფარგლებში საქართველოს ეროვნულმა ბანკმა, გერმანული შემნახველი ბანკების ფონდმა (SBFIC) და კომპანიამ "კინგსი - საქართველო" საზოგადოებას ახალი პროექტი წარუდგინეს, რომელიც კინგსის სასკოლო ოლიმპიადაში ფინანსური განათლების კომპონენტის დამატებას ითვალისწინებს.

დღეს ტექნოპარკში ეროვნული ბანკის, SBFIC-ისა და კინგსის წარმომადგენლებმა პირველი საინფორმაციო შეხვედრა გამართეს სკოლის მოსწავლეებთან და მშობლებთან. მათ სტუმრებს გააცნეს პროექტის აღწერა და ისაუბრეს მის მნიშვნელობაზე. ღონისძიების მთავარ მიზანს სკოლის მოსწავლეებში ფინანსური განათლების მიმართ ინტერესის გაღვივება და სწავლისადმი მოტივაციის ამაღლება წარმოადგენს. ახალგაზრდებმა მოისმინეს მოწვეული სტუმრის, ცნობილი ტელეწამყვანის, ირაკლი კაკაბაძის ინტერაქტიული ლექცია. მან ისაუბრა ფინანსური განათლების არსისა და მნიშვნელობის შესახებ და ბავშვებს გაუზიარა ფინანსურ გადაწყვეტილებებთან მიმართებით საკუთარი გამოცდილება.

კინგსის სასკოლო ოლიმპიადა II-XII კლასელთათვის განკუთვნილი საგანმანათლებლო პროგრამაა, რომელშიც საქართველოს მასშტაბით უკვე 64 მუნიციპალიტეტი და 250,000-ზე მეტი ბავშვია ჩართული. ოლიმპიადა სამ საგანში - ქართულ ენაში, ინგლისურ ენასა და მათემატიკაში ტარდება. აღსანიშნავია, რომ ფინანსური განათლების თემების ინტეგრაცია სწორედ მათემატიკის საგნის ოლიმპიადაში განხორციელდა. გარდა ოლიმპიადისა, კინგსის სასწავლო პროგრამა ონლაინ სასწავლო პლატფორმასაც მოიცავს, სადაც ოლიმპიადის ფარგლებში შემუშავებული სასწავლო რესურსი განთავსდება. აღნიშნული რესურსი ისეთ მნიშვნელოვან ფინანსურ საკითხებს მოიცავს, როგორიცაა - პირადი ფინანსების მართვა, დაზოგვა, ხარჯვა, ფინანსური მიზნების დასახვა და გადაწყვეტილებების მიღება, ფინანსური პროდუქტები, მომხმარებლის უფლებები და პასუხისმგებლობები, ფინანსური უსაფრთხოება. სასწავლო მასალა სამიზნე ჯგუფისთვის საინტერესო ფორმითა და მარტივი ენითაა შედგენილი.

"ახალგაზრდა თაობის ფინანსური განათლება ჩვენი ქვეყნისთვის მნიშვნელოვანი გამოწვევა და ეროვნული ბანკის ერთ-ერთი სტრატეგიული პრიორიტეტია. საერთაშორისო გამოცდილება ცხადყოფს, რომ ფინანსური განათლება ადრეული ასაკიდანვე უნდა იწყებოდეს და ჩვენც, პარტნიორებთან ერთად ვცდილობთ, ახალგაზრდებისთვის რაც შეიძლება ბევრი საინტერესო და ხელმისაწვდომი რესურსი შევქმნათ. გვსურს, მადლობა გადავუხადოთ გერმანული შემნახველი ბანკების ფონდს ამ მიმართულებით ეროვნული ბანკის ინიციატივების მუდმივი მხარდაჭერისთვის და ასევე კინგსს, რომელიც დიდი პოპულარობით სარგებლობს როგორც საქართველოში, ისე მის ფარგლებს გარეთ, და რომლის ჩართულობითაც, ვფიქრობთ, ძალიან ბევრ მოსწავლეს მივაწვდენთ ხმას. ყველა ახალგაზრდას მოვუწოდებ აქტიურობისკენ და თითოეულ მონაწილეს ვუსურვებ წარმატებას!", - განაცხადა ეროვნული ბანკის მომხმარებელთა უფლებების დაცვის და ფინანსური განათლების დეპარტამენტის უფროსმა, ლაშა გზირიშვილმა.

დამატებითი ინფორმაცია კინგსის სასკოლო ოლიმპიადის შესახებ შეგიძლიათ იხილოთ შემდეგ ბმულზე: www.kings.ge, www.lupi.ge.

საკვანძო სიტყვები:

რაც მიხეილ სააკაშვილმა ჰააგაში გააკეთა, პოლიტიკური ფარისევლობის უმაღლესი მწვერვალია - არჩილ თალაკვაძე

8 აგვისტო, 2020 , 15:10

პარლამენტის თავმჯდომარე არჩილ თალაკვაძე მიხეილ სააკაშვილის ჰააგაში გუშინ გაკეთებულ განცხადებას გამოეხმაურა. „ მიხეილ სააკაშვილს პოლიტიკაში აქვს ორი სახე. ერთი – ნამდვილი სახე, როდესაც ის სამხედრო თვითმფრინავი

მავნებლური და უბრალოდ საბოტაჟი - მთავრობამ უსაფრთხო ქვეყნებიდან 16 ტურისტული ჩარტერული რეისი დაბლოკა - გიორგი კანდელაკი

8 აგვისტო, 2020 , 15:10

„ევროპული საქართველოს“ წევრის, გიორგი კანდელაკის ინფორმაციით, მთავრობამ უსაფრთხო ქვეყნებიდან 16 ტურისტული ჩარტერული ავიარეისი დაბლოკა. "დაუჯერებელი ამბავი: მთავრობამ ლიტვიდან და ესტონეთიდან, ანუ მის მიერვე უს

ღარიბაშვილი „ფორმულას“ და „მთავარ არხს“: თქვენ განაპირობეთ პუტინის შემოსვლა საქართველოში

8 აგვისტო, 2020 , 14:20

ქვეყნის თავდაცვის მინისტრი დღეს მუხათგვერდის სასაფლაოზე, სადაც გმირი ჯარისკაცებისთვის პატივის მისაგებად მივიდა, "მთავარ არხსა" და ტელეკომპანია "ფორმულას" "პუტინისტები" უწოდა. "რუსული ოკუპაცია განაპირობა თქვენმა ბელადმა..

დღევანდელ დღეს მაინც, ომის თემით სპეკულირება არის არა მხოლოდ არაეთიკური, ქვეყნისთვის არის დამაზიანებელი - გიორგი გახარია

8 აგვისტო, 2020 , 13:00

8 აგვისტოს მაინც, ომის თემით სპეკულირება არის არა მხოლოდ არაეთიკური, ქვეყნისთვის არის დამაზიანებელი, - ამის შესახებ საქართველოს პრემიერ-მინისტრმა გიორგი გახარიამ მუხათგვერდში განაცხადა, სადაც 2008 წლის აგვისტოს ომში დაღუ

`ქართულმა ოცნებამ` ქვეყნის ოკუპაციის საკითხი მსოფლიო პოლიტიკის დღის წესრიგიდან მოხსნა - ბადრი ჯაფარიძე

8 აგვისტო, 2020 , 12:10

პოლიტიკური გაერთიანება „ლელო საქართველოსთვის“ გენერალური მდივნის, ბადრი ჯაფარიძის განცხადებით, „ქართულმა ოცნებამ” საქართველოს ოკუპაციის საკითხი მსოფლიო პოლიტიკის დღის წესრიგიდან მოხსნა. „ჩვე

„ქართულმა ოცნებამ“ გააღატაკა მშობლები, დღეს მათი შვილებზე რაღაც გროშების დარიგებით უნდათ არჩევნების მოგება - მამუკა ხაზარაძე

7 აგვისტო, 2020 , 17:49

ნებისმიერი დახმარება კარგია, თუ ამას აქვს ისეთი ეფექტი, რომ ის არ დაიხარჯება და მეორე დღეს ისევ იმ მდგომარეობაში არ რჩება ადამიანი, – ამის შესახებ პარტია „ლელო საქართველოს“ ლიდერმა, მამუკა ხაზარაძემ საქ

პირდაპირი TV

daily calendar

ვიდეო გალერეა

ამ პარტიაში ვარ პოლიტიკური ლიდერი, ვფიქრობ პოლიტიკური ლიდერობით აქედან უფრო მივაწვდენ ხმას ყველას, ვიდრე ვყოფილიყავი დიდი გაერთიანების ერთერთი წევრი - ნატო ჩხეიძე