უკან

უახლესი ამბები

დღის კალენდარი

ანონსები

არქივი

პოლიტიკა

27 მარტი, 2017 12:20
font-size

ეს დღე არის სიმბოლო იმისა, რომ საქართველო იბრუნებს მის კუთვნილ ისტორიულ ადგილს ევროპულ თანამეგობრობაში - თამარ ხულორდავა

ეს დღე არის სიმბოლო იმისა, რომ საქართველო იბრუნებს მის კუთვნილ ისტორიულ ადგილს ევროპულ თანამეგობრობაში, იმ ქვეყნების წრეში, რომლებსაც საქართველო თავისი ღირებულებითი სისტემით, თავისი ხედვით, თავისი ამბიციით ეკუთვნის და ეკუთვნოდა ყოველთვის, - განაცხადა საქართველოს პარლამენტის ევროპასთან ინტეგრაციის კომიტეტის თავმჯდომარემ, თამარ ხულორდავამ დღეს გამართულ ბრიფინგზე საქართველოს მოქალაქეებისთვის უვიზო მიმოსვლის ამოქმედების საკითხზე საუბრისას.

მისი თქმით, 28 მარტი არის ისტორიული დღე თანამედროვე საქართველოსთვის, რადგან ძალაში შედის ევროკავშირის მიერ მიღებული გადაწყვეტილება საქართველოს მოქალაქეებისთვის უვიზო მიმოსვლის შესაძლებლობის მინიჭების შესახებ.

,,ეს გადაწყვეტილება ევროპის პარლამენტმა მიიღო 2 თებერვალს და უკვე ხვალიდან ეს შესაძლებლობა ხდება რეალური საქართველოს თითოეული მოქალაქისთვის.

კიდევ ერთხელ ვულოცავ ჩვენს მოქალაქეებს ამ მნიშვნელოვან წინსვლას და საქართველოს წარმატებას ევროპული ინტეგრაციის გზაზე.

ეს გადაწყვეტილება გახლავთ ძალიან კონკრეტული შედეგი და დაფასება იმ რეფორმებისა, რომლებიც წლების განმავლობაში ხორციელდებოდა საქართველოს ხელისუფლების ყველა შტოს აქტიური ჩართულობით. ეს არის დაფასება იმ ძალიან მნიშვნელოვანი მასშტაბური საკანონმდებლო და ინსტიტუციური რეფორმების, რომლებიც 2013 წლის თებერვლიდან აქტიურად ხორციელდება, მას შემდეგ, რაც საქართველოს გადმოეცა ვიზის ლიბერალიზაციის სამოქმედო გეგმა. ეს პროცესი მთელი ჩვენი მოქალაქეების თვალწინ მიმდინარეობდა და ყველას ყურაღების ცენტრში იყო და ველოდებით ამ დღეს, როცა შევძლებდით უკვე გვეთქვა, რომ დღეიდან საქართველოს მოქალაქეს ბიომეტრული პასპორტით შეუძლია მოგზაურობა ევროკავშირის სივრცეში.

ეს დღე და ეს გადაწყვეტილება ისტორიულია არამხოლოდ იმიტომ, რომ ტექნიკურად მარტივდება ჩვენი მოქალაქეებისთვის ევროპაში მოგზაურობა და ევროპის ქვეყნების კარი იღება ჩვენთვის, ეს დღე გაცილებით უფრო მნიშვნელოვანია. ეს დღე არის სიმბოლო იმისა, რომ საქართველო იბრუნებს მის კუთვნილ ისტორიულ ადგილს ევროპულ თანამეგობრობაში, იმ ქვეყნების წრეში, რომლებსაც საქართველო თავისი ღირებულებითი სისტემით, თავისი ხედვით, თავისი ამბიციით ეკუთვნის და ეკუთვნოდა ყოველთვის’’, - განაცხადა თამარ ხულორდავამ.

საქართველოს პარლამენტის უმრავლესობის დეპუტატმა თანამოქალაქეებს მოუწოდა, ევროკავშირის ქვეყნებში მოგზარობისას დაიცვან შესაბამისი რეგულაციები და პასუხისმგებლობით მოეკიდონ ამ შესაძლებლობას.

,,ყველა მოქალაქემ უნდა გააცნობიეროს ის პასუხისმგებლობა, რაც თითოეულ ჩვენგანს ეკისრება. ჩვენ ყველამ ვნახეთ, რა დიდი დრო დასჭირდა ამ ყველაფრის რეალობად ქცევას. ეს უკვე რეალობაა და ის თუ როგორ ვისარგებლებთ ამით, ეს უკვე ჩვენი ღირსების საკითხია. ასე რომ, ყველა ჩვენს თანამოქალაქეს კიდევ ერთხელ მოვუწოდებ, რომ ვიყოთ ზედმიწევნით მაღალი პასუხისმგებლობის გრძნობით ამის მიმართ და დავიცვათ ის რეგულაციები, რასაც აწესებს ევროკავშირი’’, - განაცხადა ხულორდავამ.

ცნობისათვის, 28 მარტიდან საქართველოს მოქალაქეები ევროპაში უვიზო მიმოსვლას შეძლებენ.

დღეს ღამიდან საქართველოს მოქალაქეები ევროკავშირის 22 წევრ, 4 არაწევრ და შენგენის 4 კანდიდატ ქვეყანაში უვიზო მიმოსვლას შეძლებენ.

უვიზო მიმოსვლით ისარგებლებს ბიომეტრიული პასპორტის მქონე საქართველოს ყველა მოქალაქე, მათ შორის ოკუპირებულ ტერიტორიებზე მცხოვრებლებიც.

ნინო ექვთიმიშვილი

პარტიის თავმჯდომარის გადასაწყვეტია, იქნება თუ არა პარტიული სიის სათავეში - მამუკა მდინარაძე

10 ივლისი, 2020 , 15:20

„იქნება თუ არა ბიძინა ივანიშვილი სიის პირველი ნომერი, ეს არის მხოლოდ და მხოლოდ პარტიის ხელმძღვანელის გადასაწყვეტი,” – ამის შესახებ საპარლამენტო უმრავლესობის ლიდერმა, მამუკა მდინარაძემ განაცხადა. მისი თქ

მიხეილ სააკაშვილის განცხადებასთან დაკავშირებით, საგარეო უწყებაში უკრაინის ელჩთან შეხვედრა გაიმართა

10 ივლისი, 2020 , 15:20

საგარეო საქმეთა სამინისტროში საქართველოში უკრაინის საგანგებო და სრულუფლებიან ელჩთან იგორ დოლგოვთან შეხვედრა გაიმართა. როგორც „მედიანიუსს“ საგარეო საქმეთა სამინისტროდან აცნობეს, შეხვედრაზე ქართულმა მხარემ კიდე

საქართველოს პროგრესს არაფერი ემუქრება -გიორგი გახარია

10 ივლისი, 2020 , 13:20

ჯერჯერობით, ეს არის საკანონმდებლო ინიციატივა, რომელიც კომიტეტებს გადის. რა თქმა უნდა, ამაში სასიამოვნო არაფერი არ არის. მიუხედავად იმისა, ჩვენ ყველას გვესმის, რომ ის პუნქტები, რომელიც იქ არის ჩამოთვლილი, საქართველო ყოველ

თუნდაც მე ვიქნები ბოლო ნომერი, სიაში ვინ იქნება პირველი, ამას არ აქვს მნიშვნელობა - გიორგი გახარია

10 ივლისი, 2020 , 12:50

სიაში ვინ იქნება პირველი, ამას კი არ აქვს მნიშვნელობა, მთავარია ყველამ - ოპოზიციამ, მთავრობამ, სამოქალაქო საზოგადოებამ, ჩავატაროთ სანიმუშო არჩევნები, - ამის შესახებ საქართველოს პრემიერ-მინისტრმა, გიორგი გახარიამ, ჟურნალი

„ქართული ოცნების“ კლანური მმართველობა საქართველოს ძალიან ძვირი უჯდება - გიორგი ვაშაძე

10 ივლისი, 2020 , 12:15

„ამერიკის კონგრესის საფინანსო საბიუჯეტო კომიტეტმა საქართველოს მიმართ სანქციები დააწესა, რომელიც საქართველოს სახელმწიფოს და თითოეულ მოქალაქეს პრობლემებს შეუქმნის,“ - ამის შესახებ „ახალი საქართველოს&ldquo

ვახტანგ გომელაურმა საქართველოში ევროპის საბჭოს ოფისის ხელმძღვანელთან, კრისტიან ურსესთან გამოსამშვიდობებელი შეხვედრა გამართა

10 ივლისი, 2020 , 11:10

საქართველოს შინაგან საქმეთა მინისტრმა, ვახტანგ გომელაურმა გამოსამშვიდობებელი შეხვედრა გამართა საქართველოში ევროპის საბჭოს ოფისის ხელმძღვანელთან, კრისტიან ურსესთან, რომელიც საქართველოში ხუთწლიან მოღვაწეობას ასრულებს. საქა

პირდაპირი TV

daily calendar

ვიდეო გალერეა

ამ პარტიაში ვარ პოლიტიკური ლიდერი, ვფიქრობ პოლიტიკური ლიდერობით აქედან უფრო მივაწვდენ ხმას ყველას, ვიდრე ვყოფილიყავი დიდი გაერთიანების ერთერთი წევრი - ნატო ჩხეიძე