პოლიტიკა
ეს არის ხელისუფლებისთვის ბოლო შანსი, შეინარჩუნოს ღირსება - რომან გოცირიძე
„ერთიანი ნაციონალური მოძრაობის“ ლიდერმა, რომან გოცირიძემ პრეზიდენტისა და ოპოზიციის მიერ შედგენილი დოკუმენტის კომენტირებისას განაცხადა, რომ ეს ბოლო შანსია მმართველი გუნდისთვის, გაიზიაროს შენიშვნები საკონსტიტუციო რეფორმაზე.
„პრეზიდენტის მიერ გაგზავნილი შენიშვნები ესაა კომპრომისული, მთელ ქვეყანასთან შეჯერებული დოკუმენტი, მათ შორის იზიარებს არასამთავრობო სექტორის სულისკვეთებას, ისევე როგორც ვენეციის კომისიის აზრებს, ამიტომ, ეს არის ხელისუფლებისთვის ბოლო შანსი, შეინარჩუნოს ღირსება და დარჩენილი სამართლებრივი მექანიზმებით, ვეტოს გამოყენების შემთხვევაში შეცვალოს ეს უვარგისი კონსტიტუცია“, -აღნიშნა გოცირიძემ.
შეგახსენებთ, პრეზიდენტმა გიორგი მარგველაშვილმა ოპოზიციასთან შემუშავებულ დოკუმენტს ვენეციის კომისიასა და მმართველ პარტიას გაუგზავნა.
ანა მებურიშვილი