სამართალი

ერთი თქვა, რატომ გადავრჩიო - ექიმის შეფასებით, დაჭრილი პოლიციელის მდგომარეობა გაუმჯობესდა

შსს-ს დაჭრილი თანამშრომლის მდგომარეობა შედარებით გაუმჯობესდა.

27 წლის პოლკოვნიკი ზვიად ფიცხეულაური მართვით სუნთქვაზე აღარ იმყოფება.

,,ამ მომენტისთვის აბსოლუტურად კონტაქტურია. მისი მდგომარეობა შეესაბამება გადატანილი ოპერაციის სიმძიმის ხარისხს. ამ ეტაპზე მის სიცოცხლეს საფრთხე არ ემუქრება. როგორც ვიცი, ეს არის თვითდაზიანებები. პაციენტი ახალი გაღვიძებულია. ერთი თქვა, რატომ გადავრჩიო“, - განაცხადა ქირურმა, გიორგი გეგაშვილმა პაციენტის მდგომარეობის შეფასებისას.

შსს-ს თანამშრომელი დაჭრილი დაცვის პოლიციის ტერიტორიაზე, თრიალეთის ქუჩაზე გუშინ იპოვეს.

დაჭრილი პოლიციელი საავადმყოფოში გადაიყვანეს, სადაც მას ოპერაცია ჩაუტარდა. პოლიციელის ჯანმრთელობის მდგომარეობა სტაბილურად მძიმე რჩება. პოლკოვნიკ ზვიად ფიცხელაურს 7 ჭრილობა აქვს მიყენებული.

მომხდარზე გამოძიება სისხლის სამართლის კოდექსის 117-ე მუხლით მიმდინარეობს, რაც ჯანმრთელობის დაზიანებას გულისხმობს.