უახლესი ამბები
- 18.04.2024 19:05ღრმად იმედგაცრუებულები ვართ საქართველოს პარლამენტის გადაწყვეტილებით კრემლის მიერ შთაგონებული კანონპროექტის დაინიცირების გამო - მეთიუ მილერი
- 18.04.2024 18:29“ვაცხადებთ სრულ კოორდინაციასა და მობილიზაციას კანონის მეორე მოსმენით განხილვის დღისთვის” - ექვსი ოპოზიციური პარტია ერთობლივ განცხადებას ავრცელებს
- 18.04.2024 14:47პაატა კვიჟინაძე ოპოზიციას - ერთ პიროვნებაზე იძახდით, გარბის საქართველოდან, გაფრინდაო, ახლა ამბობთ, შემოდის და აქ აბანდებსო, გაერკვიეთ, რა გინდათ
არქივი
საზოგადოება
ერთი გამონაკლისის გარდა ცეცხლის ახალი კერები არ გვაქვს - გიორგი მღებრიშვილი
შინაგან საქმეთა მინისტრის, გიორგი მღებრიშვილის ინფორმაციით, ბორჯომის ხეობაში ქარი გაძლიერდა, რაც ხანძრის სალიკვიდაციო სამუშაოებს ართულებს. მინისტრის თქმით, მხოლოდ ერთი ახალი კერაა აღმოჩენილი.
მღებრიშვილმა ჟურნალისტებთან საუბრისას განაცხადა, რომ დახმარებაზე სხვე ქვეყნებთან მიმდინარეობს მოლაპარაკებები.
„სახანძრო ვერტმფრენები აქტიურად მუშაობენ. ერთი წამით არ შეუწყვეტიათ მუშაობა. თუკი ისინი ბაზას უბრუნდებიან, მხოლოდ იმისთვის, რომ დაიმატონ საწვავი. ყველა კერაზე ვმუშაობთ მიუხედავად გართულებული მეტეოროლოგიური პირობებისა. ძალიან ძლიერი ქარია და ასეთი ქარი არც გუშინ და არც გუშინწინ არ ყოფილა. ინტენსიურად ვმუშაობთ და ვფიქრობ, რომ შედეგს აუცილებლად მივიღებთ.
ერთი გამონაკლისის გარდა ახალი კერები არ გვაქვს. იქაც გაჭრილია გზა, მისული არიან ჩვენი თანამშრომლები და მიმდინარეობს ცეცხლის ლოკალიზაცია. სხვა ქვეყნებთან მიმდინარეობს კონსულტაციები“, - განაცხადა მღებრიშვილმა.
შეგახსენებთ, ბორჯომის ხეობაში ხანზარი 20 აგვისტოს გაჩნდა.
ანა მებურიშვილი