უახლესი ამბები
არქივი
პოლიტიკა
„ერთობა - ახალი საქართველოს“ სპიკერი ნიკოლოზ ვაშაკიძე გახდა
„ერთობა - ახალი საქართველოს“ სპიკერი ნიკოლოზ ვაშაკიძე გახდა.
როგორც პარტიის ოფისში გამართულ ბრიფინგზე პარტიის ლიდერმა გიორგი ვაშაძემ განაცხადა, ნიკოლოზ ვაშაკიძე არის ის ადამიანი, რომლის იდეოლოგიის ბაზაზე დგას „ერთობა - ახალი საქართველო“.
„მის მიერ შემუშავებული იდეოლოგიის ბაზაზე დგას მნიშვნელოვან წილად „ერთობა -ახალი საქართველო“ და სწორედ ის იქნება ადამიანი, რომელიც გაუწევს ხელმძღვანელობას ჩვენს გაერთიანებას. ის მაქსიმალურად იმუშავებს ყველა ჩვენს კანდიდატთან, ყველა ჩვენს წარმომადგენელთან იმისათვის, რომ ის მთავარი გზავნილი რომელიც ჩვენ გვაქვს თითოეული მოქალაქემდე იყოს მიტანილი. თბილისი უნდა იყოს ლიდერ ქალაქთა შორის“,-აღნიშნა ვაშაძემ.
21 ოქტომბრის ადგილობრივი თვითმართველობის არჩევნებში „ერთობა - ახალმა საქართველომ“ მერობის კანდიდატად გიორგი ვაშაძე წარადგინა.
მონიკა დავლიანიძე