უკან

უახლესი ამბები

დღის კალენდარი

ანონსები

არქივი

ეკონომიკა

31 მარტი, 2017 14:20
font-size

ერთ თვეში სამომხმარებლო ფასების საერთო დონე 1.7 პროცენტით გაიზარდა

საქართველოს ეროვნული ბანკი „თვის მიმოხილვის" მორიგი გამოცემა გამოაქვეყნა, რომელშიც გაანალიზებულია გასული თვის მაკროეკონომიკური პარამეტრები და ქვეყნის საბანკო და საფინანსო სექტორებში არსებული მდგომარეობა.

როგორც მიმოხილვაშია აღნიშნული, 2017 წლის თებერვალში, წინა თვესთან შედარებით, სამომხმარებლო ფასების საერთო დონე 1.7 პროცენტით გაიზარდა, ხოლო წინა წლის შესაბამის თვესთან შედარებით ინფლაციამ 5.5 პროცენტი შეადგინა.

ეროვნული ბანკის ინფორმაციით, წინა თვესთან შედარებით ფასების საგრძნობი მატება უმთავრესად თამბაქოსა და საწვავზე აქციზის მატებით არის გამოწვეული. თვის 1.7 პროცენტიანი ინფლაციიდან 0.7 პროცენტული პუნქტი ამ პროდუქტების გაძვირებაზე მოდის.

,,საანგარიშო თვეში, სურსათის ჯგუფში ფასების დონე წინა თვესთან შედარებით 1.8 პროცენტით გაიზარდა. ფასების ცვლილება ყველაზე მნიშვნელოვანი იყო “ბოსტნეული, ბაღჩეული, კარტოფილის და სხვა ბოლქვოვანების ჩათვლით“ შემავალი პროდუქტების ქვეჯგუფში. ამ ქვეჯგუფში ფასები წინა თვესთან შედარებით 6.7 პროცენტით გაიზარდა, რაც ძირითადად სეზონური ფაქტორებიდან გამომდინარეობს. 2.7 პროცენტით გაიზარდა ფასები „ხორცზე და ხორცპროდუქტებზე“, ხოლო „ხილზე და ყურძენზე“ ფასებმა 2.5 პროცენტით მოიმატა. საბაზო ინფლაციის, ანუ სურსათისა და ენერგომატარებლების გარეშე გაზომილმა სამომხმარებლო ფასების ინდექსის, ზრდამ 3.1 პროცენტი შეადგინა. საბაზო ინფლაციაზე დაკვირვება მნიშვნელოვანია ფასების დონის გრძელვადიანი ტრენდის შეფასებისთვის’’, - აცხადებენ ეროვნულ ბანკში.
თებერვლის თვის მიმოხილვის თანახმად, ინფლაციის მატებაზე რამდენიმე ფაქტორმა იმოქმედა, აქედან ყველაზე მნიშვნელოვანი საწვავსა და თამბაქოს ნაწარმზე ფასების ზრდაა.

,,2016 წლის მანძილზე საწვავის ფასები ინფლაციის შემცირების მიმართულებით მოქმედებდა. თუმცა ივლისიდან ამ ფაქტორმა ამოწურვა დაიწყო, ხოლო დეკემბრიდან მსოფლიო ბაზარზე ნავთობის გაძვირების და იანვრიდან საწვავზე აქციზის ზრდის გამო ბენზინზე, დიზელზე და გაზის საწვავზე ფასები საგრძნობლად გაიზარდა. თებერვალში ამ პროდუქტების წვლილმა წლიურ ინფლაციაში ჯამურად 1.9 პროცენტულ პუნქტს (პ.პ) მიაღწია. აქციზის ზრდის გამო მნიშვნელოვნად გაიზარდა ფასები თამბაქოს ნაწარმზე, ხოლო წვლილმა ინფლაციაში 1.0 პ.პ შეადგინა. სურსათის ფასები წლიურად 5.6 პროცენტით გაიზარდა. (გავლენა ინფლაციაზე 1.5 პ.პ). აქედან ყველაზე მნიშვნელოვანი, ხორცზე და ხორცპროდუქტებზე 6.4 პროცენტით (გავლენა ინფლაციაზე 0.4 პ.პ) ფასების ზრდაა. მსოფლიო ბაზარზე შაქრის ფასის ზრდიდან გამომდინარე, კვლავ მაღალია „შაქრისა და საკონდიტრო ნაწარმის“ ქვეჯგუფში შემავალ პროდუქტებზე ფასების ზრდა (14.2 პროცენტი, გავლენა ინფლაციაზე 0.3 პ.პ). საანგარიშო თვეში ინფლაციის შედარებით მაღალი დონე, დაფიქსირდა „რძე, ყველი და კვერცხის“ და „ბოსტნეულისა და ბაღჩეულის“ ქვეჯგუფში შემავალ პროდუქტებზე შესაბამისად 5.7 და 6.3 პროცენტი. ფასების 3.8 პროცენტიანი გაიაფება აღინიშნა „ტანსაცმლისა და ფეხსაცმლის“ ჯგუფში.

თებერვალში იმპორტირებული საქონლის ფასები წინა წლის შესაბამის თვესთან შედარებით 10.2 პროცენტით გაიზარდა. იმპორტირებული საქონლის ფასების ზრდაში ყველაზე დიდი წვლილი შაქარზე, სიგარეტსა და საწვავზე მოდის. ამავე დროს, ადგილობრივი საქონლის ინფლაცია 3.2 პროცენტი იყო. ფასები ვაჭრობად საქონელზე 6.2 პროცენტით, ხოლო არავაჭრობადზე 3.0 პროცენტით გაიზარდა.

საქონლის მოხმარების ხანგრძლივობის მიხედვით განხილვა გვიჩვენებს, რომ 2017 წლის თებერვალში, წინა თვესთან შედარებით, ხანმოკლე მოხმარების საქონელზე ფასები 2.5, ხანგრძლივი მოხმარების საქონელზე 0.9, საშუალო ხანგრძლივობის მოხმარების საქონელზე 0.6, ხოლო მომსახურების ფასები 0.5 პროცენტით გაიზარდა. საანგარიშო თვეში წლიური ინფლაციის მაჩვენებლები შემდეგია: ხანმოკლე მოხმარების საქონელზე ფასები 8.9, ხოლო მომსახურებაზე 1.9 პროცენტით გაიზარდა. ხანგრძლივი მოხმარების საქონელზე ფასები 0.2, ხოლო საშუალო ხანგრძლივობის მოხმარების საქონელზე 0.1 პროცენტით შემცირდა’’, - ნათქვამია ეროვნული ბანკის მიერ მომზადებულ ,,თვის მიმოხილვის’’ მორიგ გამოცემაში.

საქართველოს კომერციული ბანკების მთლიანი აქტივები ერთ თვეში 1.4 მლრდ ლარით გაიზარდა

26 სექტემბერი, 2018 , 11:00

საქართველოს ეროვნული ბანკი კომერციული ბანკების აქტივების მდგომარეობის შესახებ ინფორმაციას აქვეყნებს: 2018 წლის პირველი სექტემბრის მდგომარეობით, საქართველოს საბანკო სექტორი 15 კომერციული ბანკითაა წარმოდგენილი; მათ შორის 1

ეროვნული ბანკი დეპოზიტების მიმდინარე ტენდენციების შესახებ ინფორმაციას აქვეყნებს

26 სექტემბერი, 2018 , 11:00

საქართველოს ეროვნული ბანკი დეპოზიტების მიმდინარე ტენდენციების შესახებ ინფორმაციას აქვეყნებს: საბანკო სექტორში განთავსებული არასაბანკო დეპოზიტების მოცულობამ 2018 წლის პირველი სექტემბრისათვის 21.5 მლრდ ლარი შეადგინა, რაც 1

კომერციული ბანკების საკრედიტო დაბანდების მოცულობა ერთ თვეშუ 965.0 მლნ ლარით გაიზარდა

26 სექტემბერი, 2018 , 11:00

საქართველოს ეროვნული ბანკი კომერციული ბანკების საკრედიტო დაბანდების შესახებ ინფორმაციას აქვეყნებს: კომერციული ბანკების საკრედიტო დაბანდების მოცულობა (არარეზიდენტებზე გაცემული სესხების ჩათვლით), 2018 წლის აგვისტოში წინა თ

ეკონომიკური თავისუფლების რეიტინგში საქართველოს პოზიციების გაუმჯობესება მნიშვნელოვანი გზავნილია ინვესტორებისა და საერთაშორისო თანამეგობრობისთვის - ეკატერინე მიქაბაძე

25 სექტემბერი, 2018 , 17:30

„მსოფლიო ეკონომიკური თავისუფლების“ რეიტინგში 162 ქვეყანას შორის საქართველო მე-7 ადგილზეა - ამის შესახებ „ახალი ეკონომიკური სკოლა - საქართველოს“ ინიციატივით გამართულ პრეზენტაციაზე გახდა ცნობილი, რო

Global Finance-მა კობა გვენეტაძე 2018 წლის საუკეთესო ცენტრალურ ბანკირებს შორის დაასახელა

25 სექტემბერი, 2018 , 13:05

მსოფლიოს წამყვანმა ფინანსურმა გამოცემამ, Global Finance-მა, საქართველოს ეროვნული ბანკის პრეზიდენტი კობა გვენეტაძე 2018 წლის ცენტრალური ბანკების საუკეთესო მმართველთა შორის დაასახელა. საქართველოს ეროვნული ბანკის ინფორმაციი

საქართველო უნდა გახდეს ენერგობაზრისა და ენერგეტიკული ვაჭრობის რეგიონული ჰაბი - ნათია თურნავა

24 სექტემბერი, 2018 , 16:10

ენერგეტიკის დარგში არსებული კანონმდებლობის რევიზიისა და ასოცირების ხელშეკრულებიდან გამომდინარე საკანონმდებლო ჰარმონიზაციის საკითხებზე იმსჯელეს საქართველოს პარლამენტის დარგობრივი ეკონომიკისა და ეკონომიკური პოლიტიკის კომიტ

ვიდეო გალერეა

შეტევა ტელეკომპანია `იბერიასა` და `ომეგა ჯგუფზე`