საზოგადოება

ერთად ვიმოგზაუროთ წიგნის სამყაროში - საქართველოს ბანკი ქუთაისში, ფოთსა და ზუგდიდში დათო ტურაშვილთან შეხვედრებს გამართავს

საქართველოს ბანკი ახალგაზრდებისთვის განათლების შესაძლებლობების შექმნას განაგრძობს. სწორედ ამ მიზნით, ფინანსური ინსტიტუტი 28-30 მარტს საქართველოს სამ ქალაქში - ქუთაისში, ფოთსა და ზუგდიდში - წიგნების სამყაროში სამოგზაუროდ დათო ტურაშვილთან შეხვედრებს მართავს.

ღონისძიებაზე დასწრების მსურველებმა უნდა გაიარონ რეგისტრაცია ბმულზე.

შეხვედრების სერიის ფარგლებში, დათო ტურაშვილი განათლების, ლიტერატურისა და წიგნის მნიშვნელობაზე ისაუბრებს. ამასთან, გაიმართება კითხვა-პასუხის სესია, გამოვლინდებიან გამარჯვებულები და მათ საჩუქრად გადაეცემათ დათო ტურაშვილის მიერ ხელმოწერილი წიგნები.

შეხვედრები გაიმართება შემდეგ ლოკაციებზე:

ქუთაისი - 28 მარტი, 19:00 საათი

სასტუმრო ქუთაისი ინნ - 2, აღმაშენებლის ქუჩა

ფოთი - 29 მარტი, 16:00 საათი

ფარნავაზ მეფის #6

ზუგდიდი - 30 მარტი, 16:00 საათი

სასტუმრო ლეთო - 31 ზვიად გამსახურდიას გამზირი

დეტალური ინფორმაციის მისაღებად შეგიძლიათ ეწვიოთ ბმულს.

ინფორმაციისთვის, ახალგაზრდების მხარდაჭერის მიზნით, საქართველოს ბანკის CSR მიმართულებისთვის უკვე 5 წელზე მეტია განათლება პრიორიტეტია. სწორედ ამიტომ, ბანკი 40-ზე მეტ საგანმანათლებლო პროექტს ახორციელებს და უჭერს მხარს, რითაც 500 000-ზე მეტი მოსწავლისთვის, სტუდენტისა და ახალგაზრდა პროფესიონალისთვის ქმნის განათლების შესაძლებლობას. ბანკის CSR მიმართულების პორტფელი მოიცავს ისეთ საგანმანათლებლო პროექტებს, როგორებიც არის: საქართველოს ბანკის სტიპენდიები; გიორგი ჩახავას სახელობის სტიპენდია; დიდ ბრიტანეთში, აშშ-სა და გერმანიაში სწავლის სრული დაფინანსება; იდეათეკები – საქართველოს ბანკის ბიბლიოთეკების პროექტი; საქართველოს ბანკისა და კომაროვის ერთობლივი პროექტი – STEM სკოლა; საქართველოს ბანკის ოლიმპიადები მოსწავლეებისთვის: STEM ოლიმპიადა, ეკონომიკის ოლიმპიადა, Kings-ის ფინანსური განათლების ოლიმპიადა, ევერესტი. ამასთან, საჯარო მეტყველების კონკურსი, და სხვა.

საქართველოს ბანკის მიერ განხორციელებული საგანმანათლებლო პროექტების შესახებ დეტალური ინფორმაციის მისაღებად ეწვიეთ ვებგვერდს csr.bog.ge