უახლესი ამბები
- 29.03.2024 14:05„ჯორჯიან ეარვეისი“ გერმანიაში, ევრო-2024-ზე ეროვნული ნაკრების თამაშებზე დასწრების მსურველებისთვის სპეციალურ პირდაპირ ფრენებს შეასრულებს
- 29.03.2024 13:54ატმოსფერულ ჰაერში ფიქსირდება მყარი ნაწილაკების შემცველობის მატება - გარემოს ეროვნული სააგენტო
- 29.03.2024 13:40საქართველოს ტერიტორიაზე უახლოეს დღეებში ტემპერატურა 26 გრადუსამდე მოიმატებს - გარემოს ეროვნული სააგენტო
- 29.03.2024 12:02მუნიციპალური ტრანსპორტის ხუთ მარშრუტს 30 მარტიდან ავტობუსები დაემატება და მოცდის ინტერვალი შემცირდება
- 29.03.2024 11:41თებერვალში საქართველოს ეკონომიკა 9.5 პროცენტით გაიზარდა - საქსტატი
- 29.03.2024 11:41თებერვალში საქართველოს ეკონომიკა 9.5 პროცენტით გაიზარდა - საქსტატი
არქივი
რეგიონები
ერთი თვის წინ გაუჩინარებული 18 წლის გოგი დოლიძის ოჯახმა გენერალურ პროკურორთან შეხვედრა მოითხოვა
ერთი თვის წინ სოფელ ბობოყვათიდან დაკარგული 18 წლის გოგი დოლიძის ოჯახმა და ახლობლებმა ქობულეთის ცენტრში გამაფრთხილებელი აქცია გამართეს. პროტესტის მონაწილეებმა მოითხოვეს საქმის გადაცემა პროკურატურისთვის და უშუალოდ გენერალურ პროკურორთან შეხვედრა.
„ჩვენ ვითხოვთ გენერალურ პროკურორთან შეხვედრას და ამ საქმის პირად კონტროლზე აყვანას. თუ არ მოხდება ამის დაკმაყოფილება, შემდეგი აქცია იქნება მასშტაბური და უფრო რადიკალური. არ გავჩერდებით მანამდე, სანამ არ იპოვიან გოგის“, -განაცხადა თეონა დოლიძემ, გაუჩინარებული სკოლის მოსწავლის დამ.
უფლებადამცველ თამაზ ბაკურიძის ინფორმაციით, თუ გენერალურ პროკურორთან აუდიენცია ვერ მოხდება, მომდევნო შეკრება აჭარის მთავრობის რეზიდენციასთან გაიმართება.
შეკრებილებს შეხვდა აჭარის ავტონომიური რესპუბლიკის უმაღლესი საბჭოს ადამიანის უფლებათა კომისიის თავმჯდომარე ცოტნე ანანიძე. მისი თქმით, შესაბამისი ორგანოები აქტიურ საგამოძიებო საქმიანობას აგრძელებენ.
„მუდმივ კომუნიკაციაში ვიმყოფები მეც და ხელისუფლების წევრებიც საგამოძიებო ორგანოებთან. საგამოძიებო ორგანოები აღნიშნულ საქმესთან დაკავშირებით აქტიურად აგრძელებენ საგამოძიებო საქმიანობას, მიმდინარეობს ძიება“, -თქვა ანანიძემ.
არასრულწლოვანი სახლიდან 7 დეკემბერს გავიდა და მას შემდეგ ის არავის არ უნახავს.
ანა მებურიშვილი