უახლესი ამბები
- 25.04.2024 12:59საქართველოს პროკურატურამ საფრანგეთის, შვეიცარიის და ლიეტუვის უწყებების წარმომადგენლების ჩართულობით, ფართომასშტაბიანი ტრანსნაციონალური დანაშაული გახსნა
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
პოლიტიკა
ეს არაა ჩემი მიდგომა, რომ მას შემდეგ, რაც ჩემ მიერ წარდგენილი ადამიანი გადადგება, მას რამდენიმე საათში უკან დავაწიო ქვა - თეა წულუკიანი
იუსტიციის მინისტრმა თეა წულუკიანმა მოუწოდა საქართველოს პრეზიდენტ გიორგი მარგველაშვილს, შეაფასოს, რამდენად სწორი იყო მისი გადაწყვეტილება პარლამენტისთვის უზენაესი სასამართლოს თავმჯდომარედ ნინო გვენეტაძის წარდგენის შესახებ.
„საქართველოს პრეზიდენტისა და მისი თანამშრომლებისგან განსხვავებით, მე არ მჩვევია, როდესაც ფართო კონსულტაციების შედეგად, ყველასთან შეთანხმებით დავდგები მედიის წინაშე, განვაცხადებ – წარმოგიდგენთ კანდიდატურას და როდესაც ეს ადამიანი შემდეგ გადადგება, მას რამდენიმე საათში უკან დავაწიო ქვა. ეს არ არის ჩემი მიდგომა. ჩემი მიდგომა არის სხვანაირი და კიდევ ერთხელ მოვუწოდებ საქართველოს პრეზიდენტს, რომ მის თანამშრომლებს, რომლებმაც რამდენიმე წლის წინ პარლამენტს შესთავაზეს ნინო გვენეტაძის კანდიდატურა, შეაფასონ მაშინდელი გადაწყვეტილება და გვითხრან, საზოგადოებასაც და მეც, იყო თუ არა ეს გადაწყვეტილება სწორი, რატომ იკავებენ თავს შეფასებისგან, რაც იყო დღემდე და რას აპირებენ მომავლში“, – განაცხადა წულუკიანმა.
მისივე თქმით, პრეზიდენტმა უნდა მიაწოდოს საზოგადოებას ინფორმაცია, ნინო გვენეტაძის წარდგენის გადაწყვეტილებას რა ნაკლი ჰქონდა.
„ქალბატონი ნინო, როგორც იცით, ძალიან ბევრ პრობლემას იყო შეჭიდებული და საქართველოს პრეზიდენტი, ალბათ იყო საქმის კურსში, თუ რა გამოწვევები ჰქონდა უზენაესი სასამართლოს თავმჯდომარეს მუშაობის დროს. მე უპირველეს ყოვლისა, ველოდებოდი და დღემდე ველოდები პრეზიდენტის შეფასებას, თუ როგორ აფასებს ის, მის მიერ წარდგენილ კანდიდატურას, მის გადაწყვეტილებას, იმ კონსულტაციებს, რომელიც თავის დროზე გამართა, ჰქონდა თუ არ ამ კონსულტაციებს ნაკლი, იყო თუ არა ისეთი ვინმე, ან ინსტიტუტი, ან ადამიანი, რომელიც მაში არ იყო კონსულტაციებში ჩართული და ასე შემდეგ“, – განაცხადა იუსტიციის მინისტრმა.