უკან

უახლესი ამბები

დღის კალენდარი

ანონსები

არქივი

საზოგადოება

28 ოქტომბერი, 2016 15:30
font-size

ეს არის ძალიან ცინიკური, აგდებული დამოკიდებულება სოციალურად დაუცველი ოჯახებისადმი - ირაკლი აბესაძე

ნაციონალური მოძრაობის წევრის, ირაკლი აბესაძის განცხადებით, ხელისუფლება მილიონობით ლარს ზოგავს სოციალურად გაჭირვებული ადამიანების ხარჯზე.

როგოროც აბესაძემ დღევანდელ ბრიფინგზე აღნიშნა, მთავრობა ყველაფერს აკეთებს, რათა საბიუჯეტო სახსრებიდან სოციალური შემწეობისთვის თანხები არ გამოყოს.

,,სოციალურად დაუცველთა შეფასების ერთ-ერთი მთავარი კრიტერიუმი არის ადამიანების მიერ მოხმარებული და გადახდილი კომუნალური გადასახადების რაოდენობა. თბილისში სოციალურად დაუცველ ოჯახებს ჩვენი ხელისუფლებაში ყოფნის შემდგომ ერიცხებათ კომუნალური ვაუჩერი ანუ მათ კომუნალურ დანახარჯებს უნაზღაურებს სახელმწიფო. როგორც ირკვევა ასეულობით ოჯახს, ანუ ათასობით სოციალურად დაუცველ, უკიდურესად გაჭირვებულ ადამიანს სახელმწიფომ მოუხსნა სოციალური დახმარებები მხოლოდ და მხოლოდ იმის გამო, რომ მათ სახელმწიფო უნაზღაურებდა კომუნალურ გადასახადებს. ჯანდაცვის სამინისტრომ არ გადაამოწმა, რომ ამ ადამიანების მიერ მოხმარებულ კომუნალურ გადასახადებს იხდიდა თბილისის მერია და ეს ადამიანები დატოვა სოციალური შემწეობის გარეშე. რამდენიმე მათგანზე ჩვენ გავაგზავნეთ შუამდგომლობა ჯანდაცვის სამინისტროში და ჩვენი აქტიურობის შემდეგ ამ ადამიანებს აღუდგათ სოციალური დახმარება, თუმცა გასული რამდენიმე თვის განმავლობაში მათ დაკარგეს ის თანხა, რომელიც მათთვის საარსებო თანხას წარმოადგენს. სახელმწიფო სოციალურ დახმარებას ადამიანებს უხსნის მხოლოდ იმიტომ, რომ მათ ეხმარებოდა სახელმწიფო. ეს არის ძალიან ცინიკური, აგდებული დამოკიდებულება სოციალურად დაუცველი ოჯახებისადმი.

ჯანდაცვის სამინისტროს მოვუწოდებთ, ამ ადამიანების ბედით თამაშს თავი დაანებოს და თავად გადაამოწმოს, თუ ვის უნაზღაურებს კომუნალურ გადასახადებს თბილისის მერია. ეს ბაზა არსებობს და აქვს თბილისის მერიას’’, - განაცხადა ირაკლი აბესაძემ.

მისი თქმით, ეს თემა აქტუალურია, რადგან მოდის ნოემბერი და მერიამ უნდა დაიწყოს კომუნალური ვაუჩერების გაცემა სოციალურად დაუცველ ოჯახებზე.

ამასთან, როგორც აბესაძემ აღნიშნა, კომუნალური ვაუჩერის ოდენობას დღითიდღე ამცირებს თბილისის მერია და ყოველწლიურად მეტი თანხის დაზოგვას ცდილობს.

,,გასულ წელს მერიამ მიიღო გადაწყვეტილება და თბილისში დაახლოებით 200 000 ოჯახს მოეხსნა კომუნალური ვაუჩერი და შეუნარჩუნდათ მხოლოდ და მხოლოდ სოციალურად დაუცველთა ბაზაში რეგისტრირებულ ადამიანებს, რომელთა ჯამური რაოდენობა თბილისში დაახლოებით 90 000-ია,’’ - აღნიშნა ირაკლი აბესაძემ.

მისი თქმით, მერია ყველაზე გაჭირვებულ სოციალურ ფენაზე ზოგავს რამდენიმე ასეულ ათას ლარს და სავარაუდოდ, ამ თანხას გამოიყენებს იმ დეფიციტის შესავსებად, რომელიც წინასაარჩევნოდ დახარჯული თანხების გამო შეიქმნა ბიუჯეტში.

ნინო ექვთიმიშვილი

საქართველოში ამ ეტაპზე ინფიცირების მიმდინარე აქტიური 21 655 შემთხვევა არის

3 დეკემბერი, 2020 , 11:55

ბოლო 24 საათის განმავლობაში გამოვლენილია ვირუსით ინფიცირების 4 260 ახალი დადასტურებული შემთხვევა, – ამის შესახებ უწყებათაშორის საკოორდინაციო საბჭოსთან არსებული საოპერაციო შტაბის უფროსის მოადგილემ, ბერდია სიჭინავამ,

საქართველოში წლიურმა ინფლაციის დონემ 3.8 პროცენტი შეადგინა - საქსტატი

3 დეკემბერი, 2020 , 11:55

სტატისტიკის ეროვნული სამსახურის ინფორმაციით, 2020 წლის ნოემბერში წინა თვესთან შედარებით ინფლაციის დონემ საქართველოში 0.9 პროცენტი, ხოლო წლიური ინფლაციის დონემ 3.8 პროცენტი შეადგინა. რაც შეეხება საბაზო ინფლაციას, აღნიშნულ

საქართველოს ბანკი The Banker-ის მიერ საქართველოში წლის საუკეთესო ბანკად დასახელდა

3 დეკემბერი, 2020 , 11:55

საერთაშორისო გამოცემა The Banker- მა საქართველოს ბანკი „Bank of the Year Awards 2020” -ის გამარჯვებულად დაასახელა. ჯილდო ბანკს ქვეყნის მასშტაბით წლის საუკეთესო ბანკის კატეგორიაში მიენიჭა. მსოფლიოს წამყვანი ბა

საქართველოში ბოლო 24 საათში კორონავირუსით 45 ადამიანი გარდაიცვალა

3 დეკემბერი, 2020 , 11:25

საქართველოში ბოლო 24 საათის განმავლობაში კორონავირუსით 45 ადამიანი გარდაიცვალა. ამის შესახებ უწყებათაშორის საკოორდინაციო საბჭოსთან არსებული საოპერაციო შტაბის უფროსის მოადგილემ, ბერდია სიჭინავამ, მთავრობის ადმინისტრაციაში

საქართველოში კორონავირუსის 4 260 ახალი შემთხვევა გამოვლინდა

3 დეკემბერი, 2020 , 11:25

საქართველოში კორონავირუსის 4 260 ახალი შემთხვევა გამოვლინდა, – ამის შესახებ უწყებათაშორის საკოორდინაციო საბჭოსთან არსებული საოპერაციო შტაბის უფროსის მოადგილემ, ბერდია სიჭინავამ მთავრობის ადმინისტრაციაში გამართულ ბრ

ერთჯერადი 300 ლარიანი კომპენსაციის მისაღებად ელექტრონული განაცხადების მიღება დღეიდან იწყება

3 დეკემბერი, 2020 , 10:45

300-ლარიანი კომპენსაციის მისაღებად ელექტრონული განაცხადების მიღება დღეიდან იწყება, - ინფორმციას შემოსავლების სამსახური ავრცელებს და მოუწოდებს თითოეულ მოქალაქესა და კომპანიას, პასუხისმგებლობით მოეკიდოს მთავრობის მიერ წარდ